¹ Yesu alingile kaili alekupita mu Yeliko. ² Moneni,kwali umuntu uweshina sakeo.Ali nikasonkesha wamisonka kaili ali umukankala. ³ Alikufwaisha ukwishiba Yesu, nomba tamumwene,pantu ali umwipi mu ciimo. ⁴ Eco abutukile kuntanshi yabantu nokunina kucimutipakuti amumone,pantu Yesu alikupita munshila ilya. ⁵ Ulo Yesu alikwisa munshila,aloleshe mumulu nokumweba ,"Sakeo,iikuila bwangu,pantu lelo nkoya kung'anda kobe." ⁶ Lelo ayangufyenye ukwikila panshi nokumupokelela nensansa. ⁷ Ulo bonse bamwene ifi,bali ilishenye,nokusosa ai,"Aile mukukumanya umuntu uwamasambi." ⁸ Sakeo alikwminina nokusosa kuli shikulu,mona shikulu,icakaniko candi pali fibili ndepela kuncushi,nganalibulilapo umntu cili conse ,nakumubwesesha pamiiku ine imitengo." ⁹ Yesu abebele ai,"Lelo ipusukilo lishile kung'anda kobe,pantu uyu nao mwana wakwa abrahamu. ¹⁰ Pantu umwana wamuntu aishile mukufwaya nokupususha abantu abaluba ." ¹¹ Ulo baumfwile ififintu,akonkenyepo ukubeba mumilumbe,pantu ali mupepi naku Yerusalemu,batontonkenye ai ubufumu bwakwa Lesa bwalaswa bwise. ¹² Asosele ai,umuntu umo umukankala aile kucaalo cakutali kukuimwena ubufumu nokubwela. ¹³ Aitile abasha ikumi nokubapela amakobili nokubeba ai,"mukasandulule amakwebo mpaka nkabwele.' ¹⁴ Lelo abekala caalo balimupatile nokutuma inkombe shakuya mweba ai ,''Tatukofwaya uyu muntu ukuba imfumu pali fwebo.' ¹⁵ Lelo ifyacitike ulo abwelele,afililwe ukupoka ubufumu ,akonkomeshe abasha ai nalimupela indalama lelo ndefwaya ukwiba nsonsela mwabikilepo pamakwebo. ¹⁶ "Uwakubalilapo ,asosele ai,'shikukulu, amakobili yenu mwampele nimfwailapo nayambi ikumi .' ¹⁷ Nomukankala asosele ai,wacita bwino,wemusha musuma,pantu waba uwacishinka mutwacepesha,uleba nabukateka paminshi ikumi.' ¹⁸ "Nowacibili,asosele ai,amakobili yenu shikulu mwampele nimfwailapo yasano.' ¹⁹ "Nomukankala asosele ai,'naweboukuoba pamyenshi isano.' ²⁰ "Nowakonkelepo asosele ai,'shikulu ,kobili lyenu ili,ilyo nasungile bwino mufwakufwala , ²¹ panntu nali kumitina,ai muli nkaka .Mubula nefyo tamwabikile,musepa nefyo musha tandile.' ²² Nomukankala asosele ai,'Nkokupingwila kukulanda kwamashiwi yobe,wemusha mubifi,kanshi walishiba ai ndimuntu umukakashi,mbula nefyo nshabikile,nseepa nefyo nshatandile. ²³ Nga kanshi cinshi mushabikile indalama shandi mucisandululo,ulo nakubweluluka nkalonganya na nsonsela?' ²⁴ Nomukankala asosele ai mwiminine,'sendeni amakobili kuli ena,nokupela kuwekumi.' ²⁵ :Basosele kuli ena ,'shikulu,akwete amakobili ikumi.' ²⁶ "Nasosa kuli mwebo aionse uwakwata Kpelwa ifingi,lelo ushakwata akapokwa nefyo akwete. ²⁷ Awe abalwani bandi abashafwaile ine ukuba imfumu pali bena baleteni kuno bepaileni pacinso candi.'''' ²⁸ Ulo alandile ifi fyonse ai aleya kuntanshi alikunina ku Yerusalemu. ²⁹ Ulo apaleme kubetifage naku betani ,kulupili ulwitwa miolive,asendele abasambi babili, ³⁰ Alikubeba ai,''kabuyeni mumushi uukonkelepo,ulo mwalaingila,mwalasanga umwana wa punda uo bashatala ninapo nakakwa. Mukakule nokuleta kuli nebo ." ³¹ Ulo bakumwipusha ,ai cinshi mulemukakwila?soseni ai,'shikulu alemufwaya.''' ³² Ulo baile mukesenda baile sanga punda nakaka ngafintu Yesu abebele. ³³ Ulo balekukakulaumwana wa punda babepwishe ai cinshi mukokakwila umwana wa punda?" ³⁴ Ba aswike ai,''Shikulu alemufwaya.." ³⁵ Bamutwele kuli Yesu ,baposelepo nefyakufwala fyabo pamwana wampnda nokutekapo Yesu. ³⁶ Ulo balikuya,balyanshike ifyakufwala fyabo munshila. ³⁷ Ulo baile ukulapalamina kumusebo uwakutentemukila kulupili lwamiolive cinkupiti onse uwabasambi balasekelela okulumbanya Lesa neshiwi likalamba pafipesha amano fyonse bamwene. ³⁸ balikuti yalipalwa imfumu iileishila mwishina lyakwa shikulu kube umutende mumulu nobukata kuwa mumulu!" ³⁹ Lelo abafalise bamo abamwibumba basosele ai,mwekafundisha,kalipileni abasambi benu." ⁴⁰ Yesu abasukile ai ,"Ndemyeba icine cine ,aba ngabatalala tondolo,amabwe kuti yayamba ukubilikisha. ⁴¹ Ulo Yesu apaleme kumusumba,nokulilila ubulanda. ⁴² Asosele ai,''Awishiba muli shinonshiku,naiwe ,ifintu ifikuletela umutende!Lelo fyalifisama ku menso yobe. ⁴³ Pantu inshiku shikoisa ulo abalwani bobe bakayo ukukula iilinga pali webo elo nokukushingulusha nokubika pali webo mumbali shonse. ⁴⁴ Bakakuponya panshi ,kumo nabana bobe.Tabakashe ilibwe nangu limo palibiye pantu wakana inshita yakupempula." ⁴⁵ Yesu alingile mwitempele nokufumyamo abaleshitisha , ⁴⁶ abebele ai,"calilembwa ai,"mung'anda yandi ning'anda yamapepo,'lelo imwe mwasangula ulucengo lwafipondo ." ⁴⁷ Yesu alesambilisha cila bushiku mwitempele.Intungulushi shaba shimapepo nba kalemba naba kalamba,shalekupanga ukumwipaya. ⁴⁸ Lelo tabasangile inshila yakumwikatilamo pantu abantu bonse balikukutika kuli ena.