¹ Paulo, uwaitilwe na Kristu Yesu mukuba umutumwa ukulingana no bufwayo bwakwa Lesa, na Sositenisi wesu, ² ku lukuta lwakwa Lesa, kuli abo abasangululwa muli Kristu Yesu no kwitwa mukuba abantu bashila, pamo nabo bonse muncende shonse abeta peshina lyakwa Shikulu wesu Yesu Krsitu, uuli ni Shikulu wabo no wesu. ³ Ukusenamina no mutende fingaba kui mwe ukufuma kuli Lesa Tata wesu na Shikulu Yesu Kristu. ⁴ Lyonse ndatotela kuli Lesa wandi pali mwe pamulandu wa kusenamina kwakwa Lesa uko Kristu Yesu apele kuli mwe. ⁵ Alimulenga ukuba abakankala munshila yonse, mukulanda konse na mu mano yonse, ⁶ ngefyo ubunte bwakwa Kristu bwalishininkishiwa ukuba icishinka pakati kenu. ⁷ Eico tamubulishe icabupe ku mupashi ilyo mukololela mukufwaisha ubusokololo bwakwa Shikulu wesu Yesu Kristu. ⁸ Akamukosha ukufika nakumpela, pakutila mukabe ababula akalema pabushiku bwakwa Shikulu wesu Yesu Kristu. ⁹ Lesa wacishinka, uwamwitile mwisenge lya mwana wakwe, Yesu Kristu Shikulwifwe. ¹⁰ Nomba nkomupapata, ba wesu, ukupitila mwishina lyakwa Shikulwifwe Yesu Kristu, ukuti bonse imwe musuminishanye, nokutila peba ukulekana pakati kaimwe. Nkomupapata ukuti mube abaikatana aba mulangwe umowine no buyo bumo bwine. ¹¹ Pantu ningebwa palwa mwe, ba wesu, na bantu bakwa Chloe ukuti pali ukulekana pakati kenu. ¹² Nkopilibula ici: Cila umo pali mwe akolanda, ''ine ndi na Paulo,'' nangu ''Ndi na Apolosi,'' nangu ''Ndi na Kefasi,'' nangu ''Ndi na Kristu.'' ¹³ Bushe Kristu nayakanishiwamo? Bushe Paulo ewatanikilwe mwe? Bushe mwabatishiwilwe mwishina lyakwa Paulo? ¹⁴ Natotela Lesa ukuti nshabatshe nangu umo pali mwe, kanofye Clisipasi na Gayasi. ¹⁵ Ici califi pakutila pengaba nangu umo uukalanda ati mwabatishiwile mwishina lyandi. ¹⁶ (Nalibatishe naba ng'anda yakwa Sitefanisi. Ukucila apo, nshishibile nganalibatishapo na bambi.) ¹⁷ Pantu Kristu Tantumine ukwisa mukubatisha lelo mukubila imbila-nsuma-te mukucenjela kwakulanda, pakutila umusalaba wakwa Kristu taubulilwe amaka wa yako. ¹⁸ Pantu imbila yapa musalaba buwele-wele ku baleonaka. Lelo pakati ka abo abalepusuka, makayakwa Lesa. ¹⁹ Pantu calilembwa, ''Nkonaula amano yancejeshi. nkafubalisha ukwishiba kwaba mano.'' ²⁰ Umuntu wacenjela alikwi? uwasambilila alikwi? Uulanda amano yakutalikana alikwi? Bushe Lesa tasangula amano ya calo ubuwele-wele? ²¹ Apo icalo mu mano yaciko tacaishibe Lesa, calisekesha Lesa ukupitila mubuwele-wele bwakushimikila ukupususha abo abasumina. ²² Pantu aba Yuda bakofwaya ifisungusho na ba Giriki bakofwaya amano. ²³ Lelo tubila Kristu uwatanikwe, icakuipununako kuba Yuda kabili ubuwele-wele ku ba Giriki. ²⁴ Lelo kuli abo Lesa aita, bonse aba Yuda naba Giriki, tubila Kristu nga maka na mano yakwa Lesa. ²⁵ Pantu ubuwele-wele bwakwa Lesa bwamanopo ukucila abantu, no bunake bwakwa Lesa bwa makapo ukucila abantu. ²⁶ Lolesheni pabwite bwenu, ba wesu. Tebengi pali mwe abali kunjela ukulingana ne nkokwa ya buntu. Tebengi pali mwe abli aba maka. Tebengi pali mwe abafyelwe ukufyalwa kwine kwine. ²⁷ Lelo Lesa asalile ifyabuwele-wele fyamuno calo mukulenge nsoni abacenjela. Lesa asalile icali icanaka mu calo mukulenge nsoni ico icakosa. ²⁸ Lesa asalile icapanshi kabili icasulwa mu calo. Alisalile ne fintu ifishimonwamo cintu, mukulenga ifimoneka nge fintu fisushiwe. ²⁹ Acitile fi pakutila kwiba nangu umo takwete pakuitakishisha pacinso cakwe. ³⁰ Pamulandu wafyacitile Lesa, nomba muli muli Kristu Yesu, uyo uwaishileba kuli fwe amano ukufuma kuli Lesa. Aishileba ubulungami bwesu, bumushilo bwesu, no kulubulwa kwesu. ³¹ Ngefyo caba, ifyo icalembwa cilanda, ''Lekeni uuletakisha, atakishishe muli Shikulu.''