¹ Ifi efyo umuntu ali nokutwishiba ,ngababomfi bakwa Kristu kaili bakasunga wafyankama fya cishinka fyakwa lesa. ² Nomba ifilefwaikwa kuli bakasunga basangwe abakucetekela. ³ Nomba kuli nebo kantu akanono ako ningapingwilwapo kuli mwebo nafyabuntunse .Pantu nanemwine ntakoipingwila. ⁴ Ntebukile pamulandu uo webo ukompela ,lelo ico tacindungamika,nebo uukompingula ni shikulu,ena akuleta palwalala ifintu fyonse ifya fisama mumfimfi wakusokolola ubuyo bwamumutima. ⁵ Eco mulanda ubupingushi pacintu conse ulo inshita tailafika ,ulo imfumu tailaisa .Akuleta ulubuto kufintu ifya fisama mumfimfi nokusokolola ifyaba mumutima.elo akupokelela ukulashiwa ukufuma kuli Lesa. ⁶ Nomba mwebamuninane ,nabikile ifikomo pali nebo na Apolo,pamulandu wenu,pakuti kuli fwebo musambilileko ubupilibulobwansoselo,"mwipitilila ,pafyalembwa ." Ifi nipakweba ai umuntu nangu umo eitutumuna ukucila abanankwe. ⁷ Bushe ninani amona ubupusano pali mwebo napali bambi? Findo mwakwata ifyo mutapokelela ? ngamwalipokelela ,cindo muitutumwina kwai mwalicipokelela ? ⁸ Kale kale mwalikwata ifyo mwalikukabila fyonse ! kale kale mwalinonka !mwalitampa ukuteeka-Neco ecamiputula kuli fwebo !cacine ,nalikukabila ukweba ai mwatetekela ,pakweba ai twateka namwebo. ⁹ Pantu ukotontonkanya ai Lesa atubikile kukuba abasole pambimbili kukuba abakulekeleshako,musihla nangu ngabantu abapingwilwa ukufwa.Twaba ifyakulamba pesonde -kuli bamalaika naku bantunse. ¹⁰ Tuli bawele wele pamulandu na Kristu ,Lelo muli bamano muli Yesu Kristu tuli bakunaka ,mwebo muli bakukosa .Muli bakucindikwa ,fwebo tuli bakusekwa. ¹¹ Pali ino nshita tuli nensala necilaka abakusapula abapumwa ,ababula amayanda. ¹² Tulabombesha ,ukubomba kuminwe yesu ,ngatwapontelwa tulapala ,ngatwapakaswa tulashipikisha. ¹³ Ngatwapontelwa twalanda mukunakilila .Twaba ngabasulwa kwisonde akai ifyalambisha pali fyonse ukufikana pali nomba. ¹⁴ Ntakolemba ifi mukumilenga insoni ,lelo kukumisoka nga abana ebo natemwa. ¹⁵ Nangu muwakwata amakana ikumi limo abakumisunga muli Kristu ,tamwakwata bawishinwe abengi.pantu waishile ukuba wishinwe muli Kristu Yesu ukupitila mumbilansuma. ¹⁶ Eco nkomukonkomesha ukumpashanya. ¹⁷ Eco natumine Timoti umutemwikwa kaili umwana wacishinka muli shikulu ,akwisa kumibukisha inshila shandi.Muli Kristu ngafilya fine mbasambilisha ukuli konse munkuuta. ¹⁸ Nomba bambi mukoitutumuna ,mukocita kwati taishile kuli mwebo. ¹⁹ Nomba nkoisa bwangu kuli mwebo ,shikulu nga asuminisha ,elo nkesa kwishiba tekumashiwife uku bakoitutumuna ,lelo nakwisa kumona amaka yabo. ²⁰ Pantu ubufumu bwamumulu tebwa mumashiwi lelomumaka . ²¹ Findo mukofwaya? Bushe nkesa nenkoto nangu icitemwiko namupashi wakunakilila?