¹ Tumeni abana ba mpanga kuli bakateka ba calo ukufuma Musela mu matololo, ukuya ku lupili lwa mwana mwanakashi wakwa Sioni. ² Nge fyuni ifikopupuka, nge cisansala ico bapasaula, efyo bana mayo bakwa Moabu bali pa cabu ca mumana wa Anoni. ³ "Pandeni amano, pinguleni umulinganya; pangeni akantelelwe ukuba ati bushiku mukati ka kasuba; fiseni abafulumuka; mwibepa abafulumuka. ⁴ Balekeni bekale mukati kenu, imbutushi shaku Moabu; beni icifulo cakufisamamo ukufuma ku Moni." Pantu umucushisha walaleka, no bonaushi bukopwa, abo abanyantaula balaluba ukufuma mu calo. ⁵ Icipuna ca bufumu cikanshimpwa ku cikuku; elo umo ukufuma mwitenti lyakwa Davidi akekalapo mu cine. Akapingula pakufwayo mulinganya nokuyo ukucita ubulungami. ⁶ Twalyumfwile cilumba cakwa Moabu, icilumba icikulu , amataki yakwe, ifyebo fyakwe. ⁷ Eco Moabu alila imisowa bonse balila imisowa! Losheni mwebo mweba onawilwa, pa fimantantwa fya mikate yaku Kiri haresete. ⁸ Amabala yaku Heshiboni yalibonsele kumofe ne myanganshi yaku Sibuma. Bakateka ba nko balinyantawile imyangashi yabune iya fikile ku Yaseri no kwandalala mu ciswebebe . Imisambo yaiko yalyandalele ukupilinkanya; yaile ukufika kuli bemba. ⁹ Cinefye nkalila ngefilila Yesari pa myangashi yakwa Sibuma. Nkamitapilisha ne filamba fyandi. Heshiboni na Eleale pantu pa mabala ya fisabo fyenu no bulobololo 0ndilekele utumpundu twakwanga. ¹⁰ Ukusekelela no kwanga filisendelwe ukufuma ku fisabo fya ku miti yakufunda; kabili tamuli kwimba, nangu utumpundu mu mabala ya myangashi . Takuli no umo uwakukama umwanganshi mufikamino pantu ndibikile impela ku kupunda kwa ukoma. ¹¹ Enco umutima wandi walilila ukubati ninsango pali Moabu, na munda yandi pali Kiri Harasete. ¹² Uluntu Moabu anaka pa cifulo capamulu icakupepelapo no kwingila mwi tempele lyakwe mu kupepa, amapepa yakwe tayakacite na kamo. ¹³ Imfi efyebo ifyo Yawe waebele pali Moabu pakubali. ¹⁴ Nakabili Yawe waeba ati , ' mu myaka itatu, ubucindami bwakwa Moabu tabwakabepo; nangu abantu bakwe bafula, abakashalapo bakabafe abanono no kusulwa.