¹ Paulo, umufungwa wakwa Kristu Yesu, na munina Timoti, kuli Philemon, muninefwe no mubomfi munensu, ² nakuli Apphia nkashi yesu, nakuli archippus icita cinensu, na kulukuta ulo ulukumanina mu ng'anda yobe. ³ Nakube ukusenaminwa kuli mwe no mutende ukufuma kuli Lesa Tata wesu na kuli Shikulu Yesu Kristu. ⁴ Lyonse ndatasha Lesa wandi nganakulumbula mu mapepo yandi, ⁵ pantu ndonfwa palwa cicetekelo wamukwatila shikulu Yesu na pa citemwiko ico wakwatila abantu bonse abamushilo. ⁶ Nkopepa ukuti ukwabanya kwacicetekelo cobe kube ukwafikapo, ukakwate ukumfwikisha pali fyonse ifintu ifisuma twakwata muli Kristu. ⁷ Pantu ndikwete icongwe no kutalalikwa pa mulandu wa citemwiko cobe, pantu ulipangile imitima ya bantu ba kwa Lesa abashila ukutalalikwa, ndume. ⁸ Eico, nangula ndikwete ukushipa muli Kristu mu kukukonkomesha ukucita ifyo ufwile ukucita, ⁹ nomba pa mulandu wacitemwiko, nkokweba ne libe-I, Paulo, umwaume umukalamba, elyo kabili umufungwa wakwa Kristu Yesu. ¹⁰ Nkokupapatila palwa mwana wandi Onesimus, uo nakushishe ninshi indintabililwe ne minyololo. ¹¹ Pantu inshita shimo ali uwabulebule kuli we, lelo nomba alikwete umulimo kuli we nandi. ¹² Namutuma ukubwelela kuli we, uyo uuli pa mutima wandi. ¹³ Ine nkofwaya ukuba nankwe pakuti apyungile ine pali we libe ninshi ndi muminyololo pamulandu wambila nsuma. ¹⁴ Lelo ntalikufwaya kucita kantu ukwabulo kusuminishiwa kobe. Ntalikufwaya ubusuma bwaficitwa fyobe ukufuma kubwingi lelo ukufuma kubufwayo busuma. ¹⁵ Pantu ifi efyali kulenga wene ukupatulwa ukufuma kuli we pa nshita, pakuti umupokelele mukuba nobe umuyayaya. ¹⁶ Takabe kabili ngo musha, lelo uwacishiwa pa musha, munina uwatemwikwa. Alitemwikwa ukucilishapo kuli ne, kabili cicilepo kuli mwe, mulifyonse kumubili namuli Shikulu. ¹⁷ Eico ngawansenda ngomunobe, mupokelele kwati nine. ¹⁸ Ngacakuti alikubifishe nangu alikukwatile imisha, upingule kuli ne. ¹⁹ Ine, ne Paulo, ndilembele ifi kumaboko yandi. Ine nemwine nkafuta imisha- nshikososa ati umutima obe ulikwete imisha! ²⁰ Ee, wendume, leka nkwateko ubukumu kuli we muli shikulu; ntalalika umutima wandi muli Kristu. ²¹ Nkosubila mucumfwila cobe, nkolembela kuli we. Ndishibile ukuti ukacita ukucila nefyo ne nkoipusha. ²² Panshita imo ine, umpekanishishe umuputule wa bweni, panti ndikwete isubilo ukuti ukupitila mu mapepo yobe nkabweshiwa kuli we. ²³ Epaphrashi, umufungwa munandi muli Kristu Yesu, akokuposha. ²⁴ Cimo cine na Maliko, Aristaki, Dema, Luka, ababomfi banandi. ²⁵ Ukusenaminwa kwa kwa Shikulu Yesu Kilisitu kube ne mipashi yenu. Ameni.