¹ Eluntu icebo cakwa Yahweh caishile kwisa kuli nebo, aciti, ² ''Wiibulila umukashi webo we mwine, elo wikwata abana baume nangu bana banakashi muli ino ncende. ³ Pantu Yahweh akolanda ifi ku bana baume na bana banakashi abo abafyalilwa muli ino ncende kuli banyinabo abo ababafyele, na kuli bawishibo abo ababafyele ukuti bafyalilwe muli ici calo, ⁴ bali no kufwa kumalwele ayabubi. Tababaloshe nangu kubashika. Bakaba kwati mufundo pa mulu wa mushili. Pantu ulupanga lukesa kubapwisha elo ne cipowe, elo ne mibili shabo shikesa kuba ifilyo ku fyoni fya mulwelele na ku nama sha mu mapnga.' ⁵ Pantu icebo cakwa Yahweh caishile kwisa kuli nebo, aciti, ;;Wilakwingila mu ng'anda umo bakolosha. Wilakuya mukulila nangu ukubomfwa ubulanda pali bo, pantu nebo ndifumishepo umutende wandi pali aba bantu-uku ekulanda kwakwa Yahweh-elo no kutekanya kwa kutemwa no luse ndifumishepo. ⁶ Bonse abakulu na banono mul ci calo. Tabakashikwe, elo nangu umo takabaloshe nangu kuitelaula abene beka nangu kuibeya abene mu mitwe yabo ulukusu. ⁷ Takwakabe nangu umo uukakana nabo icilyo icili conse mukulosha mukubatalalika pa mulandu wa mfwa ishingi, elo nangu umo takabapele kapu wa kutalalika kuli wishi nangu ni kuli nyina mukulanga ukubatalalika. ⁸ Webo wikaya kwingila mu ng'anda umuli umutebeto ku kwikala pamo nabo mukulya nangu ukunwa nabo.' ⁹ Pantu Yahweh wamilalo, Lesa wa bana bakwa Israeli, alanda ifi, 'Bona, kuntanshi ya menso yobe, ni munshiku shobe elo ni muli ino ncende, nebo ndi no kupwisha iciunda cakusekelela elo ne ciunda cansansa, iciunda cakwa na bwinga elo ne ciunda cakwa shibwinga.' ¹⁰ Eluntu cikesa ku citika webo uli no kwisa kufisha amashiwi kuli aba bantu, elo bakalanda kuli webo ati, 'Nindo Yahweh waletela amasanso yonse aya ayakula pali fwebo? Findo ifibi elo ne sambi ilyo twabifya kuli Yahweh Lesa wesu?' ¹¹ Eico landa kuli bo ati, 'Pantu ifikolwe fyenu fyalinkana nebo0uku ekulanda kwakwa Yahweh-elo baile mukufwaya tu lesa tumbi elo no kutushinshimuna no kutufukamina. Bena balinkene nebo elo tabasungile amafunde yandi. ¹² Lelo mwebo mwebene mweka mwalileta ifibi ifingi ukucila ifya fikolwe fyenu, pantu boneni, cila muntu akoendela mukutalama kwa kubipa kwa mitima wa kwe; takwaba nangu umo uumfwa kuli nebo. ¹³ Eico nebo nkamitamfya mwebo ukufuma muli cino calo ukuya ku calo ukuntu mwebo mutaishiba, nangula mwebo nangu ifikolwe fyenu, elo mwebo mukashinshimuna tu lesa tumbi kulya akasuba no bushiku, pantu nebo ntakamipele uluse ululi lonse mwebo.' ¹⁴ Eico, boneni, inshiku shikoisa-uku ekulanda kwakwa Yahweh-uluntu tacakabwekeshepo ukulandwa ati, 'Nga fintu Yahweh aba no mweo, umofye uwaletele abantu bakwa Israeli ukubafumya calo ca Egypto.' ¹⁵ lelo, 'Nga fintu Yahweh aba no mweo, uyo umofye uwaletele abantu bakwa Israeli ukubafumya ku calo ca ku kapinda ka kukuso elo ukufuma ku calo uko abatamfishe.' Pantu nebo nkababwesesha ku calo ico nebo napele ku fikolwe fyabo. ¹⁶ Boneni! Nebo nkatuma abalondo besabi abengi-uku ekulanda kwakwa Yahweh-eico bakekata abantu, panuma yaifi nebo nkatuma abalunshi eico bakalunga abantu palibo mu mpili shonse elo no tupili, na mu dimabwe mufimendo. ¹⁷ Pantu amenso yandi yali pa mibele yabo yonse; tabakabelame ukufuma kuli nebo. Amampulu yabo tekuti yalekelelwe ukufuma ku menso yandi. ¹⁸ Nebo ica kutampilapo nkababwekeseshapo ukubapela mukufusha ica pa mampulu elo ne sambi pa kukowesha icalo candi pamo nefya kupashanya fya tu lubi twabo, utwakufwa, elo na pakwisusha umwakupyaninina mwandi ifya tu lubi twakupashanya kwabo.'' ¹⁹ Yahweh, ni mwebo icubo candi icakosa elo umwakushimina, incende yandi umwakupusukila mu kasuba ka macushi. Inko shikaya kuli webo ukufuma kumpela sha calo elo shikalanda ati, ''Cinefye ifikolwe fyesu fyalipyene ifya bufi. Tashakwete kantu; tamwali kusandulula muli bo. ²⁰ Bushe abantu bapanga tu lesa twabo abene beka? Lelo tatwaba ni tu lesa.'' ²¹ Eico bona! Nebo nkabalenga bakeshibe muli iyi nshita, nkabalenga beshibe ukuboko kwandi elo na maka yandi, elo bekeshiba kuti Yahweh eshina lyandi.