¹ Ukupampamika ulwaluma mu matololo ya pali cibenba. Nge fiyokupita icipupu ca mwela ku kapinda ka kulyo cikoisa ukufuma mu matololo ukufuma ku calo cakutinya. ² Kuli cimonwa banangile icakutinya: Incengeshi ishaume shicili shikocesha, kabili bakonaula bacili bakonaula. Kabuye nokushinga, Elamu; umusumba Media, nkopwisha ukuteta konse. ³ Eco intungu shandi shikokalipila nganshi; nkokalipwa ngo ku kalipwa kwakwa namayo pa kupapa fili mfuntawile; Ndi wile panshi kuco ngumfwile; Nimfulungana kuco na mwene. ⁴ Umutima wandi wayo ukutunta cibi; nkotutuma ku mwenso. Icungulo bushiku ico natemenwe, lelo ciko ntuntumya. ⁵ Bakopekanya itebulo, bakosanshika no kulya no kunwa; imeni, bacilolo, subeni inkwela na amafuta. ⁶ Pantu ici eco imfumu ilandile kuli nebo, ''Kabuye, kabike kalinda, afwile ukusosa eco abona. ⁷ Ulo abwene amaceleta, na batetema babili babili pali bakabalwe, na bensha ba mpunda, kabili na besha bali pa ngamila, elo alolekesha no kubikako amano.'' ⁸ Kalinda abilikishe ai, ''Mwe shikulu pa lupungu lwakwa kalinda epo ntaleme, akasuba konse, lyonse akasuba, kabili apa kulinda pandi epo ntalama lyonse.'' ⁹ Kuno kukoisa iceleta no muntu umo na bakabalwe babili babili. Basosele ai ''Babiloni aliwile, aliwile, kabili, ifimpashanya fya kubasa fyonse ifya kutulesa twakwe fitobawilwe panshi.'' ¹⁰ Mwe banyantaulwa bandi, mwe bana bapa kupimina ingano panshi! Ico naumfwile kuli Yahweh wa mabumba, Lesa wakwa Israeli, nali mwebele. ¹¹ Ubukombe pali Dumah. Kuli ukonjita ukumina Seir, ''Kalinda, bushe ubushiku buli shani? Kalinda bushe ubushiku buli shani?'' ¹² Kalinda walandile, ''Ulucelo lukoisa na pamopene no bushiku. Nga mukofwaya ukwipusha ipusheni, elo ipusheni; kabili mubwele nakabili'' ¹³ Ubukombe pali Arabia. mu cisweswebe cabena Arabia emo muko sendama ubushiku, mweba lendo abena Dedanites. ¹⁴ Mulete amenshi yabali ne cilaka mwebekashi bamu calo ca Tema, kumanyeni abakofulumuka no mukate. ¹⁵ Bafulumuka ukufuma ku lupanga, ukufuma ku lupanga ululeipaya, ukufuma ku mata, nokulema kwa lupili. ¹⁶ Pantu mfi efyo shikulu asosele kuli nebo, ''Mu mwakafe wine, nge mfyo umubomfi wa kwimya pa mwaka enga cimona, bonse ubucindami ubwakwa Kedar bukaya ukupwa. ¹⁷ Baka shalapofe abanono abamata, abashilika baku Kedar ebakesa kushalapo,'' Pantu Yawe, Lesa wakwa Israeli, alisosele.