¹ Nomba kwali ubulwi bwa kutwalilila pakati ka nganda yakwa Saulo elo ne nganda yakwa David. David alekukoselakofye, nomba inganda yakwa Saulo yalacepelakofye amaka. ² Abana baume balifyelwa kuli David mu Hebuloni. Ibeli lyakwe ali ni Amunoni, muli nyina Ainoamu umwina Yesireli. ³ Umwana mwaume wakwe uwabubili, Kileabu, afyelwe muli Abigaili, mukamfwilwa wakwa Nabali umwina kameli. Uwabutatu, Abusalomu, ali mwana mwaume wakwa Maka, umwana mwanakashi wakwa Talimai, imfumu yaku Geshuri. ⁴ Mwana David uwalenga bune, Adoniya, uwali mwana mwaume uwafyelwe muli Hagiti. Uwalenga busano umwana mwaume ali ni Shefatiya muli nyina Abitali, ⁵ elo uwalenga mutanda, Itilemu, ali mwana mwaume uwa mumukashi wakwa David Egila. Aba abana ebafwelwe kuli David mu Hebuloni. ⁶ Calishile ku citika lintu kwali ubulwi pa kati ka nganda yakwa Saulo elo ne nganda yakwa David icakuti Abune aishilekuicita uwa maka mu nganda yakwa Saulo. ⁷ Saulo alikwete umukashi ashaupile mu bwinga uweshina lya Risipa, umwana mwanakashi wakwa Aia. Ishibosheti alilandile kuli Abune ati, ''Cindo wilekusendamina no mukashi untu tata ashaupile mubwinga?'' ⁸ Elutu Abune afulilwe pa mashiwi yakwa Ashibosheti no kulanda ati, ''Bushe ninebo umutwe wambwa uwaba mu bena Yuda? mubwalelo nebo ndelanga bu cishinka ku nganda yakwa Saulo, wiso, kuli ba ndume shakwe, elo na kubanankwe, ukupitila mukufilwa ukupela webo ku kuboko kwakwa David. Nomba webo ulembepesha nebo umulandpalwa uyu mwanakashi? ⁹ Lesa nacite ico kuli nebo, Abune, elofye icikulu nakambi, nganshacitile David ngefyo Yahweh alapile kuli ye, ¹⁰ ukusesha ubufumu ukufuma mu nganda yakwa Saulo elo ukupampamika icipuna ca bufumu bwakwa David pali Israeli na pali Yuda, ukufuma ku Dani naku Beresheba.'' ¹¹ Ishibosheti taishile kwasuka Abune ishiwi nalimbi, pantu alekumutina. ¹² Eluntu Abune atumine inkombe kuli David ukumulandilako ati, ''Bushe calo cakwa nani ici? panga icipangano kulinebo, elo ukumona ati ukuboko kwandi kuli nobe, ukupela yonse Israeli kuli webo.'' ¹³ David aishilekwasuka ati, ''Wacita bwino, nebo nalapanga icipangano kuli webo. Nomba cimo ico ndekabila kuli webo teti umone icinso candi kanofye wabalilapo ukuleta Mikali, umwana mwanakashi wakwa Saulo, uluntu ukesa mukumbona.'' ¹⁴ Eluntu David atumine inkombe kuli Ishibosheti, umwana mwaume wakwa Saulo, ukulanda ati, ''Mpela umukashi wanda Mikali, uyo nalapilepo umutengo wa nkanda umwanda umo ishakuntanshi yakubwaume kwa bena Filishiti.'' ¹⁵ elo Ishibosheti atumine abaile kuli Mikali elo no kuya mupokolola ku mulume wakwe, Paliteli umwana mwaume wakwa Laishi. ¹⁶ Umulume wakwe aile pamo naye, alelosha ilyo alekuya, elo alimukonkele naku Bahurimu. Eluntu Abune alandile kuli ye ati, ''Bwekelamo ku nganda ililine.'' Eico alibwekelemo. ¹⁷ Abune alilandile na bakalamba bamu Israeli ati, ''Inshita shakale mwaleyesha ukukwata David ukuba imfumu pali mwebo. ¹⁸ Nomba ciciteni pantu Yahweh alilandile palwa kwa David ati, 'Ukupitila kukuboko kwa musha wandi David nkapokolola abantu bandi abakwa Israeli ku kuboko kwa bafelishiti elo no kufuma ku kuboko kwa balwani babo bonse.'' ¹⁹ Abune nakabili alilandila palwakwe na pabantu babena Benjamin. Eluntu Abune aile nakabili no kulanda na David ku Hebuloni ukulondolola fyonse fintu Israeli elo ne nganda yakwa Benjamin yalekabila ukufikilisha. ²⁰ Uluntu Abune elo na baume bakwe amakumi yabili bafikile mu Hebuloni mu kumona David, David