¹ Ukufuma kubakalamba ukufikafye nakuli bana mayo abasalwa na bana babo,uyo ine natemwa mucine kabili te ine neka, Lesa na bonse abo abaishiba icine. ² Pamulandu wacishinka icashala muli fwe kabili cikaba naifwe umuyayaya. ³ Ukusenaminwa, uluse, no umutende fikaba naifwe kuli Lesa wishi nokufuma kuli Yesu Kristu, umswana mwaume wakwa wishi, mu cine na mukute mwa. ⁴ Ndi uwasekelela apakalamba pantu ine ninsanga bamo abana bobe bakoendela mu cine, ngefyo twapokelele aya amafunde ukufuma kuli shifwe. ⁵ Nomba ine nkopapata iwe namayo tacilingo kuti ine nkokulembele ifunde lipya, Nomba icintu cimo icotwakwata ukufuma kukutendeka cakuti tufwile ukutemwa umo no munankwe. ⁶ Ici citemwiko, icakuti tufwile ukwendela ukulingana ne funde lyakwe. Aya mafunde, ngefyo mwaumfwile ukufuma ku kutendeka, ukuti mufwile ukwendela muli yena. ⁷ Pantu abengi bakabepa nabafumine pano insonde, kabili tabalumbula ukuti Yesu Kristu aishile mumubili. Aba ni bakabepa kabili niba mukanya Kristu. ⁸ Lolesheni kuli mwebene, ukuti tamulufishe ifintu ifyo ifintu bonse mwabombele, Nomba pakwebati mwinga pokelelela icilambu icituntulu. ⁹ Onse uukoya kuntashi kabili tekalilila mwisambililo lya kwa Yesu takwata Lesa . Uyo umo uwikalilila mwisambilisho, uyo umo alikwata bonse wishi no umwana. ¹⁰ Ngo muntu onse aisa kuli mwe kabili taletele ili sambilisho, mwimupokelela uyo mung'anda yenu kabili mwimuposha. ¹¹ Pantu umo uwamuposha akumako ku milimo yakwe iya bubifi. ¹² Nebo ninkwata ifingi ifya kulemba kuli mwe, nomba ntako fwaya ukufilemba pepepala na inki. Nangula fye, ine nkosubila ukwisa kuli mwe nokusosa amenso na menso, pakwebati ukusekelela kwesu ku pwililike. ¹³ Abana bankanshi yobe uwasalwa bamiposha.