¹ Lolesha, Yawe wala onaula icalo, ukucita icibolya, ukufulunganya pamulu, no kusalanganya abaikalapo. ² Cikesa kube ifyo, nga ku bantu, ifyofine na kuli ba shimapepo; naku babomfi, ifyofine nakuli bakangalila wabo; ku babomfi abanakashi, ifyofine nakuli banyinabo babombela; kubakushita, ifyofine nakuba kushitisha; kuba ku kongola, ifyofine nakuba kongwesha; kuba kaloba, ifyofine nakuba pela kaloba; ³ Icalo cikapwilika ukonaulwa kabili tapakashale na kaamo; pantu Yawe eulandile ili shiwi. ⁴ Icalo cilekaminwa noku minwa, isonde lile uma nokubonsa, impalume sha bantu shakuposhiwa kumbi. ⁵ Icalo ca nunka kubekalamo pantu balipulilela amafunde, ukulufyanya ifipope, kabili kabili ukutoba icipangano camuyayaya. ⁶ Eco kanshi icalo catipilwa, kabili nabaikalapo basangwa aba shininwa. ⁷ Abaikala pa calo bapwa ukupya, kabili pashelefye insokotwa. Umwangashi upya wauma onse, icimuti ca mwangashi cabonsa, bonse abali ne mitima yansansa bafitwa. ⁸ Icongo cansansa sha nsombo caleka, kabili ne fyangalo fya abo balesamwa; insansa sha malimba yatalala. ⁹ Tabalenwa kabili umwangashi no kwimba, kabili no bwalwa bwansansa kuli abo aba bunwa. ¹⁰ Umusumba wa Chaosi naubongoloka; ne ng'anda yonse naiyo ukwisalika kabili tamuli kantu. ¹¹ Muli ukulila mu misebo kumulandu wa mwangashi; shonse insansa shili kufita, insansa sha pa mpanga nashi fumapo. ¹² Mu musumba mushele ifitantala, ne mpongolo nashitobaulwa mutupimfya. ¹³ Mfi efyo cikesaba pa calo conse mu mitundu, ukubati nililya icimuti ca mu Olife ca pumwa, ukubati kukunta ulo ukusombola ifitwalo kuyo citwa. ¹⁴ Bakasansula amashiwi yabo nokupunda ululumbi lwakwa Yawe, kabili ukupunda kwa nsansa ukufuma muli bemba. ¹⁵ Kabili kukabanga kulumbanya Yawe, kabili mululamba lwa bemba kupela ubukata kwishina lyakwa Yawe, Lesa wakwa Israeli. ¹⁶ Ukufuma lubali lwa calo ukwalepesha natumfwako inyimbo, ''Ubukata kuli umo umulungami!'' Nomba nalandile, ''Nimposwa kumbi, akalanda nebo! Ba cipondoka nabacita ukupobdoka, ee, bacipondoka naba pondokela.'' ¹⁷ Ubucinga, icilindi, kabili ifya ku myonaula, fili pali mwebo, mwebekashi bapa calo. ¹⁸ Naye alebutuka ukufuma ku ciunda ca cinkunka akawila mu cilindi, kabili noyo uukesa ukufuma pakati ka cilindi akekatwa mu cakumonala. Insolokoto sha myulu shikesulwa, nemifola ya calo ikatenkana. ¹⁹ Icalo cikabongoloka conse, icalo cakulepauka; Icalo ca sunkanishiwa bubi bubi. ²⁰ Icalo cakula talangana ukubati muntu ukolelwe ubwalwa kabili lya kulapungaila ukubati ka mutanda. Isambi lya kako likafina paliko kabili kakawa kabili takakeme na kabili. ²² Pali mbulya bushiku Yawe akukakanda ifya teka imyulu mu myulu, kabili ishamfumu shamu calo pa calo. ²¹ Bakalongana pamo, abakaili mu cilindi, no kushisalila mu cifungo; kabili panuma ya nshiku ishingi bakacushiwa. ²³ Kabili umweshi ukasebaniwa, na kasuba takakabalike, ico Yahweh kateka akalateka pa lupili lwa Zioni kabili mu Yerusalemu, kabili pa cinso caba cilolo mu bukata.