acitile umutebeto kuli bo. ²¹ Abune alilondolwele kuli David, ''Nebo nkema no kukolonganikayonse Israeli kuli webo, shikulu mwe mfumu yandi, pakuti bakapange icipangano na mwebo, pakuti mwingateka pali fyonse ifyo mukabila.'' Eico David alibwekeshemo Abune, elo na Abune abwekelemo umutende. ²² Eluntu abashilika bakwa David elo na Yoabu babwelele ukufuma ku kutapa elo baletele ifyakutapa ifingi. Lelo Abune taali na David mu Hebuloni. David alimubwekeshemo, na Abune aile mu mutende. ²³ Eluntu Yoabu elo nabashilika bonse abaali pamo nankwe bafikile, balyebele Yoabu, ''Abune umwana mwaume wakwa Neri acisa ku mfumu, elo imfimu naimuleka aya, elo Abune ele uwa mutende.'' ²⁴ Eluntu Yoabu aile ku mfumu nokulanda ati, ''Cindo ucitile? Bona, Abune acisa kuli webo! Ninshi umubwekeseshemo, elo bushe naya? ²⁵ Bushe tawacishiba ati Abune umwana mwaume wakwa Nere acisafye mukukubepaika elo nokwishiba amapange yobe no kusambilila conse ico ulecita?'' ²⁶ Uluntu Abune ashile David, alimutumine inkombe panuma yakwa Abune, elo balimubweseshe ukufuma pa cishima ca Sira, nomba David taishibe pali ici. ²⁷ Uluntu Abune aishilekubwelela ku Hebuloni, Yoabu alimusendele lubali pakati kampongolo mu kulanda nankwe mu mutalalila. Kulya eko Yoabu amulashile mulufumo no kumwipaya. Muli uyu musango, Yoabu alandwilile umulopa wakwa Asaeli ndume yakwe. ²⁸ Ulintu David aishilekumfwa pali ico alandile ati, ''Nebo elo no bufumu bwandi tuli abakaele kuli Yahweh umuyayaya ku mulandu wa mulopa wakwa Abune umwana mwaume wakwa Neri. ²⁹ Umulopa wakwe nauponena pamutwe wakwa Yoabu elo napa nganda yonse iyakwa wishi! Lekeni inganda yakwa Yoabu ibulwa uwacilonda nangu uwabulwele bwa pankanda nangu uwalemana elo uwakwendele ku nkonto nangu uwakwipaiwa kulupanga nangu uwakukwata ifyakulya finenene.'' ³⁰ Kanshi Yoabu na Abishai munina Wakwe baipeye Abune, pantu alipeye munina wabo Asaeli pa Gibeon mubulwi. ³¹ David alilandile kuli Yoabu elo na kubantu bonse abaali pamo naye ati, ''Lepauleni ifyakufwala fyenu, fwaleni amasaaka, no kulosha kuntanshi yakwa Abune.'' Nomba imfumu David yaleenda panuma ya citumbi mu nshita ya kushika. ³² Balishikile Abune mu Hebuloni. Imfumu yaliloseshe nokulila ukupongomoka pa nshishi yakwa Abune, elo nabantu bonse baliloseshe. ³³ Imfumu yalimbile ishamalilo pali Abune elo nokwimba ati, ''Bushe Abune kuti afwa ngefifwa icipuba? ³⁴ Amaboko yobe tayakakilwe. Amakasa yobe tayali mu minyololo. Ngefyo umwaume uwa kuntanshi ya bana baume ababula umulinganya, efyo nawebo uwile.'' Nakabilifye abantu bonse baliloseshe pali ye. ³⁵ Abantu bonse balishile ku kulenga David alye ilyo kacili kasuba, nomba David alilapile ati, ''Lesa engacita cimo cine kuli nebo, elo necacilapo, ngacakuti nalyapo umukate nangu icili conse ilyo akasuba takalawa.'' ³⁶ Abantu bonse balimwene ukukalipwa kwakwa David, elo calibasekeshe, pantu consefye ico imfumu yacitile calibasekeshe. ³⁷ Eico bonsefye abantu elo na Israeli yonse yalishininkishe bulya bushiku ati tacali kufwaya kwa mfumu ukwipaiwa kwakwa Abune umwana mwaume wakwa Neri. ³⁸ Imfumu yalilandile ku babomfi baiko, ''Bushe namwishiba ati umwana mwaume wa mfumu kabili umwaume mwine mwine nawa buno bushiku mu Israeli? ³⁹ Nomba ndi uwanaka lelo, nangu nebo naba imfumu iyasubwa. Aba baume, abana baume bakwa Seruiya, bantu bashupa kuli nebo. Leka Yahweh alandwile kacita wabubifi ku kumulimuna pa bubifi bwakwe, ngefyo alingilwe.''