¹ Nomba bonse bakasonkesha naba bembu balikwisa kuli Yesu muku fwa. ² Bonse aba Farisei naba kalemba balikuilishanya kuli cila umo balikusosa,'' Uyu muntu ena akopokelela na babembu no kulya nabo,'' ³ Yesu aumine umubumbe kuli bena ali kusosai, ⁴ "Ninani pali mwebo nga alikweta impanga umwanda elo alufyapo imo atengasha ishi amakumi pabula na pabula mu matololo, aya akofwaya iilubile mpaka aisanga? ⁵ Ulo aisanga aibika napa fipeya fyakwe nokwanga. ⁶ Ulo aisa ku ng'anda akuta pamo ifibusa fyakwe na bena mupa;lamano, asosa kuli bena ai sangalaleni nandi pantu nalondola impanga yalubile.'' ⁷ Nasosa kuli mwebo nangu cibe fyo kwa kuba insansa mumulu pa mubembu umo uwa lapila ukucila abantu amakumi pabula na pabula abalungami abatakonkabila kulapila. ⁸ Nangu mwanakashi ndo ali kwete amakobili ikumi, ngacakuti alufya limo ikobili ,atangasha ilampi no kufwaya sana mpaka alisanga? ⁹ Ulo alisanga akuta pamo ifibusa nabena mupalamano abeba ai,' sekeleni nandi pantu nasanga ikobi nali ndufindishe. ¹⁰ Nangufe nasosa ico mulaba insansa muli ba malaikabakwa Lesa pa mubembu umo uwa lapila ¹¹ Elo Yesu asosele ai ,''umuntu alikwete abana abaume babili, ¹² no mwaice pali benaa asosele kuli wishi ai ,'Tata, mpeleniko icakaniko ca fumya candi mwaba nokumpelako. Elo ayakenya ifyuma pakati kabo. ¹³ Tapapitile inshiku ishingi , umwana mwaice alongenye fyonse ifyo akwete nokya ku calo cakutali kulya eko aile konaula ifyuma fyonse mumangalo yakuilekelesha. ¹⁴ Nomba ulo aonawile fyonse icjpowe caliponene muli cilya calo elo atampile ukukabila. ¹⁵ Aile nokwingila incito kuli umo umukaya wa cilya calo uwa mutumine mukulisha inkumba shakwe. ¹⁶ Alekumbwa nokulya ifyo inkumba shallikulyako , pantu tapali nangu umo uwalikumupako akantu. ¹⁷ Elo nomba uyu mwana mwaice atontonkenye nokusosa,'' nibanga ababomfi bakwa Tata bakwete umukate wakubalinga elo ndi nebo kuno nkocula ku nsala. ¹⁸ Nkoima mfume kuno no kuya kuli Tata, nkasose kuli ena ai ,'' Tata nalibembuka kumulu nakuli webo ¹⁹ Ntalingile ukukutwa umwana ebo mpanga fe umo uwa abbomfi bobe.'' ²⁰ Efyo umwana mwaice aile no kubwelela kuli wishi uloacili fe ukutali wishi alimumwene kabili aiketwe ne nkumbu, alibutukileko amukumbatila nokumutomona. ²¹ Umwana asosele kuli wishi ai,''Tata , nalibembuka ku mulu nakuli webo . Ntali lingile ukuti mulekunkuta umwana wenu ²² "Wishi asosele kubabomfi bakwe ai,' Leteni bwangu bwangu umwingila nokumufwika bikeni ne mbala minwe ku minwe yakwe ne nsapato kumakasa yakwe. ²³ ELo leteni iciponti ca ngombe icakwina twi paye leteni tusefye no kusangalala! ²⁴ Pantu umwana wandi alifwile nomba abwela umumi. alilubile nomba alondoka. Elo batampile no kusangalala ²⁵ "Nomba mwana mukulu ali ku mabala ulo aishile akopalama ku ng'anda aumfwile ifilimba nokucinda/ ²⁶ Elo akutile umo pababomfi no kumwipusha ifyo ifintu fili. ²⁷ Umubomfi amwebele ai,'' wenu alishile na wiso alipeye ne ciponti icakwina pantu amupokelela uwa mutende ²⁸ "Umwana mukulu alifulilwe kabili alikene no kwingila elowishi afumine panse no kumupapapta ²⁹ Umukulu bantu aasukile wishi no kusosa,'' moneni imyaka ubwingi na niculila ntasulilepo nangu limo ifunde lelo tapali nangu fe kana kambushi mwampele ai naine nsangalaleko nefibusa. ³⁰ Nomba ulo mwana wenu eshile uwaya konaulo ubwikashi bwenu naba cilende mwamwipaila ne ciponti ca ng'ombe. ³¹ Wishi aasukile ai we mwana webo lyonse twaba nobe na fyonse ifintu fyandi fyobe. ³² Nomba cali cililingile ukusansa muka nokusefye pantu wenu ali fwile, nomba ali uwa mweo alilubile, lelo nalondoka.