¹ Panuma Yesu asosa aya mashiwi, aile nabasambi kubushilya bwa Kidron Brook, ukwabelele ibala ilyo ena nabasambi baile kwingilamo. ² Nomba Yuda, uwamushitishe alishibe incende iyo, pantu Yesu cila nshita alikuyako nabasambi. ³ Nomba Yuda, atungulwile abashilika, nabakalamba ba bashilika abengi, ukufuma kuli ba shimapepo bakalamba naba Faliseli, nokuya kulya nefyenge, nenkonto, nabakakwapa. ⁴ Nomba Yesu uwaishibe ifikocitika pali ena, aile pa ntanshi mukuba kumanya nokubepusha ai, ''Ninani mukofwaya?'' ⁵ Ba mwaswike ai, ''Ni Yesu umwina Nazaleti.'' Na Yesu alibasukile ai, ''Ninebo.'' Yuda, uwamushitishe, nao alimininenaba shilika. ⁶ Nomba ulo alandile kuli bena ai, ''Ninebo,'' balibwelele kunuma no kuwila panshi. ⁷ Na kabili ali bepwishe ai, ''Ninshi mukofwaya?'' Ni Yesu umwina Nazaleti.'' ⁸ Na Yesu alibaswike ai, ''Ndimyebele ai ninebo wine. Eco nga mukofwaya nebo, lekeni ifi ficitike. ⁹ Neci nipakuti amashiwi asosele yafikilishiwe ayakweba ai: ''Pabo mwampela, ntalufyapo nangu umo.'' ¹⁰ Na Simoni Petelo, uwali na ka kwampa, asomwene ka kwampa nokusempa ukutwi kwa mubomfi wakwa shimapepo mukalamba. Neshina lya mubomfi ulya ni Mulkusi. ¹¹ Yesu asosele kuli Petelo ai, ''Bwekesha ka kwampa mucitubo. Bushe ntalingile kunwa ulukombo ulo Tata ampele. ¹² Kanshi ibumba lya bashilika nakapitao, nabakalamba baba Yuda, baikete Yesu nokumukaka. ¹³ Nokumutwala kuli Anasi shimapepo pakubalilapo pantu ali ni nshifyala wakwa Kayafa, uwali shimapepo mukalamba ulya mwaka. ¹⁴ Na Kayafa ewabapandile amano yakweba ai cawama umuntu umo ukufwila abantu bonse. ¹⁵ Na Simoni Petelo alikunkonka panuma pamo ngefya citile abasambi bambi. Nomba yyo musambi alishibikwe kuli shimapepo mukalamba, no kwingila na Yesu mulubansa lwa nganda ya kwa shimapepo mukalamba; ¹⁶ Nomba Petelo aliminine panse. Noyo musambi umbi, uwaishibikilwe kuli shimapepo mukalamba, aile nokuya kusosa kuwali pa mwinshi nokwingisha Petelo mukati. ¹⁷ Nomba umubomfi mwanakashi, kalinda wa mwinshi, asosele kuli Petelo ai, ''Bushe nobe tauli musambi wa uyu muntu?'' Ngo ayaswike ai, ''Tenebo.'' ¹⁸ Nomba ababomfi ba bakalamba baliminine palya, elo balipangile no mulilo wamalasha, panyu kwalitalele, elo balikukangabukako. Petelo nao ali palya pene alikukangabukako. ¹⁹ Na shimapepo mukalamba aishile kwipusha Yesu palwa basambi bakwe nemisambilishishe yakwe. ²⁰ Yesu alimwaswike ai, ''Nalisosa apabuta tutu ku calo. Nalikufunda muma Sinagonginamwitempele umo aba Yuda bonse balikwisa. Ntali kufisa icili conse. ²¹ Findo ukongipushisha? Ipusha abo abalikungumfwa ulo nalikulanda. Mona, aba bonse balishibile efyo nasosele.'' ²² Ulo Yesu asosele ifi, umo pa bakalamba abaiminine palya atobele Yesu ulupi nokusosa ai, ''Bushe efyo wingala asuka shimapepo mukalamba?'' ²³ Yesu amwasukile ai, ''Ngamibepa ubufi nshinina, nomba nga sosele icine cindo wangumina?'' ²⁴ Elo Ahasi amutumine uwakukakwa kuli Kayafa shimapepo mukalamba. ²⁵ Nomba Simoni Petelo aliminine akokangabuka. Abantu na kabili epakumweba ai, ''Bushe webo taulu musambi wakwa Yesu?'' Alikene nokusosa ai, ''Tenebo.'' ²⁶ Umo mubabomfi bakwa shimapepo mukalamba, uwali nilupwa lwa ulya basempele ukutwi kuli Petelo, asosele ai, ''Bushe taukomona mwibala lya Getisimani nawo?'' ²⁷ Nakabili Petelo alikene; na mukolwe ilyo line alililile. ²⁸ Elo basendele Yesu ukufuma kuli Kayafa nokuya kwisano lyakwa kateka. Cali mu lucelo celo, tabaingile na mulubansa lwesano lyakwa kateka pa kuti beyo nsuka, mpaka bapwishe ukulya icakucilila. ²⁹ Na Pilato aileko no kubeba ai, ''Bushe mulandu ndo mukopela uyu muntu?'' ³⁰ Balyaswike ai, ''Uyu muntu nga tacita bubi, nga tatumuletele kuno.'' ³¹ Pilato asosele kuli bo ai, ''Musendeni mwebene, noku mupingula umwabela amafunde yenu.'' Naba Yuda bali mwaswike ai, '' Ifwe Tece funde ukopingwila umuntu ukufwa.'' ³² Basosele ifi pakufikilisha amashiwi Yesu asosele mukulanga umusango wamfwa akufwako. ³³ Elo Pilato aingile mwisano na kabili no kwita Yesu nokumweba ai, ''Bushe uli mfumu ya Yuda?'' ³⁴ Yesu alyasukile, ''Bushe uli soselefe wemwine nangu pali abakwebele pali ne?'' ³⁵ Pilato ayaswike ai, ''Nebo ntali mu Yuda, Iyoo? abantu bobe naba shimapepo mukalamba ebakuletele kuli ne cindo wacita? ³⁶ Yesu alimwasukile ai, ''Ubufumu bwandi tali bwapano calo. Ubufumu bwandi nga bwapano calo, ababomfi bandi nga nabandwila ukuti nipelwa ku minwe yaba Yuda. Kaili nomba ubufumu bwandi tebwapano calo?'' ³⁷ Pilato alisosele na kabili kuli ena ai, ''Bushe uli mfumu?'' Yesu amwaswike ai, ''Ulisosele ai ndi mfumu. Neci eco nafyalilwe napli ici epo naishila kwi sonde, ku kulanda icine. Onse uwaba mu cine omfwa kwishiwi lyandi.'' ³⁸ Pilato amwipusha ai, ''Bushe icine cinshi?'' Ulo alanda ifi afuma aya kuba Yuda nokusosa kuli bo ai, ''Ntasangile umulandu muli uyu muntu. ³⁹ Lelo mwalikwata ulutambi lwakukakwilwapo umo pa mutebeto wacakucilila. Kanshi bushe mukofwaya imikakwile imfumu yaba Yuda?'' ⁴⁰ Bali pundile nakabili ai, ''Tali uyu muntu iyoo, kano Balaba.''