¹ Aya emashiwi yakwa Yeremia umwana mwaume wakwa Hilkia, ni shimapepo umo uwapa Anatote mu calo ca bena Benjamini. ² Icebo cakwa Yahweh caishile kwisa kuli ye mu nshiku sha butekeshi bwakwa Yosia umwana mwaume wakwa Amoni, imfumu yaba Yuda, mu mwaka wakulenga ikumi limo na yitatu mu butekeshi bwakwe. ³ Kabili caishile kwisa mu nshiku shakwa Yehoyakimu umwana mwaume wakwa Yosia, imfumu yaba Yuda, mpaka fye mu mwenshi wa kulenga busano mu mwaka we kumi limo na umo umwana mwaume wakwa Sedekia umwina Yosia, uluntu abena Yerusalemu ba piitilwe muli bunkole. ⁴ Icebo cakwa Yahweh caishile kwisa kuli nebo, aciti, ⁵ ''Ulo nshila kubumba mwi fumo, nali kusalile; no luntu taulafyalwa ukufuma mwifumo nali kupatwileko; na kucitile kasesema wa nko shonse.'' ⁶ ''Alale, mwe Shikulu Yahweh! nayeba ati, ''Nteshibile ifyakulanda, pantu nacepesha.'' ⁷ Lelo Yahweh aishile kulanda kuli nebo ati, ''Wilanda ati, 'Ndi mwaice.' Ufwile fye ukuya konsefye uko nkokutuma, elo ufwile ukulanda conse fye ico nakunkomesha! ⁸ Wika batina, pantu ndi nobe ku kupokolola-ifi efyalanda Yahweh.'' ⁹ Eluntu Yahweh ntambalika ukuboko kwakwe, anjikata na pakanwa, noku njeba ati, ''Nomba, nabika amashiwi yandi mukanwa kobe. ¹⁰ Na ku sonta lelo pa nko shonse fye na pa shamfumu shonse, ku kutupula naku kutobaula, ku konaula na ku kutasha, ku kukula na mukulimba.'' ¹¹ Icabo cakwa Yahweh caishile kwisa kuli nebo, ati, ''Nindo wa bona, Yermia?'' Nandi ati, na bona umusambo wa alumondi.'' ¹² Yahweh aishile kunjeba ati, ''Wabona bwino, pantu nkokonka mwi shiwi lyandi mukufishapo.'' ¹³ Icebo cakwa Yahweh caishile kwisa kuli nebo pamuku wa cibili, ukweba ati, ''Nindo wabona?'' Nandi ati, ''Nabona inongo ya kubilauka, iyo isamba lyaiko iyisungeme ukufutatila ku kapinda ka kukuso.'' ¹⁴ Yahweh aishile kunjeba ati, ''Ku kpainda ka kukuso eku kapomonekela icinkukuma noku pona pa bekashi bonse aba pali ino ncende. ¹⁵ Pantu nkokuta imikowa yonse iyama bufuma ya ku kapinda ka kukuso efya landikisha Yahweh. Bakesa kwisa na onse fye akesa kubika icipuna cakwe ca bumfumu pa mwinshi wa mpongolo ya Yerusalemu, na pamalinga yonse aya shinguluka, napa misumba yonse iyaba Yuda. ¹⁶ Nkesa kupisha no bupingushi pa bubifi bwabo bonse ubwakundula, pantu mwafukilisha tu lesa tumbi, ukubikapo fye no kushinshimuna ifya kubaswa ku minwe yabo. ¹⁷ Ipekanye webo! Talama kabili bebe conse ico nkukonkomeshe. Wiba tina, nga teifyo nkakutinya pa mesno yabo! ¹⁸ Bona! Lelo bwine ni kusangula umusumba we linga, uluceshi lwa cela, kabili amalinga ya mukuba ilyakushingwana icalo conse- ku kulwa na ba shamfumu baci Yuda, ba cilolo babo, bashimapepo babo ukubikapo fye na bekala calo. ¹⁹ Bakakulwisha, nobe tabakakkucimfye, pantu nkaba nobe mukukupokolola-uku ekulandikisha kwa kwa Yahweh.''