¹ Mu mukwa imfumu Usiya yafwile, nali bwene shikulu alikele pa cipuna cabufumu; aalisumbwilwe no kusansabikwa, ne cisempe ca mwingila wakwe caiswile mwitempele. ² Pamulu wakwe pali ba Serafimu; cila umo wakwete amapindo mutanda, mutanda, yabili yakufimbilako pa menso na yabili yakufimbilako amakasa, elo yabili yakupupukilako. ³ Balekwitana cila umo no munankwe elo baleya ukusosa ati, "Uwamushilo, uwamushilo, uwamushilo, ni Yawe wa Milalo! Isonde lyonse mwayo ukwisula ubukata bwakwe.'' ⁴ Imifula ya maingwe yalisunkene ku mashiwi ya abo abalekupunda, ne ng'anda yaliswilemo icushi. ⁵ Elo naebele ati, " We bulanda kuli Nebo! Pantu naliloba pamulandu nebo ndi muntu uwa kukowela imilimo, kabili naikala mu bantu abakukowela imilimo, pamulandu amenso yandi yalibwene imfumu, Yawe, Yawe wa milalo!'' ⁶ Eluntu umo uwa muli ba Serafimu apupukile uko naali; aalikwete ilasha lya mulilo mu kuboko kwakwe, ilyo abulile pa bulambo ukubomfya utumanikilo. ⁷ Akumishe akanwa kandi elo aeba ati, "bona, ici cakumya imilimo yobe; ifilubo fyobe filifumishiwepo, ne sambi lyobe lilile ukulekelelwa." ⁸ Nalyumfwile ishiwi lyakwa shikulu liko eba ati, "Ninani nkayo ukutuma, ninani uukaba inkombe yesu?" Elo naebele ati, " Epo ndi ntumeni." ⁹ Elo Aeba ai, ''kabuye no kweba aba bantu ai, 'Kutikeni, nomba mwi iluka'; Boneni, nomba mwiyo ukwishiba.' ¹⁰ Ulenge imitima ya aba bantu ukufina, no kukomya aamatwi yabo, na menso yabo ukuyo ukupofula. Nga teifyo kuti babona amenso yabo, kuti baumfwa na matwi yabo, kabili kuti bayo ukwiluka ne mitima yabo, kabili elo bengayo ukupilibuka no kupola." ¹¹ Elo naebele ati, "Shikulu, kufika lwisa?'' Alyasukile ati, "Mpakafe imisumba ikabongoloke ukuba ati fibolya kabili ikabe umwabula abekashi, na mayanda yakabe ifipompa, ne calo cikonaike, ikashale icibolya, ¹² Kabili mapakafe Yawe akaseseshe abantu bakwe ukutali ne ncende yacibolya ikashale iikulu mukati ka calo. ¹² kabili mpakafye YAhweh akaseseshe abantu bakwe ukutali, ne ncendeyacibolya ikashale iikulu mukati ka calo. ¹³ Nangufe abantu bapali cilekumi benga shalamo, nakabili cili nokonaulwa; nga filya batema iciti camu terebinti nangu uwa mu Aoki elo pashala icishinte cauko emushala ulubuto lwa mushilo.''