1 Pali mbulya bushiku ukemba auti, ''Ndemutotela ba Yawe. Pantu nelo mwankalipile, ubukali bwenu nabubwela, kabili munsansamusha. 2 Mona, Lesa e pusukilo lyandi; Ndecetekela kabili nshakatine, pantu Yahweh e bukose bwandi no lwimbo. Alisanguka ipusukilo lyandi.'' 3 Mukusekelela mukatapa amensi mufishima fye pusukilo. 4 Pali mbulya bushiku ukemba auti, ''Toteleni Yawe no kukuta peshina lyakwe; lengeni ificitwa fyakwe pakati ka bantu, bashinshimune ukuti ishina lyakwe liyo ukusumbulwe. 5 Mwimbileni Yawe, pantu walicita ifintu fyakupulama; lekeni inci cishibikwe pesonde ponse. 6 Pundeni no kubilikisha kwansansa, mwebekashi bamu Sioni, pantu umukalamba mukati kenu wamushilo eka uwakwa Israeli.''