¹ Awe abantu bamo batentemukile ukufuma ku Yedeyaukufika ku Antiokina basambilisha aba bwana nyina, nokulanda ai, ''Nga tamusembulwilwe ukulongana na malango yakwa Mose, tamwakapusuke awe. ² Ifi fyalengele Paulo na Barnaba baba mu fikansa no kutalikana. Kanshi Paulo na Barnaba, naba bwana nyina bamo ukufuma muli bena, bali sontelwe ukuya ku Yerusalemu ukya ku kumanya abasole na bakalamba pali ici cipusho. ³ Eico kabili, kwaliko kutumwa kuba kulukuta, ukuya kupita ku Fonikia naku Samaria no kuya kubilisha ukulapila kwa bena fyalo. Calengele insansa kuli bamuninefe. ⁴ Ulo baishile ku Yerusalemu, bali bapokelele ku lukuta na basole ne ntungulushi, nokubalondolwela ifintu fyonse Lesa acitile nabo. ⁵ Lelo bamo abasumine, abali mwibumba lyaba Falise, baliminine nokulanda ai, ''Cilife bwino ukubasembulula no kulekubakonkomesha ukusunga amafunde yakwa Mose.'' ⁶ Kanshi abasole na bakalamba balukuta balikele bakotontonkanya pali ici cebo. ⁷ Panuma yafikansa ifingi, Petelo aliminine no kulanda kuli bena, ''Ba munina, mwalishiba ubusuma kukale sana Lesa alimusalile, ukuti ukufuma pa kanwa kenu abena fyalo bafwile ukumfwa imbila nsuma, no kusumina. ⁸ Lesa, uwaishiba imitima, alishimikile ubunte kuli bena abapele Umupashi wa Mushilo, ngefyo acitile kuli fwebo. ⁹ Tacitapo umujishanya pakati kesu na bena, pa kusangulule imitima itetekelo. ¹⁰ Nomba kabili nindo muko esesha Lesa, ukuti mubike koli pa mikoshi ya basambi ilyo nangu ni shifwe nangu nifwe tatwakwete maka yakulisenda? ¹¹ Lelo twasumina ai tukapusukafe ukupitila ku cikuku cakwa Shikulu Yesu Klistu, ngefy bali.'' ¹² Bonse imintapendwa ya bantu baikele tonolo ulo balekumfwa kuli Barnaba na Paulo balekulondolola ifishibilo ne fisunguko Lesa acitile kubena fyalo ukupitila muli bena. ¹³ Panuma yakuleko kulanda, Yakobo alyasukile, ai, ''Ba minina, umfweni kuli nebo. ¹⁴ Simoni atwebe fyo Lesa pakutampa alyamfwile abena fyalo pakuti aibulilemo abanu be shina lyakwe. ¹⁵ Amashiwi yaba kasesema yakosuminisha ifi, ngefyo calembwa ai, ¹⁶ 'Panuma yaifi fintu nakubwela, no kukula nakabili ubwikalo bwakwa Davidi, ubwawile. Nkakula na kabili ne citantala cabuko no kuciminika. ¹⁷ Pakuti abantu bashelepo balekufwaya Shikulu, ukulandakofe nabena fyalo betwe shina Lyandi,' ¹⁸ Ifi efyo asosele Shikulu, uwali kucita ifi fintu fyaishibikilwe ukufumafe kunshita yakale. ¹⁹ Eico, nebo nkofwaya ukuti twibasakamika abo abena fyalo abapilibukile kuli Lesa. ²⁰ Lelo tukobalembelafe ai baitalushe ku kweshiwa kwa tulubi, na kubulale lale, naku fyatitilwa pamikoshi, na kukulyo mulopa. ²¹ Pantu Mose alekubila muli cila musumba ukufuma ku nkulo yakukale elo alekushimikila mu ma sinagongi cile Sabata.'' ²² Elo camonekele bwino kubasole na bakalamba, pamo no lukuta, ukusala Yuda uyo balekwita Barisaba, na Sila, uwali mukalamba muli bamuninefwe, no kubatuma ku Antioki pamo na Paulo na Barnaba. ²³ Balilembelefi ku maboko yabo, ''Ukufuma ku basole na bakalamba, bamuninwene, kuli bamuninefwe abena fyalo abali mu Antioki, mu Sulia naku Kilikia: Umutende! ²⁴ Pamulandu ulo twaumfwile ai abantu bamo abafumine muli fwebo, abo tuta ebele awe, bamufulungenye ku fyebo fya kumifulunganya imyeo, ²⁵ Cili bwino kuli fwebo, abali umutima umo, ukusala bamo noku batuma kuli mwebo pamo nabatemwikwa Barnaba na Paulo. ²⁶ Abantu abaibikile mu mfwa peshina lyakwa Shikulu Yesu Klistu. ²⁷ Eico tukotuma Yuda na Sila, abakoisa kumyeba pali fif fintu pa kanwa nkanti. ²⁸ Pantu cilife bwino ku Mupashi wa Mushilo na kuli fwebo, ukumitwika icipito cakufina ukucilo mufyo cifwile ukuba: ²⁹ Nakukutalukako ku fintu batula ku tulubi, ku mulopa, ku tumbila, naku kuyaluka kubulale lale. Nga mwakuletaluka kuli ifi fintu, ninshi mwacita bwino. Shalenipo.'' ³⁰ Kanshi bena, ulo bafumineko, batentemukile ku Antioki; panuma yakulonganika amabumba pamo, balibapele nkalata. ³¹ Ulo babelengele ifi fintu, balisekelele pa mulandu waku pandwa amano. ³² Yuda na Sila, pamo pene naba kasesema, ukumokonkomesha ba munina na mashiwi yakulekumitinya mwebo. ^{33 34} Panuma yakoposako nshita kulya, babalekeleko baye mu mutende ukufuma kuba bwana nyina ukuya kuba batumine. ³⁵ Lelo Paulo na Barnaba baikeleko mu Antioki, bakosambilisha no kulebile mbila nsuma (na bonse bambi) icebo cakwa Shikulu. ³⁶ Panuma ya nshiku shimo Paulo asosele kuli Barnaba, ''Natubwelele nomba no kuya ku pempula bamuninefwe mu misumba yonse umo twali kubila amashiwi yakwa Shikulu, no kumone fyo bali. ³⁷ Barnaba alikufwayo kusendako nao Yoani, uwali kwitwa Mako. ³⁸ Lelo Paulo alitontonkenye ukuti tacili bwino ukusenda Mako, uwa bafuminemo mu Pamfuria no kutaya nabo ku milimo. ³⁹ Elo kwalimine ukukansana kwakosa, kanshi balilekene umo no munankwe, na Barnaba alisendele Mako nokutapukila ku Cyprus. ⁴⁰ Lelo Paulo asalile Sila no kufumako, panuma ya kusenamina kwa bwananyina ne cikuku cakwa Shikulu. ⁴¹ Elo aile kupita ku Suria naku Kinkilia, aleku konkomesha ifilonganino.