¹ Nkomyeba muciine muli kristu.Ntakobepa,elo kampingu wandi akombela bunte muli mupashi wamushilo ² pantu muli nebo maliba ubulanda ubukalamba nobukali bwabulo ukuleka mumutima wandi. ³ Pantu nebo nemwine kui nafwaya ukupatulwa kuli Kristu ngowakuciipwa pali bamunyinane,abantu bandi ukulingana kubuntunse. ⁴ Abena israeli.Mucifyalilwa nobukata,nefipangano,mukupelwa amalango,imilimo yamwitempele,nefilayo. ⁵ Kuli bena ekwafumine Kristu aishile kukwata umucinshi kumubili-Uyo uwaba Lesa pali fyonse.Alumbanishiwe umuyayaya,Ameni. ⁶ Lelo takuli kweba ai icebo cakwa Lesa cilifililwe.Pantu tali onse uusangwa muciine mubena israeli. ⁷ Bonse mucine bamubufyashi bwakwa Abramu. Lelo,''nimubufyashi bwakwa Isaki betilwa abana'' ⁸ Ekwebai, abana bakumubili tabali bana bakwa lesa. Lelo abana bakucilayo ebana bakubufyashi. ⁹ Nakuli ico ecebo cacilayo:''Pali inonshita nkoisa nokwisakupeela sarah umwana''. ¹⁰ Teico cekaiyo lelo lilya Rebekah aimitile kumwaume umo,shifwe wesu Isaaki-. ¹¹ Elo abana batalafyalwa kaili talekucita icibi nangu icisuma,pakweba ai ubusalo bakwa lesa bupangwe . ¹² Lelo tepamulandu wa milimo,lelo kuli ena aita-Efyasoselwe kuli ene.''umukulu ukubombela umwaice''. ¹³ Cilingefyo calembelwe:Nalitemenwe yakobo,esau eo napatile''. ¹⁴ Bushe fimbi findo tukososa? Bushe kuli ifitasangululwa kuli lesa? Bushe tekuti cibefyo. ¹⁵ Mufyocasoselwe kuli mose ai,'' Nakukwata alulse pao nkakwatilo uluse, kabili nkakwata inkumbu pao nkakwatila inkumbu. ¹⁶ Elo nomba tamulanda nakuli uyo ufwaya, nangu kuli uyo uubutuka, lelo nikumulandu na lesa utulanga uluse. ¹⁷ Namwilembo lyasoswa kuli Farao,''pamulandundu wauyu umulimo nalikukushishe,pakuti nange amaka yandi muli webo,napakweba ati ishina lyandi likabilishiwe mu calo conse. ¹⁸ Elo kabili, Lesa alikwata ukubelela uluse kuli uyo atemenwe, nakuli uyo atemenwe, alomalala. ¹⁹ Mwakusosefi kuli nebo,'' Nindo acili alefwaila amafya?Ngoyo wingakanya ubufwayo bwakwe?'' ²⁰ Pabupusano, wemuntu we, niwebo naniwakupusana na lesa? Bushe icakupanga kui caisakulanda kuwa cipanga ai," Nindo mwambikile muliyo inshila?" ²¹ Bushe nakabumba alikwete insambu pe buumba limo line ukubumbilako icipe cakula bofya mumucishi, necipe nacimbi mububi? ²² ngakuli lesa, uwasumina ukulanga ubukali bwakwe, namaka yakwe nokulindilila mukutekanya kwakwe pafintu ifyapekanishiwefye ukonaika? ²³ Nganga cakweba ai acita ifi mubukonkani bwakusokolla ifyuma mubucindami bwakwe pafipe fya luse, ico apekanishishe limo mubusuma? ²⁴ Nga cakweba ai acitile fi nakabili mulifwebo, uo nao akuutile,tekuba yuda beeka,lelo nako bakubena fyalo. ²⁵ Ngefyo asosele nakabili muli Hosiya:"N akwita abantu bandi" abataali bantu bandi, nomwanakshi 'watemwika' uo natemwa. ²⁶ Elo cilekuba ifyofine ngefyofine casoselwe kuli bena ai, 'Tamuli bantu bandi',kulya kwena bakula beta' abana bakwa lesa wamweo."' ²⁷ Elo esaya alililako israeli umusuwa," Nelo abana bakwa israeli bali no mucanga wamuli bemba, abanonofye ebakapusuka, ²⁸ Pantu shikulu akufikilisha amashiwi yakwe pesonde apabula ukufilwa nangu ukushinga shinga." ²⁹ Ngefyo esaya asosele libela ai ,"Ngacakuti shikulu wamilalo ngatatubika ukuba abna bakwe,ngatwaba nga Sodoma, nakaili kui twasanguka nga Gomora." ³⁰ Bushe cindo tulinokusosa nakaili? Balya abena fyalo, abatalungamikwe,abaishileba abalungamikwa, ukulungamikwa kwa citetekelo. ³¹ Lelo israeli,uwalikubela amalango taikalile umwabela amalango. ³² Cindo nomba? Nimukweba ai tabakwete icitetekelo, lelo kwati nikubomba imilimo. Lelo baipuntwile kwilibwe ilyakuipuntulako, ³³ Ngefyo calembelwe ai," Moneni,nabika ilibwe mu zioni ilya kuipuntulako kaili ilibwe ilyakuipuntulako. Uyo onse uwasumina takomfwe isoni."