¹ Elo Pilato abulile Yesu no kumulopola. ² Abashilika bapangile ing'ana ya myunga bafwikile Yesu ku mutwe ni kumufwika umwingila wa kukashikila. ³ Baishile kuli ena no kusosa ai, ''Eya , we mfumu yaba Yuda!'' elo ba muma. ⁴ Elo Pilato afumine panse na kabili no kusosa kuli bo ai, ''Moneni nkomuleta panse pakuti mwishibe ai ntasangilemo umulandu muli wo.'' ⁵ Na Yesu afumine panse, alifwele ne ng'ana ya myunga no mwingwila wa kukashikila. na Pilato asosele kuli bo ai, "Moneni uyu muntu!'' ⁶ Elo bashi mapepo mukalamba naba kalemba ba mwwene Yesu Bapundile ai, ''mutanikeni, Mutanikeni!'' ⁷ Naba Yuda bayaswike ai, ''Twalikwata amafunde, ukulingana na nelyo ifunde akofwilapo pakuti alikuitunga ukuba umwana wakwa Lesa.'' ⁸ Elo Pilato aufwile ifi fintu alitinine sana, ⁹ aingile mulubansa lwe sano na kabili nokusosa kuli Yesu ai, ''Nikwisa wa fuma?'' Lelo Yesu tamwasukile. ¹⁰ Pilato asosele kuli ena ai, ''Taukolanda kuli nebo? Bushe tawishibe ai ndikwete amaka yakukukakula, no ku kutanina?" ¹¹ Yesu amwasukile ai, ''Taukwete maka nangu yamo pali nebo ayakunkakula kano amaka ayo wapelwe ukufuma ku mulu. Eico uundetele kuli webo euli nolubembu ulukalamba.'' ¹² Napali ubu bwasuko, Pilato aeseshe insila yonse iya kuti amukakule, lelo aba Yuda bacililemo fye ukupunda ai, '' awakakula uyu muntu ninshi tauli cibusa wa kwa Kaisare. Umuntu onse ukoitunga ukuba imfumu ninshi asosela Kaisare ububi.'' ¹³ Elo Pilato aufwile aya mashiwi alikutile Yesu panse no kwikala pa cipuna ca bupingushi pa ncende iyalikukutwa ai ''Apakambatikwa amabwe lelo mu lulimi lwa mu Arama ni ''Kalabata.'' ¹⁵ Nabo babilikishe ai, talukako kuli uyo, talukako kuli uyo; mutanikeni!'' Pilato alibepwishe ai ''bushe ntanike imfumu yenu?'' Umukalamba wa aba shimapepo aasukile ai, ''Tatwakwata imfumu, Imfumu yesu ni Kaisare. ¹⁶ Elo Pilato aishile ku kutanikwa. ¹⁷ Epakubula Yesu, nao alile ninshi alisendele no musalaba ku ncende iyali kukutwa ai, ''Icipanga,'' icikopilibulwa mu ci Aramu ai Gologota.'' ¹⁸ Batanikile Yesu, pakati ka tupondo tubili, kamo ukulubali na kambi uku lubali. ¹⁹ Pilato alembele icishibilo no kucibika pa musalaba. Apalembwelelwe ai: YESU UMWINA NASARETI, IMFUMU YABA YUDA. ²⁰ Aba Yuda abengi balekubelenga ici cishibilo pantu apo batanike Yesu ni mupepi no musumba. Icishibilo calembelwe mu ci Aramu, mu ci Latini elo na mu ci Griki. ²¹ Elo shimapepo mukalamba wa ba Yuda asosele kuli Pilato ai, ''Wilemba ati imfumu ya ba Yuda; lelo ati, ''Uyu alekuitunga ai, ''Ninebo imfumu ya ba Yuda.''''' ²² Pilato ayasukile ai, ''Ico na lemba ninshi ndilembele.'' ²³ Elo abashilika ba tanikile Yesu ba bulile insalu yakwe no kuyakanya mu fimpimfya fine, cila muntu icipimfya. Nomba iyo nsalu yali iyabula imibilo apo yalundinkanina, yakwetefe umubilo umo ukufuma panshi ukuya pa mulu. ²⁴ Elo basoshenye cila muntu ai, ''Twilepula, lekeni tupendule tumone uo cikowila. Ne ci cacitikile pakufikilisha amashiwi ayalembwa ai, '' Baakenye umwingila wandfi no kupendula pafyakufwala fyandi.'' ifi efyo abashilika bacitile ²⁵ Namupepi napatanikwe Yesu pali pali Nyina, bankanshi ya ba nyinaMaria muka Cleopa na Maria Magadalena. ²⁶ Yes amwene nyina no musambi uo atemwishishe aliminine mu pepi alisosele kuli nyina ai, ''Mayo, mona umwana.'' ²⁷ Elo asosele ku musambi ai, mona Mayo!'' ukufuma ilya nshita umusambi amusendele ku ng'anda yakwe. ²⁸ Panuma yaifyo, aishibe ai, ifintu ifingi fyapwishiwa pakuti amalembo yafikilishiwe, Yesu asosele ai, "Naumfwa icilaka.'' ²⁹ Ulukombo ulwaiswilemo umwangashi wa kusasa wabikilwe palya, epakutumpika icamwepu icaisulamo umwangashi wa kusasa kwitete lya isopo nokumukakatika pa kanwa. ³⁰ ELo Yesu amwene umwangashi wa ku sasa, asosele ai, ''Cilipwile.'' Akontamikile umutwe nokuleka umweo. ³¹ Elo aba Yuda , pantu bwali bushiku bwa kupeklanya, elo ne mibili teti ilale pa musalaba( Pantu isabata lyali cindeme sana). Bipwishe Pilato ukubakontaula amola no kubafunyapo. ³² No mushilika alishile kubakontaula amolu uwabalilepo no wakonkelepo abatanikwe na Yesu. ³³ ELo baishile kuli Yesu baishile kumona ai, alifwile na molu ta bakontwele. ³⁴ Nangu cibe ifyo umushilika umo aishile kumulasa ifumo mulubafu, nololwine umulopa na menshi fyalishile kulongoloka. ³⁵ Uyu uwamwene ifi alishininkishe no bunte bwakwe bwacishinka. Alishibile ai, ifyo alikulanda fya ndishinka pakuti filingile ukucetekela. ³⁶ Nefi fyacitikile pa kushininkisha amalembo ayasoswa ai, ''Takwakabe ne fupa lyakwe ne limo ilikatobeka.'' ³⁷ Nakambi amalembo yambi yasosa ai, bakumufwaya uo balashile.'' ³⁸ Panuma ya ifi fintu, Yosefu uwaku Arimatea, ico ali musambi wa kwa Yesu (Lelo ni munkama pantu alikutina aba Yuda) aile kwipusha Pilato nga kuti asenda umubili wa kwa Yesu. Pilato alimusuminishe. Na Yosufu alishile no kusenda umubili wa kwa Yedsu. ³⁹ Nikodemasi nao alishile ulya uwaishile kuli Yesu ubushiku. Aletele ifyakusankana fya Muri na Atoesi, ukufika kucipimo ca ba litra umwandas umo. ⁴⁰ Elo basendele umubili wa kwa Yesu no kuupomba mu nsalu sha kutelela nefya kununkikial, ukulingana no lutambi lwa ba Yuda pa kushika imibili. ⁴¹ Nomba pa ncende apo atanikilwe pali ibala; namuli ili ibala mwali imanda iitashikilwemo muntu nelo umo. ⁴² A[po cali ni nshita yakupekanya ku ba Yuda ne manda yali mupepi bashikile Yesu umu.