¹ Paulo , umusosele wakwa Yesu Kristu kubufwayo bwakwa Lesa, kuli Timoti munina, na kulukuta lwa kwa Lesa ulu li mu Korinti, nakuba mushilo bakwa Lesa abakosangwa mu Achara. ² Lekeni ukusenaminwa no mutende wakwa Lesa Shifwe na Yesu Kristu ube kuli mwebo ³ Kaili Lesa Wishi wakwa Shikulu Yesu Kristu alumbaniwe. Etata wa luse kaili Lesa wakutemwa konse. ⁴ Ni Lesa utusansamushako muku cululuka kwesu pakwebai nafwebo tusansamusheko abali mufya kucula kwabo. Nafwebo twaba aba kusansamusha bambi ,ili Lesa umo usansamusha nafwebo. ⁵ Pantu nge fyo ifyali kuculako Yesu fyapamulandu wesu, efyo nokusansamusha kwesu kwafuulisha ukupitila muli Yesu Kristu. ⁶ Ulo Twacula ni pamulandu na mwebo nepusukilo lyenu; nangula twasansamuka, ni pamulandu wakusansamuka kwenu. Ukusanssamuka kwenu kulabomba bwino mu ma cushi yenu ngefyo nafwe tuculako. ⁷ Isubilo lyaba muli mwebo talyakatenkane, pantu fwebo twaishiba ukwebai mulakanya ifya kuculako fyenu, efyo mwakanya nefya kusansamuka. ⁸ Pantu fwebo tatufwaya ukwebai mwebo tamwishibile, mwe batemwikwa, pa fya kucula kwesu ifyo twatwete mu Asia. Twalikucula ukucila napamaka yesu, twalikupokolola ne myo yesu. ⁹ Teifyo fyeka, twalikufika nakumilandu yakwi paya imyeo yesu. Nangula cibe fye tatwali kuicetekela fwe bene, lelo nimuli Lesa, uubusha abantu kuba fwa. ¹⁰ Uwalikutufumya mu milandu yamfwa, euli no kutupokololako. Nimuli ena emo twasumina ukwebai akaupokolola. ¹¹ Akacita ifyo ngefyo naimwe mukotwafwa mu mapepo. Pantu abengi bakupela ukutasha pali fwebo nge fya bupe ifingi ifyaishile mu mapepo ayengi. ¹² Tuitakishisha muli ci, ubunte bwakuba kampingu ubo tukopela ku calo mu cine namuli bu mupashi, te kumanofe yesu lelo ukusenaminwa kwa kwa Lesa. ¹³ Tatukolemba ifyo mwebo mwingakana ukubelenga no kumfwa, kaili nkosubilan ukwebai muli no ku fyumfwa ¹⁴ nge fyo twalikuba ifya kutakishapo kuli mwebo, efyo naimwe m,waba ifyakutakishishapo kluili Shikulu Yesu, nge fyo na fwebo tutakishisha pali mwebo. ¹⁵ Pakuba nokwanga ngoku, nalukifwaya ukwisa kjuli mwebo pakubala, pakwebai mpele kuli mwebo icisansamushi nakabili. ¹⁶ Nalikufwaya ukupitila kwenu ilyo nkoya ku Makedoniya. Pakubala, pakwebai mpele kuli mwebo icisansamushi nakaili. ¹⁷ Nalikutontonkanishisha muli uyu musango, Bushe nacitile bumyalu myalu? Nelo napangile fi mu mano ya buntu nse, pakwebai, insose ai, ''Ee'' Nangu ''Awe'' pamuku fe umo? ¹⁸ Lelo apo Lesa ena wacishinka, icebo cesu k;li mwebo te "Ee'' nangu "Awe" ¹⁹ Pakwebai umwana wa kiwa Lesa Yesu Kristu, uo Silvamusi, na Timoti ne ine tubila kuli mwebo, taba, "Ee" nangu "Awe" Ena abafe lyonse "Ee." ²⁰ Konsefe ukusesema kwa kwa Lesa kwabate ''Ee" muli ena. Kaili nimuli ena tusosela ai, ''Ameni,'' Mululumbi lwakwa Lesa. ²¹ Ni Lesa ewikasha fwebo na mwebo muli Kristu, kaili eutusuba, ²² m abika nefikakatikilo pali fwebo nokubika umupashi mu mutima yesu ecikatilo ku fikoisa. ²³ Lelo ngita Lesa nga kambone wandi pamulandu wakwebai nshaishileko Korinti ukuti muleke ngake. ²⁴ Ifi tekwebai twalikufwaya ukuba shikulu kuli mwebo pakucetekela kwenu. Nipakwebai, tubiombe umulimo kuli mwebo munsansa ilyo mulicili muko ikatilila kuli bucine.