1 Panuma yaifi fintu, Yesu aile kwishilya lwamumana wa Galile, kabili uwali kwitwa umumana wa Tibeliasi. 2 Cinkupiti ali kumukonka pantu balimwene ifisungusho ifyo alikucita pali abo abalikulwala. 3 Yesu aile palupili nokwikala panshi nabasambi bakwe. 4 (Nomba icakucilila, icamulalilo wa ba Yuda, cali mupepi.) 5 Ilyo Yesu aloleshe kumulu no kumona cikupiti alesa kuli o, atile kuli Filipo, ''Nikwisa tukoya kushita umukate pakuti aba bengalya?'' 6 (Lelo Yesu alandile ici pakwesha Filipo, pantu umwine alishibile ifyo akoya kucita.) 7 Filipo amwaswike, ''Imyanda ibili iya ma denarii iya mukate tayalinge kuli onse ukukwatakofye nangu akanono.'' 8 Umo pabasambi, Andere, wabo wakwa Simoni Petelo, atile kuli Yesu, 9 '''Kuli umwaice umulumendo ukwete imikate isano ne sabi libili, lelo finshi ifi mubantu abengi?'' 10 Yesu atile, ''Lengeni abantu bekale panshi.'' Nomba kwali icani icingi mu cende. Eco abantu balikeleko,abali mupepi ne mpendwa amakana yasano. 11 Elyo Yesu abulile imikate kabili panuma apele amatotelo, apele kuli abo abaikeleko. Acitile cimo cine na kwisabi, ukulinganafye napo balikufwaila. 12 Ilyo abantu baikutile, atile kubasambi bakwe, ''Kolonganyeni ifipimfya ifisheleko, pakwebati tapali iconaike.'' 13 Eco balifikolongenye no kwisusha ifipe amakumi yabili ifipimfya ifyafumine kumikate isano iyashelepo kuli abo abalile. 14 Elyo, ilyo abantu bamwene ici cisungusho acitile batile, ''Uyu icine cine nikasesema ukoisa muno mucalo.'' 15 Ilyo Yesu ailwike ukuti bali pakwisa no kumwikata kumaka ku kupanga imfumu, alifuminepo nakambi nokuya kulupili umwine. 16 Ilyo caishile icungulo abasambi bakwe batentemukile ku mumana. 17 Baninine mu bwange, kabili balikuya ku mumana ku Kapenamu. Palifitile pali ii inshita, kabili Yesu ninshi talaisa kuli bo. 18 Icimwela icikulu calikupupa, kabili no mumana walbipile. 19 Ilyo baendele intamfu mupepi na makumi yabili-nafisano atemwa amakumi yatatu, Bamwene Yesu akoenda pa mumana kabili akoisa mupepi no bwange, kabili balyumfwile umwenso. 20 Lelo atile kuli bo, ''Ninebo! Mwitutuma.'' 21 Elyo balikukabila ukumupokelela mu bwange, kabili palya pene ubwange, bwafikile kumulundu uko balikuya. 22 Ubushiku bwakonkelepo, ibumba ilyaiminine kulubali lumbi ulwa munana bamwene ukuti takuli ubwange bumbi kanofye bulya bwine, kabili ukuti Yesu naninamo nabasambi bakwe lelo abasambi bakwe baile beka. 23 Pali ici, kwali yambi amange ayafumine ku Tibeliasi mupepi nencende uko balilile imikate panuma Shikulu napela amatotelo. 24 Ilyo ibumba lyasangile Yesu atemwa abasambi bakwe tabali kulya, abene baninine mu mange nokuya ku Kapenamu mukufwaya Yesu. 25 Panuma bamusangile kwishilya lya mumana batile kuli o, '' Kafundisha, nililali mwacisa kuno?'' 26 Yesu abweseshe kuli bo nokulanda, nokulanda, ''Icine ,cine, mukofwaya ine, tepamulandu mwamwene ifisungusho, lelo nipamulandu mwalile imwe imikate kabili nokwikuta. 27 Mwilakubombe ifilyo ifyonaika lelo ifilyo ifimitwala kumweo wa muyayaya ico umwana wamuntu akamipa pantu Lesa tata alibika icikakatikilo pali o.'' 28 Elyo batile kuli o, ''Findo tufwile ukucita, pakwebati twingacita imilimo yakwa Lesa?'' 29 Yesu abweseshe nokulanda kuli bo, ''Uyu emulimo wakwa Lesa: pakuti mwinga sumina muli umo uyo uwatumwa.'' 30 Eco batile kuli o, ''Cilangilo ndo ukacita, pakwebati twingamona nokukusumina? Bushe findo ukacita? 31 Bashifwe balile mana mumatololo ngefyo calembwa, 'Abapele umukate ukufuma kumulu ukulya.''' 32 Elyo Yesu abweseshe kuli bo, ''Icine, cine, Te Mose uwamipele umukate ukufuma ku mulu, lelo ni tata ukomipela ukate wacine ukufma ku mulu. 33 Pantu umukate wakwa Lesa niyo uwisa panshi ukufuma ku mulu no kupela ubumi ku calo.'' 34 Eco batile ku o, ''Mukwai, tupeleni uyu mukate lyonse.'' 