¹ Panuma Yesu asosa aya amashiwi ainwina amenso yakwe kumulu ,elo kaili acile,''Taata inshita ilifikile ,sumbuleni umwana wenu pakweba ai naena amisumbule- ² Ngefyo mwapela amaka ne nsambu pabantunse bonse pakweba ai apele umweo wamuyayaya kuli bonse abo mwamupela. ³ Uyu mweo wamuyayaya :ukweba ai balikwishiba ,Lesa uwacishinka uwabafe eka,na uyo watuma ,Yesu Kristu. ⁴ Namisumbula pe sonde, apwisha umulimo uyo mwantumine ukubomba. ⁵ Nomba, mwe Taata, sumbuleni naine mwebene kubukata bwenu kuli imwe panuma ye sonde tacili kupagwa. ⁶ Nalisokolola ishina lyenu kubantu abo mwampele pa calo. Bali bobe, elo kabili wapeela kuli nebo, elo kabili balisunga icebo cobe. ⁷ Nomba balishiba ukweba ai conse ico mwampela cafuma kuli mwebo. ⁸ Pantu nalibapela fyonse ifintu mwampeele. Balifipokelele elo kabili mu ciine balisumina mu ciine ukweba ai niwe wantumine. ⁹ Nalibapepeleko. Ntapepeela icaalo lelo ni abo wampele, pantu bena bobe. ¹⁰ Icili conse icandi cobe, elo kabili icobe candi, elo kabili nalisumbwilwa muli bena. ¹¹ Natli wamu caalo nomba, lelo aba abantu bamu caalo, eico kabili nkoisa kuli imwe. Taata wamushilo, basunge mwishina lyobe ilyo wampele pakweba ai babe umo, ngefyo twaba umo. ¹² Ulo nali nabena, naliba sungile mwishina lyobe mumutende, ilyo wampele. Naliba cingilile, elo tapali nangu umo pali bena uwa onawilwe, kanofye umwina kuloba, pakweba ai ilembo lifikilishiwe. ¹³ Nomba nkoisa kuli mwebo, nkosasa ifi fintu pesonde pakweba ai nabena bakwate insasa ishapwililika. ¹⁴ Nalibapeela icebo cobe, kabili icaalo cali bapata pantu teba mu caalo, ngefyo naine ntali wamu caalo. ¹⁵ Ntakokweba ai ubafumye muno caalo, lelo ubasunge bwino kufyabubi. ¹⁶ Pantu tabali bamu caalo, ngefyo naine ntali wamu caalo. ¹⁷ Bapatuleniko kucitetekelo. Icebo cenu cacishinka. ¹⁸ Ngefyofe naine mwantumine pa caalo, efyo naine nabatuma pa caalo. ¹⁹ Pamulandu nabena nali ituula nemwine kuli bena, pakweba ai nabo baituule muli bucishinka. ²⁰ Ntapepele pali ifi fyeka, lelo napaba kasumina muli nebo ukupitila mucebo cabo. ²¹ Pakweba ai bonse bakaba umo, ngefyo iwe waba muli nebo, elo nanie naba muli iwe. Nabena nababe muli fwebo pakweba ai icaalo cikatetekele ukweba ai walintumine. ²² Ubukata ubo wampele, napeela kuli bena, pakweba ai babe umo, ngefyo twaba umo: ²³ Nebo muli bena naiwe muli nebo pakweba bakese kwikatana umupwilapo, pakweba ai icaalo cikeshibe ukweba ai walintumine, lelo kabili ukweba ai walibatemwa ngefyo wantemwa. ²⁴ Taata, nkofwaya bonse bonse aba wampele bakabe uko nkaba, elo kabili bakamone ubukata bwandi, ubukata mwampele wa mufula wa caalo. ^{25 26} taata wemulungami, icaalo tacamwishiba, lelo nalimwishiba v/26 nalilenga ishina lyobe ukwishibikwa kuli bena, elo kabili nkalenga likenshibikwe pakweba ai icitemwko cintu wantemwa cikabe muli bena