¹ Panuma ya ifi fintu nakaili Yesu alimonekele ku basambi pali bemba wa Tibelia. Nififine efyo amonekele: ² Bali pamo simeone Petelona Toma uo balikwita ai Didymasi,na Natanaele uwaku kana wamu Galileya ,naba mwana sebed,nabambi babili abasambi bakwa Yesu. ³ Simone Petelo asosele kuli bena ,"naya mukwipaya inswi,'' Basosele kuli bena ai,''Nafwebo ,tukoiya namwebo.'' Balile nokunina mubwange ,lelo lelo tabaipailepo nangu kamo ubushiku bonse. ⁴ Nomba ,ulo cali kuma caca ,Yesu aliminine pacipuna,nomba abasambi tabaishibe ai ni Yesu . ⁵ Na Yesu asosele kuli bena ,''Mwebaume bushe mulikwete ifyakulya ?'' Balimwasukile ai ,''Awe.'' ⁶ Abebele ai ,''Poseni issumbu lyenu kukulyo kwa bwange ,mukosangako limo,''Nabo baliposele isumbu lyabo kaili tabakwete amaka yakulikula pantu mwali impendwa yanswi ishingi. ⁷ Elo umusambi uo Yesu atemenwe atile kuli Petelo,''Nishikulu.'' elo simone Petelo aumfwile ai ni shikulu alikakile umwingila wakunse (ico tafwele),aya aiposele namuli bemba. ⁸ Abasambi bakwe balishile namu bwange(ico tabali patali ukufuma kumulunu ,nintampulofe nalimo imyandi ibili kaili balikutiina isumbu umwaiwile inswi. ⁹ Ulo baleseluka kumulundu ,baishile kumona iconto camalasha apabikilwe inswi,no mukate. ¹⁰ Yesu alandile kulibo ,''Leteni inswi isho mwikete.'' ¹¹ Na simone petelo aile nokukula isumbu ukulileta kumulundu ,umwaiwile inswi ishikulu ,153 nangu lyafulile ,amasumbu tayalepukile. ¹² Yesu asosele kuli bo ai,''Iseni tulye umwikulo.''Tapali umusambi nangu umo uwapamine ukumwipusha ai,nimwebo bani?'' balishibile ai nishikulu. ¹³ Yesu alishile alibulile umukate ,alipele kuli bena nenswi nasho. ¹⁴ Uyu wali muku wabutatu Yesu ailangile kuba sambi bakwe panuma yakubuka kubafwa . ¹⁵ Panuma yakulya umwikulo ,Yesu asosele kuli simone Petelo ai,''Simone mwana Yoani,bushe walintemwa ukucilapo ?''Petelo ayasukile ai ,''Ee shikulu ,mulishibile ukweba ai nlimitemwa .''Yesu asosele kuli ena ,''lisha abana bampaanga.'' ¹⁶ Asosa nakaili kuli ena umuku wacibili ,''simone mwana yoani,bushe walintemwa ?''Petelo asosa ai ,''Ee shikulu,mwalishiba ai nalimitemwa .''Yesu asosa ai ,''cema impaanga shandi.'' ¹⁷ Asosa kuli ena umuku wacitatu ,''simone mwana yoani bushe walintemwa?petelo alilangulukile ico amwipushe imiku itatu ai,''bushe walintemenwe ?''Asosa kuli ena ,''shikulu ,mwalishiba ifintu fonse,mwalishiba ai nalimitemwa .''Yesu asosele ai lisha impaanga shandi. ¹⁸ Icine ,cine,nkomweba ai ,ulo mwali abaice,mwali kuitungula mwebene nokuya uko mukofwaya ,lelo ulo mwakula ,mwakula mwakula fungulula iminwe shobe ,umo akukupkanya nokukusenda uko utakafwaye ukuya .'' ¹⁹ Nomba Yesu asosele ifi mukulangilila umusango wamfwa uo Petelo ali nokulumbanishishamo Lesa .Panuma yakusosa ifi Yesu asosele kuli Petelo ai ,''Nkonka.'' ²⁰ Petelo alipilibukile nokumona umusanbi uo Yesu atemwishishe sana akobakonka ,eumo uwashindilile pacifuba cakwa Yesu pamutebeto uwasosele ai ,shikulu ,nani ukomifutuka?'' ²¹ Petelo alimumwene nokusosa kuli Yesu ,''mweshikulu nindo uyo muntu akocita ?'' ²² Yesu asosele kuli ena ,''nga akofwaya akekale mpaka nkabwele,cindo ico mukuliwe?''Nkonka.'' ²³ Awe amashiwi aya yasalangene muba bwana nyina ilya ulya umusambi ekafwa.Nomba Yesu tasosele kuli Petelo ai umusambi tekuti afwe,nomba,''Nga inkofwaya akekale mpaka inkese ,nindo kuli webo?'' ²⁴ Uyu emusambi uukopela ubunte pali ifi fyonse ,kaili ewalembelwe ifi fyonse ,kaili twalishiba ai ubunte ai bwacishinka. ²⁵ Kwaliba ifintu nafimbi ifyo Yesu acitile.Nga twalembele cimo cimo, necalo cino tekuti cisunge amabuku yengalembwa.