35 Yesu atile kuli bo, ''Nine mukate wa bumi; uyo ukoisa kuli ne takomfwe nsala, kabili uyo uwasumina muli ne takomfwe icilaka. 36 Lelo Namwebo ukuti mulimbwene, kabili tamusumine. 37 Onse uyo Tata ampela akesa kuli ne kabili noyo uwaisa kuli ne icine shakamuposelekeshe. 38 Pantu naisa panshi ukufuma ku mulu, tekubufwayo bwandi ne mwine, lelo ubufwayo uyo uwantumine. 39 Ubu ebufwayo bwa uyo uwantumine, ukuti nshilofeshepo nangu umo abo abo ampela, lelo bakabushiwa pabushiku bwakulekelesha. 40 Pantu ici ebufwayo bwakwa Tata, ukuti onse uwamona umwana nokusumina muli o enga kwata ubumi bwamuyayaya kabili nkamubusha pabushiku bwakulekelesha.'' 41 Elyo aba Yuda bailishanya pali o pantu alanda ati, ''Nine mukate uyo uwafuma ku mulu. '' 42 Batile bushe uyu Yesu temwana wakwa Yosefu, abo wishi nanyina twaishiba? Nomba nindo lelo akolanda ati, 'Naisa panshi ukufuma kumulu'?'' 43 Yesu abweseshe nokulanda kuli bo, ''Lekeni ukuilishanya mwebene mweka. 44 Tapali uwingesa kuli ne kano Tata uwantumine amupalamika kuli ne, kabili ndi nokumubusha pabushiku bwakulekelesha. 45 Calilembwa muli bakasesema , ''Onse akafundwa na Lesa.' onse uwaumfwa nokusambilila ukufuma kuli Tata esa kuli ne. 46 Tekweba ati onse alimona Tata, kano uwafuma kuli Lesa-alimona Tata. 47 Icine cine, uyo uwasumina akwata ubumi bwa muyayaya. 48 49 Nine mukate wa bumi. Bashinwe balile manna mumatololo, kabili balifwile. 50 Uyu emukate uyo uwafuma ku mulu, pakweba ati umuntu engalyako fimo kabili tafwile. 51 Nine mukate wa mweo uyo uwaishile panshi ukufuma ku mulu. Nga cakuti onse alya uyu mukate, akekalilila umuyayaya. Umukate uyo nkapela mubili wandi pa bumi bwa calo.'' 52 Aba Yuda balifulilwe mubene beka kabili batampile ukutalikana, abati, ''bushe uyu muntu kuti atupela umubili wakwe ukulya?'' 53 Elyo Yesu atile kuli bo, ''Icine cine, kanofye mwalya umubili wamwana wa muntu kabili nokunwa umulopa wakwe teti mukwate ubumi muli mwebene. 54 Uyo onse uulya umubili wandi no kunwa umulopa wandi alikwata ubumi bwamuyayaya,kabili nkamubusha pabushiku bwakulekelesha. 55 Pantu umubili wandi cakulya icacine, kabili no mulopa wandi canwa icacine. 56 Uyo onse uulya umubili wandi no kunwa umulopa wandi ekalilila muli ne, kabili nandi muli o. 57 Nge fyo Tata uwamweo antuma, ngefyo nandi njikala pamulandu wakwa Tata, eco uyo uulya ine, naowine akekala pamulandu waine. 58 Uyu emukate uyo uwaisa panshi ukufuma ku mulu, teuyo uwalile ba shifwe kabili nofwa. Uyo ukalya uyu mukate akelilila umuyayaya.'' 59 Lelo Yesu alandile ifi fintu mu Sinagoga ilyo alikufunda mu kapenamu. 60 Elyo abengi abasambi bakwe abaumfwile ici batile, ''Ili ifundisho lyakushupa; bushe ninani engalisumina?'' 61 Yesu, pamulandu alishibile umwine ukuti abasambi bakwe balikuilishanya pali ici, nokulanda kuli bo, ''Bushe ici camikalifya? 62 Elyo ngacakuti mwamona Umwana wa Muntu akoya uko ali kale? 63 Mupashi eulenga ukwikala; umubili taunonkelamo nangu cimo. Amashiwi ayo nasosele kuli mwe mupashi kabili yabumi. 64 Lelo kwaliba bamo abatasumina.'' Pantu Yesu alishibile ukufuma kucitendekelo abali bamo abatakasumine kabili nabo abakamubemba. 65 Atile, Pamulandu waici ukuti nalandile kuli mwe ukuti takuli nangu umo uwingesa kuli ne kanofye asuminishiwa kuli Tata.'' 66 Pamulandu waici, abengi abasambi bakwe balile kabili tabaendele nao nakabili. 67 Elyo Yesu atile kubekumi nababili, ''Bushe namwe tamukofwaya ukuya, mukofwaya?'' 68 Simoni Petelo amwaswike ati, '''Shikulu,Bushe nikuli nani twingaya? Ulikwete amashiwi ya bumi bwamuyayaya, 69 kabili talisumina no kwisa ishiba ukuti uli Umo Uwamushilo uwakwa Lesa.'' 70 Yesu atile kuli bo, ''Bushe ine ntasalile mwebo, abekumi nababili, kabili umo pali imwe mulwani?'' 71 Nomba alikulanda pali Yuda mwana Simoni Esakalyoti, pantu ali ni o, umo pabekumi nababili, ukabembula Yesu.