¹ Apo twalitungamikwa neci cetekelo,twaliba ne cibote pamo na Lesa ukupitila muli Shikulu Yesu Kristu. ² Ukupitila muli wena twalikwatilimo ne cicetekelo muli uku kusenaminwa emo twatalamina,kabili tulaya ukuitakishishamo mwisubilo lya buka bwa kwa Lesa. ³ Teceka ici,lelo tulaya ukuitakisha mu macushi.Twalishiba nokuti amacushi yaleta mutekatima. ⁴ Umutekatima nao ishininkisho,ishinikisho lileta isubilo. ⁵ kabili isubilo nalyo talilenga nsonii pantu ukutemwa kwa kwa Lesa kwali pongolokela mu mumitima yesu ukupitila muli Mupashi Wamushilo,uwa pelwe muli ba fwe. ⁶ Lilya twali mbulwa maka,Kristu wafwilile abataishibile Lesa pa kashita akalinga. ⁷ Takwatala akumoneka umuntu uwingafwila mulungami,nalimo,kuti afwila muntu uwabune. ⁸ Lelo Lesa walangile icitemwiko muli fwebo,pantu nelyo twali abamasambi,Kristu alitufwilile. ⁹ Nakansha,elyo,nomba twawamishiwa ku mulopa wakwe,twapushishiwe muli ena kubukali bwa kwa Lesa. ¹⁰ Pantu lilya,twali abalwani,kuli Lesa mu mfwa ya kwa kalume,na kucilisha,panuma ya ku bweshanya,tukalubulwa mu bumi bwakwe. ¹¹ Tenci ceka,lelo twangila Lesa muli Shikulu Yesu Kristu,uwo twapokelamo uku kubweshanya. ¹² Ngefyo,mu muntu umo isambi lyaingile mpano calo,efyo ne mfwa yaingilile kwi sambi.Imfwa yasalanganina ku bantu bonse,pantu bonse twaba ababembu. ¹³ Pantu mpaka pefunde,isambi eko lyali pa calo,lelo talyali smbi apabula funde. ¹⁴ Ukutula pali Adamu mpaka napali Mose,mfwayaliteka abashabifishe pa konaula icebo ngefya citile Adamu,wali cipasho cawali no kwisa. ¹⁵ Lelo cabupe tacingaba nge cakuipununa,pantu ukupitila umo emo abengi bafwila,nomba cingacila shani ca bupe cakwa Lesa ne ea bupe ica kusenaminwa ca muntu umo,Yesu Kristu,caliba cafula ku bengi! ¹⁶ Kabili ica bupe tacaba nge citumbuka mulu bembu lwa muntu umo.Ubupingushi ebwa konkelepo pa kuipununa kwa umo no kuleta ukwebaulwa,lelo cabupe cakonkele fya kuipunwisha fingi no kuleta bulungamiko. ¹⁷ Pantu,mukupitila mukuipununa kwa umo imfwa yalitekele kuipitila muli umo,cingabashani kuli abo abapokelela bwingi bwa kusenaminwa ne cabupe ica bulungami bwa kuteka mu bwikashi ukupitila muli umo,uli ni Yesu Kristu. ¹⁸ Kabili,ukuipununa kwa muntu umo abantu bonse bapingwilwa kukandwa,emfyo na kubusuma umuntu umo acitile kwaishile bulungamiko no mweo mu bantu bonse. ¹⁹ Pantu mukulufyanya kwa muntu umo bantu abengi basanguka ababi,efyo na kubupele bwanmuntu umo abengi ba sanguka abakaele. ²⁰ Lelo funde lyaishile mukufushanya ukuipununa.Lelo apafula isambi,ukusenaminwa kwaisafula kucilamo. ²¹ Ifi fyacitikile pakuti,filya sambi lyateka mumfwa,efya no kusenaminwa kwi ngaba kwa kuteka ukupitila mu bulungami mu mweo wa muyayaya muli Shikulu Yesu Kristu.