¹ Paulo, umutumwa wakwa Kristu Yesu ukupitila mubufwayo bwakwa Lesa, na Timoti wesu, ² ku bantu ba kwa Lesa abamushilo na ba wesu bacishinka muli Kristu abali ku Kolose. Icikuku cilekuba nenu , no mutende ukufuma kuli Lesa wesu. ³ Tukopelo kutotela kuli Lesa, wishi wakwa shikulu Kristu Yesu, kabili tukomipepelako lyonse. ⁴ Tulyumfwile icishinka cenu muli Kristu Yesu ne citemwiko ico mukwatile abantu bonse abashila ba kwa Lesa. ⁵ Mulikwete ukutemwa pa mulandu ne citetekelo icasungilwa mwebo mu mulu. Mwalyumfwile kale palwa ici citetekelo mwishiwi lya cishinka , imbila nshuma, ⁶ ilyaisakuli mwe. Iyi mbila nsuma ikotwala ifisabo kabili likokula mwi sonde lyonse. likocite fi na muli mwe ukufuma ubushiku mwalyumfwile no kusambilila palwa cikuku cakwa Lesa mu cishinka. ⁷ Ii e mbila nsuma ngefyo mwasambilile ukufuma kuli Epapalas, uwatemwikwa musha munensu uuli umusha wacishinka uwakwa Kristu pa lubali lwesu. ⁸ Epapalasi alitwishibishe icitemwiko cenu mu mupashi. ⁹ Pamulandu waici citemwiko ukufuma ubushiku twaumfwile ifi tatwalekepo ukumipepela. Tukopepa ukuti mwushiwemo ukwishiba kwa mupashi , ¹⁰ pakuti mulekwendela mu musango umo ulingile uwa kwa shikulu no ukosekesha ye: Mukutwale fisabo mukubomba konse ukusuma no kukula mukwishiba kwa kwa Lesa. ¹¹ Mukuba abakukoshiwa na maka yonse, ukulingana na maka ya bukata bwakwe, pakuti mube no kushipikisha ukukulu no mutekatima na munsansa. ¹² Ukupelo kutotela kuli Tata, uwamulenge ukuba bakwa Lesa mu lubuto. ¹³ Alitupususha fwe ukufuma ku butungulushi bwa mfimfi no kututwala ku bufumu bwa mwana wakwe uwatemwikwa, ¹⁴ uo twakwatilamo ukulubuka ukwelelwa kwa Masambi. ¹⁵ Ye cikope cakwa Lesaa uutamoneka, ibeli lya fya kubumbwa fyonse. ¹⁶ Pantu muli ye emo ifintu fyonse fyabumbilw, ifyo ifya mumulu ne fyo ifya pano isonde, ifimineka ne fitamoneka ifintu. Fibe fipuna nangu butungulushi nangu buteko nangu insambu, fyonse ifntu fya bumbilwe ye ukupitila muli ye. ¹⁷ Yo mwine ewatangilile fyonse fintu ne fintu fyonse fyaikatamina muli ye. ¹⁸ E mutwe wa mubili, icilonganin. E ntendekelo, ibeli ukufuma ku bafwa, eico alikwete ncende yakubalilapo pali fyonsefintu. ¹⁹ Pantu Lesa walisansamukile ukuti bonse ubukulu bwakwe bwingekalilila muli ye, ²⁰ no kuwikishanya fyonse fintu ku mwine ukupitila mu mwana-Lesa wapangile umutende ukupitila mu mulopa wa musalaba wakwe. Lesa awikishenyee fyonse ifintu ku mwine fintu ifyapano isonde nangu fintu fya mu mulu. ²¹ Panshita imo nanwe mwalipo abeni kuli Lesa kabili mwali abalwani bakwe mu mano na muficitwa ififbi. ²² Lelo nomba alimiwikishanya mu mubili wakwe ukupitila mumfwa. Acitile ifi pakuti amipele abashila abakubula akalem, ukulapo kwebaulwa pali ye, ²³ ngacakuti mwakonkanya mu citetekelo, abalimbwa no kukosa, abatakosela ukufuma kwisubilo lya mbila nsuma ilyo mwaumfwile. Iyi ni mbila nsuma iya bililwe kuli onse muntu uwabumbilwe panshi ya mulu. Iyi embila eyo ne Paulo nabelele umusha. ²⁴ Nomba nkosekelela mukucula kwandi pali mwe , no kwisuha mu mubili wandi icikobulila mu macushi yakwa Kristu pa mulandu wa mubili wakwe , Icilicilonganino. ²⁵ Nipali ici cilonganino eco nabeno musha , ukulinga no butumishi ukufuma kuli Lesa ubo bwapelwe kuli ne pali mwe, pakufikilisha ishiwi lya kwa Lesa. ²⁶ Ici ecankama ico cafishilwe imyaka ne myaka ne nkulo ishingi lelo nomba calisokololwa ku bantu abashila bakwa Les. ²⁷ Nikuli bo abo Lesaatemenweukwishibishe fya bukankala fya bukata ifya iyi nkama pakuti ka benafyalo, uli ni Kristu muli mwe, isubilo no bukata. ²⁸ Tubilikisha ye, ukucinkula no kufunda muntu onse na mano yonse, pakuti twingapela umuntu onse uwakushipa muli Kristu. ²⁹ Pali ici epo mbombela no kushipikisha ukulingana na maka yakwe ayakobomba muli ne pa maka.