¹ Ici ecebo cakwa Yaweh ico abilile kuli Yeremia kasesema palwa nko. ² Pali Egupto: ''Ici nipalwa fita fyakwa Farao Neko, imfumu yamu Egupto ifyo fyali Karikemishi mumbali yamumana wa Yufrate. Ifi ifita ifyo Nebukadinesari imfumu yaku Babiloni yacimfishe mu mwaka wakulenga ine wakwa Yehoyakimu umwana mwaume wakwa Yoshiya. Imfumu yabena Yuda: ³ Pekanyeni inkwela inono nenkwela iikulu no kuya kuntashi kubulwi. ⁴ Kakeni bakabalwe inshinga; nineni pali bakabalwe nokufwala fyakucingilila umutwe: nooneni amafumo nokufwala ifyakucingilila icifuba. ⁵ Findo nebo nkomona pano? Bena baliswilemo umwenso elo bakobutukula ukutali, pantu abashilika wabo balicimfiwe. Bakobutuka pakuti bapusuke elo tabalelolesha nakunuma, umwenso ushingulukilefye konse ifi efyalanda Yaweh. ⁶ Abalubilo tekuti babutuke, nabashilikale tekuti baipusushe. Bena baipununa mukapinda kakukusonokuwila mumbali yamumana wa Yufrate. ⁷ Ninani uyu uwiminine kubati mumana wa Naelo, uo amenshi yakwe yema no kupona kubati mimana? ⁸ Egupto ema kubati mumana wa naile, kubati mu mimana ayema nokupona. Egupto ebati. 'Nebo nkema pamulu elo nebo nkafimba icalo . Nebo nkonaula imisumba na bekashi baiko. ⁹ Imeni kabiyeni, bakabalwe. Mu fulwe mwe maceleta. Lekeni abashilika bafume, Kushi naPuti, abaume bakucenjela nenkwela, na bena Ludimu, abaume bakucenjela pakupeteka amata yabo,' ¹⁰ Bulya bushiku bukaba bushiku bwa cakwa shikulu Yaweh wamabumba, elo akailandwila umwine pabalwani bakwe. Ulupanga lukalya nokwikuta. Lukanwa ukwikuta umulopa wabo. Pantu kukaba ilambo kuli shikulu Yaweh wamabumba mucalo caku kapinda ka kukuso apepi nomumana wa Yufrate. ¹¹ Nina kabiye ku Gileadi no kupokako umuti, we mukashana nacisungu wakwa Egupto. ukaicushafye ukuti webo ukofushe imiti wemwine. Takuli muti wingakuposha webo. ¹² Inko shilyumfwile ukusebana kobe. Icalo ciliswilemo no ubulanda bobe, pantu abashilikale bali upunwine kuba shilika;e banabo; bonse pamo bawa. ¹³ Ici ecebo ico Yaweh waebele Yeremia kasesema uluntu Nwbukadinesari imfumu yaku Babiloni yaishile noku sansa icalo ca Egupto: ¹⁴ Bilisheni mu Egupto, noku cisabankanya mu Migidole, Nofu, namu Tofu ukwebati. ''Talameni nokuipangasha mebene pantu ulupanga lukakomaula abo abaishinguluka.' ¹⁵ Nindo abantu benu ababulamba bainamina panshi? Tabakatalame bena, pantu Nebo, ne Yaweh, ndibasunkile kwi loba. ¹⁶ Alundako ne mpendwa yaabo abaipuna. Umushilika umo awila paukonkelepo. Bena bako ebati, 'Ima. Natuleya kwesu. Natubwelele ku bantu besu, ku calo cacifyalulwa cesu. Natubutuke ulupangolu ulukutukomaula,' ¹⁷ Baalisabankenwe kulya ukwebati, 'Farao imfumu yaku Egupto ewacongofye, uyo uulekele ishuko lyakwe ukupita,' ¹⁸ Ilyo ndipo efyalande imfumu, uo ishina lyakwe ni Yaweh wa mabumba umoakesa kubati lupili lwa Tebari no lupili lwa Karmere mu mbali ya bemba. ¹⁹ Ilongeleni mwebene ifipe fyakusenda muli bunkole, mwebo mwebekashi bamu Egupto. Pantu Nofu akasanguka ica kutulumusha, akashala mubooni nowa kwikalamo takwakabe. ²⁰ Egupto mwana ng'ombe uwabune sana, nomba mun'gwin'gwi akoisa ukufuma ku kakapinda kakukuso. Akoisa. ²¹ Abashilikale ababombele amalipilo mukati kakwe bali kubati twana twa n'gombeutwakwina, nomba nabo bakafutata no kubutuka. Bena tabakatalame pamo, pantu ubushiku bwakonaulwa kwabo buleisa pali bo, inshita yaku kandwa kwabo. ²² Egupto alila kubati ni nsoka no kuya akoikunya, pantu abalwani bakwe bakomwishila. Bena bakoya kuli e kubati nibakatema wankuni namasembe. ²³ Bakatema ifimuti ekulanda kwakwa Yaweh nagufye mwasapa shani. Pantu abalwani bakaba abengi ukucila makanta, imintapendwa. ²⁴ Umwana mwanakashi wamu Egupto akalengwa insoni. Akapelwa mu minwe yabantu bakafuma kukapinda kakukuso. '' ²⁵ Ýaweh wamabumba, Lesa wakwa Israeli, aebati, ''Mona , Nebo ndipakukanda Amone waku Tebesi na, Farao, Egupto natulesa twakwe, inshamfumu shakwe Farao, nabobonse abatetekelamo. ²⁶ Nebo nkobapela mu minwe ya abo abafwaya imweo yabo, na muminwe yakwa Nebukadinesari imfumu yaku Babiloni naba bomfi bakwe. Eluntu panuma yaifi Egupto akekalwamo ifyo cali munshiku shakunuma uku ekulandwa kwakwa Yaweh. ²⁷ Nomba webo, we mubomfi wandi Yakobo, Witina. Wiesha kututuma, Israeli, pantu mona. Nebo ndi pakukubwesha ukufuma ukutali, nabana bobe ukufuma mu calo cabunkole bwabo. Eluntu Yakobo akabwela, akasanga umutende, nokuba umutelelwe, elo takwakabe nangu umo uwakumututumya. ²⁸ Webo, we mubomfi wandi Yakobo, witina uku ekulanda kwakwa Yaweh pantu nebo ndi nobe, eco nebo nkalofya umupwilapo inko shonse nebo nakusalanganishisha. Nomba nebo nshakakulofye webo umupwilapo,. Lelo webo nkakukalipilafye mukulinga elo icine cinefye nshakakuleke ukwabula ukukandwa.''