¹ Pabushiku bwakutampa umulungu ,elo pacili apa kufiita ,Maria magadalena aile kumanda ,kaili amwene icilibwe nacikunkuluka napamanda . ² Kaili alibutukile nokuya kuli Simone Petelo nakumusambi umbi uo Yesu atemenwe ,nokubeba ai,''Nabasenda shikulu mumanda ,kaili tatwishibe uko bamubikile .'' ³ Elo Petelo nomusambi uy umbi balifumine ,kaili balile nakumanda. ⁴ Awe bonse babutukile pamo ,kaili umusambi umbi alibutukishe ukucila Petelo nokubalilapo ukufika kumanda . ⁵ Kaili ulo akontaminemo ,amwene insalu isho bamupombelemo shili sheka ,lelo taingile mukati. ⁶ Simoni Petelo naena alifikile panuma yakwingila mumanda .Amwene insalu isho bamupombelemo shili sheka . ⁷ Nensalu iyali kumutwe.Tayali pamo nensalu isho bamuungilemo elo cafungene ceka. ⁸ Elo umusambi umbi ,uwabalilepo ukufika kumanda naena alingilemo nokumona nokushininkisha . ⁹ Napali ilya nshita bali tabalaishiba ilembo ilyakuti ali nokubushiwa kubafwa. ¹⁰ Kaili abasambi balibwelelemo kunganda. ¹¹ Lelo Maria ena aiminine kunse mupepi nemanda akolila .Eco acili akolile ,alikontamine mumanda. ¹² Amwene bamalaika babili ababuta balikele,umo kumitwe ,umo nao kumakasa uko balalikile umubili wakwe Yesu . ¹³ Basosele kuli ena ,''Wemwanakashi,nindo ukolila?'' Asosele kulibo ,''pantu balimusndele kuli shikulu wandi ,nteshibe noko bamubikile.'' ¹⁴ Ulo asosele ifi,Alipilibukile nokumona Yesu naiminina akatalamukila ,lelo taishibile ati ni Yesu. ¹⁵ Yesu asosa kuli ena,''wemwanakashi ,nindo ukofwaya ?''Alikutontonkanya ai mulimife,elo asosa kuli ena ai ,''mukwai nganimwe mumusendele ,njebeni uko mumubikile nalamusenda .'' ¹⁶ Yesu asosele kumwanakashi ,''Maria ''alipilibukile alipilibukile nokusosa ku Aramic ,''Rabbsomi''(emukutila kafundisha'') ¹⁷ Yesu asosa kuli ena ,''winjikata pantu ntalaya kwataata ,lelo kabiye kuli bamunina wandi nokubeba ai nkoya kwa Taata shinwe,na Lesa wandi ,kaili Lesa wenu.'' ¹⁸ Maria magadalena alishile nokweba abasambi ai ,''Ndimwene shikulu ,''kaili alisosele ifi fintu kuli nebo. ¹⁹ Icungulo pabushiku bulya ,ubushiku bwakuba lilapo mumulungu ,ifibi fyali komenwe umwali abasambi ico baletina aba Yuda . Yesu alishile nokwiminina pakati kabo nokusosa kuli bena ai ,''umutende kuli mwebo." ²⁰ Panuma yakusosa ifi fintu,abalangile iminwe shakwe na ulubafu .Na basambi balisansamukile pakumona shikulu. ²¹ Yesu elo asosa kuli bena nakaili ,"Umutnde kuli mwebo,efyo Taat antuma efyo nkomutuma namwebo.'' ²² Ulo Yesu asosa ifi,abaputile umupu nokusosa kuli bena ,''Pokeleleni umupashi wamushilo. ²³ Abo mwakwelela imembu shabo shakwelelwa ;abo mukasungila imembu shikasungiwa .'' ²⁴ Lelo Toma ,umo pabasambi ikumi nababili (12),uo balikwita ai Didymas ,tali nabo ulo Yesu aishile . ²⁵ Abasambi bakwe basosele kuli ena ,''Tulimumwene shikulu .''Asosa kuli bena ,''Nganshimwene muminwe shakwe ifibala fyansunga ,nokwingisha iminwe yandi mufibala fyansunga ,nokwingisha iminwe yandi mulubafu,ntasumine.'' ²⁶ Papitilefe inshiku cine konse konse (8) abassambi bakwe bali mukati nakaili na Toma ali nabo .Yesu ali shile ninshi ifibi filisalike ,aliminine pakati kabo,nokusosa ai ,"umutende kuli imwe .'' ²⁷ Elo asosele kuli Toma ,''Bika umunwe obe nokubika indipi shandi .kaili bula iminwe yobe nokubika mulubafu lwandi ,uleke ukutwishika lelo usumine .'' ²⁸ Toma alyasukile kaili alisosele kuli ena,'' Shikulu wandi Lesa wandi.'' ²⁹ Yesu asosele kuli ena ,''pantu ulimbwene eco wasuminina .Balipalwa abo bonse abasumina elo tabalamona.'' ³⁰ Nomba yesu acita ifilangililo ifingi mumenso yabasambi ,ifilangililo ifi tafyalembwa muli ili ibuku . ³¹ Nomba ifi fyalilembwa pakweba ai musumine ai Yesu ni Kristu ,umwana wakwa Lesa,napakweba ai mushininkishe ,mwalikwata umweo mwishina lyakwe.