¹ Muli mbulya bushiku ulu lwimbo lukembwa mu mpanga ya kwa Yudah ulwa kuti: Twalikwata umusumba uwakosa; Lesa alibika ipusukilo ukuba ifibumba kabili ubucingo. ² Isuleni impongolo pakutila uluko lwa bulungami ulusunga icicetekelo lwingile. ³ Abantu abo imitima yaba pali mwebo, mukaba sungilila no mutende wa pe, pantu nimwebo batetekela. ⁴ Tetekela Yawe umuyayaya, pantu Yahweh, ecilibwe ca muyayaya. ⁵ Pantu akaponya abo abaikala ne cilumba; umuumba wa sansabikwa, akauponya pa nshi; akauposa mulukungu. ⁶ Ukanyataulwa na makasa ya mulanda no mupina. ⁷ Inshila ya mulungami yalitambalala, Apo mwalitambalala, mukatambalika nenshila ya mulungami. ⁸ Cine cine, pa mulandu wa nshila ya mulinganya, wenu mwebo Yahweh, twali micetekela imitima yesu; ifwaya ishina lyobe elyo noku mwibukisha. ⁹ Namifwaya ubushiku no mweo wandi; cine cine, no mutima wandi munda ndamifwaya. Pantu lintu mu kapingula isonde, abekashi bapa calo bakasambilila ubulungami. ¹⁰ Umubifi nangula apalwa, takasambilile ubulungami,. Mu calo cakutambalala akalacita ifya bipa kabili takamone ukupulamo kwakwa Yawe. ¹¹ Mwebo Yawe, ukuboko kwenu kuli mu mulu lelo tekuti bamone. Bakamona no kwikatwa insoni pafyo mwa cincincila abantu benu, cine cine umulilo wabalwani benu wakubalya. ¹² Mwebo Yawe, mukatupela umutende; pantu namutubombela fyonse. ¹³ Mwebo Yawe Lesu wesu, bashikulu wesu bambi balecita ukubati ebatuteka; mu kwafwa kwenu fye emo tukalumbanisha ishina lyenu. ¹⁴ Balifwa tabakabe no mweo, apo balifwa tabakeme. Eico, mwaba mpempula pakuti mubakande no,ubalofya pakuti belalumbulwa no kulumbulwa. ¹⁵ Mwabalundako kuluko, Yawe, mwalundako ku luko; mwaicindamika; mwakusha imipaka yonse iya calo ukufika ukutali. ¹⁶ Mwebo Yawe, ilyo balecua besa kuli mwebo bapepa ipepo lyamu kantepentepe ilyo mwabasalapula. ¹⁷ Nga mfilya na mayo uuli mupepe no kupapa akalipwa, no kulila ilyo alecula emfyo naifwe tili pa mulandu wenu, mwebo Yawe. ¹⁸ Twaliyo ukumitwa, twaliba mubukali bwa kupapa, lelo cili kwatife twapapa umwela. Tauletele ipusukilo ku caalo, kabili takuli abekala calo abalefyalwa. ¹⁹ Abafwa bobe bakoba no mweo; ifitumbi fyabo fikema. Shibuka no kwimba ulwa kusekelela, mwebo mwebekala mulukungu; pantu umume obe mume wa lubuto, ne caalo cikaleta abafwa ukufyalwa. ²⁰ Kabuyeni, mwe bantu bandi, ingileni mu muputule wenu no kwisalako ifibi; mufisame pa kashita akanono mpaka ubukali bupite. ²¹ Pantu boneni, Yawe ali mukwisa ukufuma ku mwakwe ku kusalapula abekala caalo pa membu shabo; kabili icalo cikasokolola umulopa uwasuma pali cena kabili cakafise abaipaya ba ciko.