¹ Panuma yamfwa yakwa Shauli, David aishile kubwelela mukupuma abena Amaleke elo nokushala mu Siklagi panshiku shibili. ² Pabushiku bwakulenga shitatu, umuntu aishile kufuma ku nkambi yakwa Shauli nefyakufwala fyakwe filiepawike elo nefiko ku mutwe wakwe. Uluntu aishile kuli David aishile kupona panshi nokukontamina panshi. ³ David aishile kulanda kuli ye ati, ''Nikwisa ufumine? Aishile kwasuka ati, ''Mfyukile munkambi yakwa Israeli.'' ⁴ David aishile kulanda kuli ye ati, ''Napapata njebako ifyo ifintu fyaendele.'' Aishile kwasuka ati, ''Abantu balibutukile ukufuma ku bulwi.'' Abengi baliponene elo na bengi balifwile. Shauli elo na Yonatani umwana wakwe umwaume balifwile.'' ⁵ David aishile kulanda ku mulumendo ati, ''Wishibile shani ukuti Shauli elo na Yonatani umwana wakwe umwaume balifwile. ⁶ Umulumendo aishile kwasuka ati, ''Kuceshuko nacisangwa palupili lwa Gilboa, elo palya Shauli alishintilile pe fumo lyakwe, elo abamaceleta elo na benda pali bakabalwe balimupepi nokumusanga. ⁷ Shauli aishile kupilibukila kuli nebo nokumbona elo nokukuta kuli nebo. Naishile kwasuka ati, 'Ndi pano.' ⁸ Aishile kulanda kuli nebo ati, 'Niwebo nani?' Naishile kumwasuka ati, 'Ndi mwina Amaleke.' ⁹ Ashile kulanda kuli nebo ati, 'Napapata talama pali nebo elo nokunjipaya, pantu ubucushi ubukulu bulinjikete nebo, lelo ubumi bucili muli nebo.' ¹⁰ Eico naishile kutalama pali ye elo nokumwipaya, pamulandu wakweba ati nalishibile ukuti tekuti ekale panuma aliponene. Eluntu naishile kubula icisote icali ku mutwe wakwe elo ne cikosa icali kukuboko kwakwe, elo nokufileta kuno kuli mwebo, shikulu wandi.'' ¹¹ Eluntu David aishile kuleula insalu shakwe, elo bonse abantu abali naye baishile kucita fimo fine. ¹² Baliloseshe, balilile, elo nokufunga mpaka ubushiku pali Shauli, pali Yonatani umwana mwaume wake, pa bantu bakwa Yahweh, elo pang'anda yakwa Israeli pantu baliponene pefumo. ¹³ David aishile kulanda ku mulumendo ati, ''Nikwisa wafuma?'' Aishile kwasuka ati, ''Ndi mwina fyalo mu mpanga, umwina Amaleke.'' ¹⁴ David aishile kulanda kuli ye ati, ''Cindo tawakwatile umwenso ukwipaya imfumu iyasubwa iyakwa Yaahweh kukuboko kobe?'' ¹⁵ David aishile kwita umo pabalumendo elo nokwisa kulanda ati, ''Kabuye kamwipaye.'' Eico ulya muntu alile nokuya kumuma panshi,elo no mwina Amaleke alifwile. ¹⁶ Eluntu David aishile kulanda ku mwina Amaleke uwafwileati, ''Umulopa obe uli pa mutwe obe pamulandu wakweba ati akanwa kobe kalipele ubunte pali webo elo nokulanda ati, 'Ndipeye imfumu ya mfumu iyakwa Yahweh.''' ¹⁷ Eluntu David aishile kwimba ulwimbo lwa cililo pali Shauli elo na Yonatani umwana mwaume wakwe. ¹⁸ Aishile kukukonkomesha abantu ukusambilila ulu lwimbo kubana baume bwakwa Yuda, ulwalembelwe mwi buku lyakwa Yasha. ¹⁹ Ubukata bobe, Israeli, bulifwile, bwipaiwilwe pa ncende shenu isha pamulu! Ifyo ubukata bwa pona! ²⁰ Tacili cakwesha ukucilanda mu Gati, mwikacishimika mu misebo ya Ashikeloni, pakweba ati abana banakashi baba Pelishiti besekelela, pakweba ati abana banakashi baba shasembululwa bekasefya. ²¹ Impili ha Gilboa, lekeni kwiba umume nangu imfula pali mwebo, nangu filime ifyaku mipela ing'ano shatula ifyabupe, pantu apo icakucinga icamaka calyonaulwa. Inkwela yakwa Shauli tayali iyakusubwa amafuta nakabili. ²² Ukufuma ku mulopa wa abo bonse abo baipeye, kufitumbi ifyamaka,ubuta bwakwa Yonatani tabwaishile kubwela, elo ulupanga lwakwa Shauli talwaishile ukwakubula akantu. ²³ Shauli elo na Yonatani bali temwikilwe elo bali aba bune mu myeo yabo, elo na mumfwa yabo tababapatulwile. Baliabakuyangusha ukucila ba cembe, abali abakukosa ukucila inkalamo. ²⁴ Mwe bana banakashi bakwa Israeli, lileni Shauli, uwalikumifwika ishakukashika elo ne fisamu, elo uwalikubika ifisamu fya golide pafya kufwala fyenu. ²⁵ Ifyo amaka yapona pakati kabulwi! Yonatani bali mwipeye pamulu wa ncende shenu. ²⁶ Ndi nobulanda pali webo Yonatani wesu. Wali bwino kuli nebo. Icitemwiko kuli nebo cali icabune, ukucila pacitemwiko ca banakashi. ²⁷ Ifyo amaka yapona,elo ne fyanso fya bulwi fyaloba.