¹ Cali fye ni muli ilya inshita Herodi imfumu yabikile iminwe pali bamo abasumine mu lukuta pakuti engalekubacusha. ² Alipeye Yakobo wabo wakwa Yoani ku lupanga. ³ Panuma yakumona ukuti ici calisekeshe aba Yuda, alikonkenyepo no kwikata Petelo wine. Nolo cali ni mu nshiku sha mukate uwabula ukututumuka. ⁴ Pauma yaku mwikata, amubikile mu cifungo, nokumupela ku bashilika abakulonda ukucila pal bane bane; alikutontonkanya ukumuleta ku bantu panuma ye pasaka. ⁵ Eico Petelo bali mutekele mu cifungo, nomba amapepo yakumupepelako ukufuma ku llukuta yalikonkenyepo. ⁶ Pa bushiku ubo Herodi ali nokumufunya noukuya muku mulubulwisha. Petelo ali sendeme pa kaba shilika babili, ninsi bali mukakile ne minyololo ibili, ulo ninshi abashilika abalikumulonda pantanshi abalikulonda icifungo. ⁷ Moneni, malaika wakwa Shikulu apopene amonele kuli ye, elo no lubuto lwalyakile mu muputule wa cifungo. Aumine Petelo mu lubafu elo noku mwalamusha elo noku mweba ati, ''Alamuka bwangu,'' elo ne minyololo bamukakile yalikakulukile. ⁸ Malaika alandile kuli ye ati, ''Fwala ifyakufwala elo nsapato.'' Petelo acitile ifyo fine. Malaika alandile kuli ye ati, ''Fwala no mwingila wakunse elo nokunkonkanoka.'' ⁹ Eico Petelo alikonkele malaika elo nokufuma panse.Tashininkishe ukuti ifyo malaika alikucita fyali fya cine. Atontonkenye ati alikumona fyeicimonwa. ¹⁰ Panuma yakupita pali ba malonda bakutampilapo elo naba bubili, bafikilo ku mpongolo yacela iyo iyalikusonda mu musumba, caliisukile fye icine. Balifumine elo nokukonka umusebo, elo malaika ali mushile apo pene. ¹¹ Ulo Petelo amano yabwekelemo, elo ailabishe ati, ''Nomaba naishiba icine ukuti ni Shikulu eutumine malaika wakwe elo nokumpsusha kuboko kwakwa Herodi, elo nakufintu fyonse ifyo aba Yuda baliktontonkanya. ¹² Uluntu aibukishe ifi aile ku ng'anda yakwa Maria nyina wakwa Yoani, kabili uo balikukuta ati Maliko, ukuo uko abangi balongene elo nokupepa. ¹³ Ulo akonkonseshe pa ciseko ca mpongolo, umubomfi umwanakashi uwe shina lya Rhoda alishile mukwasuka. ¹⁴ Ulo aumfwile ishiwi lyakwa Petelo, pa mulandu wansansa alifililwe ukwisulako icibi; lelo abwelelemo ulubilo mu muputule, nokuya kulanda ati ni Petelo eutaleme pa mwenshi. ¹⁵ Eico balandile kuli ye ati, ''Ulishilu webo ai.'' Nomba akonkenyepo fye ukulanda ati nifyo fine. Balandile ati, ''Ni malaika wakwe.'' ¹⁶ Nomba Petelo akonkeyepo fye ukukonkosha, elo uluntu baswile iciseko, bali mubwena elo balipapile. ¹⁷ Petelo alibakapishe kukuboko nokuti bekale shilili, elo abolondolwelele ifyo malaika wkwa Shikulu amufunishe mu cifungo. Abebele ati, ''Muye mwebe fyonso ifi Yokobo elo naba bwananyina.'' Eluntu afumine elo nokuya ku ncende kumbi. ¹⁸ Lelo ulo bwacile, takwali icimfulunganya icinono kuba shilika pa fintu ifya citikile kuli Petelo. ¹⁹ Panuma Herodi alikumu fwaya elo alifililwe ukumusangana, aipwishe bamalonda elo nokukonkomesha ukuti ba bepaye. Eluntu ena etentemukile ukufuma ku Yudea ukuya ku Kesaria nokwikala kulya kwine. ²⁰ Lelo Herodi alifulilwe nganshi abantu abaku Tyre elo naku Sidoni. Balile kuli ye ne pange limo, elo nokumfwana Blastus, inkonkani ya mfumu,ukuti abafwilisheko, balipwishe ukuti pabe umutende icalo cabo calikupokelela ifilyo ukufuma ku calo ca mfumu. ²¹ Pa bushiku ubwasontelwe Herodi Herodi alifwele ilaya lya bufumu elo nokwikala pa cipuna; nokutampa ukulanda kuli bo. ²² Abantu batampile ukubilikisha ati, ''Ili lishiwi lyaku kalesa, telyamuntu iyo!'' ²³ Apopone malaika wakwa Shikulu alimukupwile, pantu tapele Lesa umucinshi; balimulile ku myambo elo nokufwa. ²⁴ Nomba ishiwi lyakwa lyalikukula elo nokulunduluka. ²⁵ Eico uluntu Barnabas elo na Saulo bapwile umulimo wabo, balibwelulukile ukufuma ku Yelusaleemu, baletle pamo nabo Yoani, uo balikukuta ati Maliko.