¹ Ninani uyu waisa wafuma ku Edomu, ufwele ne fifwalo ifyakukashika ukufuma ukufuma ku Bozrah? Ninani uyu, uwakucindama mifwalile, yakwe, uulepintauka mubwingi bwabucindami bwamaka yakwe? ''Ninebo, uukososa mubulungami, kabili namaka ayakulu mukupususha.'' ² Nindo fikashikile ifyakufwala ifyo, kabili nindo fikomonekela kubati wacilakama imyangashi mu cakukaminamo? ³ ''Nko kundawila imyangashi umwakukundawila nenka, kabili tapali no umo ukufuma mu fyalo fyonse uwakuilunda kuli ne. Nalibakandawile kubukali bwandi, kabili nabanyatawilile ku cipyu candi. Umulopa wabo ukasabaukila pafyakufwala fyandi nokulamfya fyonse ifyakufwala fyandi. ⁴ Pantu napekenye ubushuku bwacilandushi, kabili umwaka wakulubula kwandi nawisa. ⁵ Naliloleshe, kabili takwali wakwafwa. Nalipapile pakubona ukuti tapali wakwafwa, lelo ukuboko kwandi fe ekwandetele ukucimfya kwandi, kabili necifukushi candi cikontungilila. ⁶ Nabanyatawilile panshi abantu na bantu mubukali bwandi no kubalenga ukukolwa mucipyu candi, kabili naitulwile umuplopa wabo pe sonde.'' ⁷ Nkalumbula ificitwa fya luse lwakwa Yahweh, ukutasha ukukulu ukwa milimo yakwa Yahweh. Nkalumbula fyonse ifyo Yawe watucitila fwe, kabili no bune ubukulu kunganda yakwa Israeli. Uku ukutetesa atulanga fwe pamulandu waluse lwakwe, kabili umwabela bwingi bwa luse lwakwe. ⁸ Pantu walandile ati. ''Ukuba kwena abantu bandi, abana bakubulo ubufi.'' Walisangukile umupusushi wabo. ⁹ Mukumanama kwabo konse, walinamene nao kabili namalaika ukufuma ku cinso cakwe walibapuswishe bo. Mukutemwa noluse lwakwe walibapuswishe bo, kabili wabasumbwile peulu no kubapiita bo ukufuma kunshita iya kukale. ¹⁰ Lelo balisangukile nokukalifya umupashi wakwe uwamushilo. Eco wasangukile umulwani wabo nokubalwisha bo. ¹¹ Abantu bakwe batontonkenye inshiku shakale ishakwa Mose. Balandile ati, ''Alipi Lesa, uwabatapwishe benba nabakacema wa mukuni wakwe? Uli pii Lesa, uwabikile umupashi wamushilo pali bo? ¹² Uli pii Lesa, uwalengele amakana yakwe ayakulu ukuya nokuboko kwakw Mose ukwakulyo kabili nokupatula amenshi pantashi yabo, nokuicitila ishina lyakwe umwine umuyayaya? ¹³ Uli pii Lesa, uwabatungulushi ukupita mwitenga lya menshi? Kubati nimfalashi ikobutuka apakubatama, tabaipunwine. ¹⁴ Nge ng'ombe ishikotentemukila mumupokapoka, umupashi wakwa Yahwehwabapele ukutusha. efyo mwatungulwile abantu benu, kukuicitila shina lyenu ukulumbwa. ¹⁵ Lolesha ukufuma mumulu nokumona ukufuma mubwikalo bwenu ubwashilisha ubwalumbuka. Filipisa ukucitila kwenu namaka ya bumpalumebwenu? Uluse lwenu nemisango yakutetesa kwena ifyo mwatalusha kulifwe. ¹⁶ Pantu nimwe bashifwe, nangu Abrahamu tatwishiba fwe, kabili Israeli tatwibukisha fwe, mwe, ba Yahweh, muli bashifwe. 'Umulubushi wesu' lyaba ishina lyenu ukufuma kukale. ¹⁷ Yahweh cindo mutulengele ukutaluka kumibele yenu nokukosha imibele yesu, pakutila twilakumibela fwe? Bweleni pamulandu wababomfi benu, umutundu wabupyani bwenu. ¹⁸ Abantu benu bakwete apashila penu panshita iinini, lelo abalwani besu nabanyantaulapo. ¹⁹ Tusangukile kuli abo abomushatekapo, kubati ni abo abo abashatala kukuta peshina lyenu.''