1 Pali iyo nshita imfumu ya Babiloni Merodaki-Baladani umwana wakwa Baladani, atumine inkalata nefyabupe kuli Hesekia; pantu alyumfwile ukuti Hesekia alilwele nakaili alipolele. 2 Hesekeia atashishiwe pali mfi fintu; alangishe ne nkombe ashilanga na fyonse ifyali mubutala bwakwe-silifa, golide, nefya nunka ubusaka, namafuta yasuma, ubuta bwakwe ubwa fyanso fyake, na fyonse ifyali mubutala bwakwe. Takwali nelyo kamo munganda yakwe, nangula ubufumu bwakwe, ifyo Hesekia tabalangishe 3 Elo Esaya kasesema aishile kuli Hesekia no kumwipusha ai, ''Bushe findi aba abaume basosele kuli webo? Bushe bafumine kwisa?'' Hesekia epakwankula, ''Bacisa kuli nebo ukufuma pa ncende iitailepela mu calo ca Babiloni.'' 4 Esaya epakwipusha, ''Findo bamwene munganda yobe?'' Hesekia epakwasuka, ''Balimwene fyonse munganda yandi. Takuli nelyo cimo nangu cakucindama ico ntabalangile 5 Elo Esaya asosa kuli Hesekia, ''Umfwa ku cebo cakwa Yawe wamilalo: 6 'Mona, inshiku shakwisa iya ifintu fyonse kwisano kumobe, ifintu ifyo ifikolwe fyobe fyatutile ukufika pali buno bushiku, fyakupitilwa mu Babiloni. Takuli necikashala, ekusosa kwakwa Yawe. 7 Kabili napali ba mu lupwa lobe aba mubili no mulopa obe abo waifyalila we mwine, bakusendapo bamo nokuya bacita bamutungwi abakobombela imfumu yaku Babiloni kwisano lyaiko.''' 8 Elo Hesekeia asosa kuli Esaya, ''Ishiwi lyakwa Yawe ilyo wajeba lisuma.'' Pantu alishibe, ''Kwakuba umutende nokushipa munshiku shandi.''