¹ Nga cakweba ati kuli ukukoseleshiwa ukuli konse muli kristu, nga cakweba ati kuli uku sansamushiwa ico icipelwa ne citemwiko, nga cakweba ati kuli ubwampano mu Mupashi, nga cakweba ati kuli uluse elo ne nkumbu, ² eluntu kanshi nji ushenimo ne nsansa nokuba ne tontonkanyo limo line, nokuba ne citemwiko cimo kwine, ukwampana mu Mupashi, noku kwata ubuyo bumo. ³ Mwi cita icili conse ukuilanga ukubati mulipo abenenene pa banenu nangu akatutumushi. Lelo mu kuicefya mule kutatakula abanenu uku cila mwe bene. bambi ingabatucilile fwebo. ⁴ Lekeni cila umo pali bwebo ela kulolesha palwa fya ku kabila kwakwe fye, lelo naye ale kulolesha palwa fya ku kabila kwa banankwe. ⁵ Mule kukwata ici mu matontonkanyo yenu ico icali na muli Kristu Yesu , ⁶ uyo, nangu naye ali ni Lesa tai bwene uku lingana na Lesa ukuba ati cintu cimo ica ku ilinganishisha naye. ⁷ Lelo , ali icefeshe umwine eka ukubula icipasho ca mubomfi, elo no kwisa ku fyalya ukuba ati umuntu, ⁸ ali icefeshe umwine eka elo no kuba uwa cumfwila uku shinta fye na kumfwa, nayo imfwa iyapa musalaba!. ⁹ Eico kanshi, naye Lesa ali mwimishe ukucila na mu cipimo elo amupele ne shina ilya kucila pa mashina yonse. ¹⁰ eico acitilefi pa kweba ati pe shina lyakwa Yesu ikufi lyonse likafukame, mu mulu elo na pano calo elo na panshi ya calo. ¹¹ elo ne limi lyonse likande ukweba ati Yesu Kristu ni Shikulu, ku bukata bwa kwa Lesa Tata. ¹² Eico kanshi , mwe batemwikwa, ukubati ni filya fine mubela lyonse, tali fye mukubapo kwandi, lelo n na kucilishaponga ntalipo, kobombeleni ipusukilo lyenu mwebene no mwenso noku kanka. ¹³ Pantu ni Lesa uuko bomba muli mwebo bonse mukufwaya no kubomba mukutemwa kwakwe. ^{14 16} Mulekucita ifintu fyonse ukwakubula uku ilishanya nangu ukutaliika ¹⁵ e pakweba ati mube aba kubula icilubo elo aba kupwililika, abana bakwa Lesa abakubula akabi akali konse pakati ka aba bantu ababipa, umo uom bwebo mwaka ukubati lubuto mu mwi sonde. Twalilileni ukulekucetekela mwi shiwi ilya mweo pa kweba ati pa bushiku ubwakwa Kristu nebo nkalekuyumfwa ukweba ati nebo nta butukile ulubilo apa fye nangu ukubombela apa fye. ¹⁷ Lelo nangu ninga pelwa ukuba ati ca bupe pelambo elo no mulimo wacicetekelo cemu ndi temenwe elo no kwanga nenu bonse. ¹⁸ Mu musango umo wine namwe bene mufwile mwatemwa no kwanga pamo nandi. ¹⁹ Lelo nkosubila muli Shikulu Yesu ukutuma Timoti kuli mweo nomba line, pakweba ati nandibo nkoseleshiwe uluntu naishiba ifintu pali mwebo. ²⁰ Pantu nshakwatapo nangu umo ukubati niye, uyo uwasakamana pali mwebo. ²¹ Pantu nabo bonse bakofwaya ifyabo abene lelo tali fintu fya kwa Yesu Kristu. ²² Lelo muli shibile ukuba kwakwe, pantu ukuba ati ni filya umwana amwaume pamo na wishi, eico ali bombele nandi mu mbila iya bune. ²³ Eico nkosubila uku mutuma kangu nga cakweba ati nabona ifintu ifyo fikenda nandibo. ²⁴ Lelo ndi cetekele muli Shikulu ukweba ati nebo nenandibo nkoisa kangu. ²⁵ Lelo nko tontonkanya ukweba ati cililingile ukutuma Epapolotitusi ukubwelela kuli mwebo. Ni munyina wandi elo no mubomfi munandi elo no mushilika munandi, elo ne nkombe yenu elo no mubomfi wa fintu ifyo nko bulisha. ²⁶ Pantu ali sakamene, elo ali kufwaisha ukuba nenu bonse, pa mulandu mwali kutikile ukweba ati ali uwakulwala. lilwele. ²⁷ Pantu mu mu cine fyeali lwalishe nicikanga fye afwe no kufwa. Lelo Lesa ali mukwatile uluse, elo tali ye fye eka , lelo na pali nebo, pa kweba ati niba no bulanda pa bulanda. ²⁸ Eico boneni bako kabilisha ukweba ati nko mutuma pa kweba ati uluntu muka mubona na kabili muka sansamuke, elo nandibo nka kwate ubulanda panono. ²⁹ Eico kanshi mupokeleleni muli Shikulu ne nsansa shonse. Mule kucindika abantu abakuba nga ye. ³⁰ Pantu nipa mulimo wakwa Kristu eu lengele afikile mupepi nemfwa. Alibikile ubumi bwakwe mu kayofi pa kweba ati apwilishe ukubombela filya ifyo tamwacitile ulo mwali kumombela.