¹ Umfweni kuno, mweba nganda yakwa Yakobo, mwe baitwa abena Isaeli mwebafyalilwa mulupwa lwakwa Yuda; mwebo pakulapa mulalumbula ishina lyakwa Yawe kaili mulaitakisha palwa kupepa Lesa wakwa Israeli, nomba kwena mwebo ifyo mulanda tafili fyacishinka kaili tafilungama awe. ² Kwena mulacankwa pakulaita amuti fwebo tuli bena musumba wa mushilo napakutila fwebo twalashitilila kuli Lesa wakwa Isreali. Yawe umwine wa fita. ³ ''Akale nebo nalesoselapo kabela ifili nokuya ukucitika; akanwa kandi kalisosele, kaili nafilengele fishibikwe, no kupulikilwa mwali kupulikilwakofe uko nebo naficita. ⁴ Pantu nebo nalishiba ukwebai mwalikose imitwe, imikoshi yenu yaba ukukosa nge cela, ne mpumi yenu, yaumalala ngo mukuba, ⁵ Kanshi nebo epakumyebelapo kabela ifi fyonse; nokuyo ukufilondolwela kabela, ilyo tafilabako mwebo mwaebai, 'Utulubi etulengele ukwebai ifi fintu ficitike, epali kaili mwalati, utulubi twandi etwaficitile. Cimpashanya candi ico nabasa na kalubi kandi ako naengaefilengele ukwebai ficitike. ⁶ Ifi fintu mwalifyumfwile akale; moneni fyalicitika; mwebo tamuli nakusumina fe ai ifyo nebo nsoselepo kabela fyacishinka? Pali nomba ndemyebelapo ifi ifipya ifikabako, ifintu ifyafisama ifyo nebo nshasokolwele akale. ⁷ Ifi fintu tafyaliko akale awekaili mwebo tamwatala amufyumfwapo ukushinta nalelo pantu nga mwaliyo ukufyumfwapo, kuti aeba ai, 'Ina, twafishiba akale. ⁸ Mweba tamwatala amumfwapo; tamwaishiba; ukutula apo mwafyalilwa amatwi yenu tayatala ayakomoka. Mwebo mwalishibikwa kubusungu bwenu tamuli bakucetekela, mwaitilwe cisanguka ukutula apo mwafililwe. ⁹ Pamulandu we shina lyandi nebo kanshi nkotala nshikataleko, nokumilifye nshamilofye nebo awe. ¹⁰ Nga filya fine silfere alopolwa mwilungu lya mulilo efyo nalopolola na mwebo pakumipisha mu macushi ayaba ngo mulilo kubukali. ¹¹ Ico nebo nkocitila ifi ni pa mulandu wa nemwine, nebo teti ndete abantu balekunsalula nokusuula ishina lyandi, nangu ukuleka umbi eo balelumbanya, awe nakalya, pantu ninebofye neka balingile ukulumbanya. ¹² ''Umfwa kuno weYakobo we Israeli weo nebo naita. Ninebo Yawe , ninebo citendekelo kaili ninebo wakupelekeshako, nebo neka nine Lesa. ¹³ Maboko yandi yene ayayo ukwikisha umufola apaba isonde nokuboko kwandi ukwa kukulyo ekwayandilika imyulu; nga nafikuta, filambela nokwimina pamo. ¹⁴ ''Longaneni bonse mwise mukutike. Ala tapaba umulungu nangu umo uwasobele ifi fintu. Ninebo nasosele ukuti uwasalwa wandi umo akawililila umusumba wa Babele, pamo nabantu bene abaikalamo bena Kaladeya. Akacita ifyo nebo mfwaya ukuti acite. ¹⁵ Ninebo wine nalanda, nokumita ninebo namita , ninebo wine mitungulula , nokuleka alekushuka mu mulimo wakwe. ¹⁶ ''Kanshi mwebo palameni kuno mumfwe ifyo nasosa:ukutulafye ilyo natendeke ukubilisha , nasosele ai, ''kanshi nomba imfumu Yawe ampela umupashi wakwe, nokutuma antuma. ¹⁷ Ifi efyo Yawe umulubushi wenu , uwamushilo wakwa Israeli asosa ai, Ninebo Yawe Lesa wenu , uumufunda ifyakuti filekumiwamina , kaili uumitungulula munshila lyo mulingile ukuya ukwendelamo. ¹⁸ Mwebo ngamulabika umutima kumafunde yandi , ala nga mwaikala necibote ngo mumana uupita lyonse , nobulungami bwenu kuti bwabafye nga matamba yapali bemba. ¹⁹ Ubufyashi bobe nga bwayakufula ngo musensenga uwapeleka uushingapendwa , abana bobe ngabayo ukufula mgo tuseke twamucanga , neshina lyobe nga talutala aliputuka , kaili nga teti nfeke balobelele awe. ²⁰ '' Fumeni mumasamba wa Babele butukile ni kubena Kaladeya . Akwauleni ne nsansa , sanganyeni uyu mulandu mulekwebai , Yawe alilubwile umubomfi wakwe Yakobo. ²¹ Ilyo Yawe ali ukupisha abantu bakwe mumatololo , abantu bakwe tabali ukwaula kucilaka awe. Alilengele ai amenshi yeye ukupongoloka ukufuma mucilibwe. ²² Yawe alilepwile icilibwe , amenshi epakuya ukufuma. Yawe alisosa ai, ababi , awe bena tabakaumone umutende.