¹ Paulo alilolekeshe mukulolenkana naba muchilye elo abebele, ''Mwebamunyina, Ine nalikala muli Lesa mumatontonkanyo yabune mpaka nobushiku bwakelo." ² Umukulu wakuba shimapepo Anania alikonkomeshe abo abaiminine mupepi naye ukumushengula ulupi pakanwa. ³ Elo Paulo aishile kulanda kuliye Lasa naiwe akakushengula, we cibumba icakupwa. Bushe ulikele pakumpingula ukukonka amafunde, elo wabeba nokunshengula, icishaba mumafunde? ⁴ Abo abaiminine mupepi nayee baishile kulanda ati, '' bushe ifyo wingalakutuka umukalamba wakubashimapepo ifi?" ⁵ Paulo ekwisa kulanda ati, ''Nshacishiba, mwebamunyina, ukuti mukulu waku bashimapepo. Pantu chalilembwa aciti, Taufwile ukulanda ifibi pantungulushi yabantu" ⁶ Ulo Paulo abwene ukuti iciputulwa cimo icakubashicilye bali basaduki elo bambi bafalise, alikubilikisha pakulanda mucilye, ''Mwe bamunyinane, Nandi ndimufalise, umwana waba falise. Nico nalikwata isubilo lyakushukuka kubafwa ecalenga mpingulwe. ⁷ ''Uluntu aishile kulanda ifi, ifitala fyalibukile pakati kaba falise elo naba saduki, elo nebumba lyaishile kwakanikamo pakati. ⁸ Pantu aba saduki basumina mukuti takwaba ukututubuka kuba bafwa, takwaba bamalaika, elo takwaba nemipashi, nomba aba falise bena balisumina muli ifi fyonse. ⁹ Elo pali icongo icikulu, elo bamo pali bakalemba abali bafali baliminine nokutalika, abati, Tatusangile ububi muli uyumuntu. Bushe ngalimbi umupashi nangu ni malaika eulandile kuli yee?" ¹⁰ Uluntu paimine ifitala ifikulu, Umukulu wakubakalonda alitinine ati limbi Paulo kuti bamusantaula kuli boo, eico alikonkomeshe abashilika ukuyapo elo nokumufumyapo kumaka pakayi kakubashicilye, elo nokumuleta mukati kabo. ¹¹ Ubushiku bwaishile kukonkapo, Imfumu yaliminine palubali lwakwe elo aishile kulanda ati, ''witelententa, pamo ngefyo wanjimanineko bukambone mu Yelusalemu, ifyo fine efyo ufwile ukwiminina bukambone na mu Roma. ¹² Uluntu bwacile, bambi aba Yuda balipangene, nokulapa umulapo nokulanda abati tabalye nangu ukunwa kanofye Paulo epaiwe. ¹³ Abaumene akapi pamo balicilile naba abaume amakumi yane. ¹⁴ Baishile kuya kuli bashimapepo abakulu elo nakubakulu elo nokuya kulanda ati, ''Tulilapile umulapo uukulu uwakukana ukulyapo akakulya nangu kamo mpaka fye twipaye Paulo. ¹⁵ Elo, kanshi, lekeni cipushe umukulu waba malonda ukumuleta kuli webo, pakuti upingule umulandu bwino. Ifwe pa lwesu tuliipeleshe ukumwipaya ulo talaisa kuli fwebo." ¹⁶ Nomba umwana wakwa nkashi yakwe alyumfwile ukuti bali mwika lile, eico alile, elo apitile pakati kabo nokuya kweba Paulo. ¹⁷ Paulo alikutile umo pali bamalonda elo aishile kulanda ati, ''Piteni uyu umulumendo ku mukulu wakubashimapepo, pantu alikwete ifyakutubulula kuli yee." ¹⁸ Eico umushilika alipitile umulumendo elo nokumuleta kumukulu wakubamalonda elo alandile ati, ''Paulo umufungwa alinkutile kuli yee, elo alinjipwishe ukuleta uyumulumendo kuli webo. Alikwete ifyakulanda kuli webo." ¹⁹ Umukulu wakubamalonda alimwikete pakuboko nokumutwala kuncende iyafutete elo nokumwipusha ati, ''Findo ifyo ukofwaya ukutubulula kuli nebo?" ²⁰ Umulumendo aishile kulanda ati, ''Abayuda nabasuminishanya ukuti bakwipushe ukuleta Paulo mailo kucilye, ukubati balefwaya ukwipushisha pamulandu waiwe. ²¹ Nomba wimulekela kuli boo, pantu balicilile pabaume amakumi yane abamwikalile. Balyumene akapi nokulapa umulapo nokuti tabalye icakulya nangu ukunwa amenshi mpakafye bamwipaye. Napanopenefye balifye abakuipekanya, nokupembela ukuti usuminishe." ²² Eico umukulu waku bamalonda aishile kweba umulumendo ukuya, panuma yakumukonkomesha ukuti, ''Wiebako nangu umo ukuti ulintubwilileko ifi fintu kuli nebo." ²³ Eluntu aishile kwita babili pali bamalonda elo nokwisa kubeba ati. ''Buleni abashilika amyanda ibili baipekanye ukuya kuli caesarea, elo nabaume ababomfya bakabalwe amakumi cine lubali elo, kabili nabaume bamisumbo abali imyanda ibili. Muletampako kumaca nenshita yakulenga butatu." ²⁴ Kabili ali bakonkomeshe ukupekanya inama isho Paulo alikuninapo kukumutwala ukwabula ubwafya kuli felix cilolo. ²⁵ Elo aishile kulemba ikalata ngefi: ²⁶ ''Claudias Lysias ku Mulashi wamano ya pulishamo Felix, nakuposha. ²⁷ Uyu muntu aishile kwikatwa na ba Yuda elo ali mupepi nokwipaiwa kuli bo uluntu naishile kwisa pali bo na bashilika elo nokumupususha, epo nalisambilile ukuti ali mwina Roma. ²⁸ Nalikufwaisha ukwishiba ico bamubepeseshe, eico naishile kumusenda panshi ku kabungwe kabo. ²⁹ Naishile kusambilila ukuti abepeshiwefye palwa lwa mepusho ukulingana na amafunde yabo, nomba ati tapali icakumubepesha ukuti alilingile ukufwa nangula ukukakwa. ³⁰ Eluntu caishile kwishibikwa kuli nebo ukuti kwali umulandu pa muntu, eico mukwangufyanya naishile kumutuma kuli mwebo, elo nokulangilila abamubepeshe nabo ukuleta ubupingishi bwabo pali ye pa ciso cobe. Wikale bwibo.'' ³¹ Eico abakalamba baishile kumfwila ifipope fyabo. Baishile kusenda Paulo elo nokwisa kumuleta ubushiku ku Antipatris. ³² Pabushiku bwaishile kukonkapo, abashilika abengi baishile kusha baume bapali bakabalwe kukuya na ye elo abene baishile kubwelulukila kubutusho. ³³ Uluntu abaume bapali bakabalwe baishile kufika ku Kaisalya elo baishile kupela inkalata ku Mulashi, kabili baishile kupela na Paulo kuli ye. ³⁴ Ulo Umulashi aishile kubelenga inkalata, aishile kwipusha icitungu uko Paulo afumine. Uluntu aishile kusambilila ukuti afumine ku Cilicia, ³⁵ aishile kulanda ati, ''Nalakumfwa umupwilapo nga abakubepesha nga baisa kuno.'' Uluntu aishile kumukonkomesha ukusungwa mu buteko bwakwa Herod ubwakulishepo.