¹ Kalonda ku mpanga yakupupuka kwa mapindo, iya konka umulonga wa kushi; ² Uwa tumine abalashi muli bemba, mu ma bwato ya matete pa menshi. Kabuye, wentumi ibutukisha, ku mushobo wali no watelela, ku bantu bali ukutali na pepi, umushobo wakukosa kabili uucimfya, uwo imilonga ya patulanya. ³ Bonse mwebaikala pe sonde na mwebo mwebekala pa calo, nge cilangililo ca sumbulwa pamulu pa mpili, lolesheni; kabili ulo ipenga likalila, ku tikeni. ⁴ Imfi efyo Yawe walandile kuli nebo ai, ''nka fwailisha mumutalalila ukufuma umo naikala, kubati kusanika kwa kukaba munshita yakasuba, kubati likumbi lyaku fube fube mu cikabilila ca busomboshi. ⁵ Ulo takulaba kusombola ulo ubuluba bwa kuntika, no buluba bwa twala ifitwalo, akatema imisambo kufya kutungwilako ifilobo, kabili akatema nokutwala kumbi imisambo iponene. ⁶ Bakabasha bonse ku fyoni fya mumpilo naku nama shamu calo. Ifyoni mu lusuba fikalabalya, ne nama shonse isha mu calo mu mupepo shikalabalya.'' ⁷ Pali ilya nshita imitulo ikalaletwa kuli Yawe kateka ukufuma ku bantu abatali elo naba kulelela, ukufuma ku bantu abo bali ukutali namu pepi, umushobo uwakosa no wakucimfya, abo impanga ya pakanya, ku ncende ye shina lyakwa Yawe kateka, ku lupili lwa Sioni.