¹ Mu mwenshi wakulenga cine lubali pa bushiku bwakulenga amakumi yabili na bumo ubwa mweshi, icebo ca ku Yawe caishile mu kuboko kwa kwa Hagai kasesema, ukweba ati, ² "Landa ku mulashi wakwa Yuda, serubabele umwna mwaume wakwa Shealitiele, nakuli shimapepo ukulu Yoshua umwana mwaume wakwa Yehosadaki, na bantu abashalapo we ati, ³ 'Bushe ninani muli mwebo uwashalapo uwa bwene ino ng'anda mu bukata bwaiko ubwakale? Bushe mukoibona shani pali nomba? Bushe taili mu menso yenu kubati tapali? ⁴ Nomba , kosa , we Serubabele! -uku ekulanda kwa ku Yawe- kabili kosa, shimapepo mukulu Yoshua umwana mwaume wakwa Yehosadaki ; kabili koseni, mwe bantu ba mucalo bonse!- Uku kulanda kwa ku Yawe-no kubomba, pantu nebo ndi namwebo!- Uku ekulanda kwa ku Yawe uwamilalo. ⁵ Ici e cipangano ico napingene na mwebo mwe uluntu mwafumine mu Egypito, no mupashi wandi watalama muli mwebo. Mwitiina! ⁶ Pantu Yawe uwa milalo waeba ifi: Mukashitafye akanono nkatensha nakabili imyulu ne sonde, bemba no mulundu. ⁷ Nkatensha uluko lonse, kabili uluko lonse lukaleta ifintu fyabo ifya bune kuli nebo, kabili nkesusha ino ng'anda no bukata , efya eba Yawe wamilalo. ⁸ Silfere na golide fyandi!- uku ekulanda wa ku Yawe u wamilalo. ⁹ Ubukata bwa ino ng'anda bukesa kuba ku ntanshi ukucila pa kubala, efya eba Yawe uwa ilalo, kabili nka peela umutende muli cino cifulo! uku ekulanda kwa ku Yawe wa milalo. ¹⁰ Pa bushiku bwa kulenga ama kumi yabili na shine, ubwa mweshiwakulenga pabula, mu mwaka wa kulenga ibili uwakwa Dariusi, icebo caku Yawe calishile muli kasesema Hagai, ukweba ati, ¹¹ Yawe uwa milalo waeba ifi: Ipusheni bashimapepo palwe funde , no kweba ti, ¹² 'Nga cakuti umuntu apiita inama iyo iituulilwe kuli Yawe mu cisempe ca nsalu yakwe, kabili icisempe cakumya umukate nangu icakwipikwa, umwangashinangu amafuta, nangu umusango onse uwa cilyo, bushe ici cilyo kuti caba ca mushilo?" Bashimapepo balyasukile no kweba ati, "Awe." ¹³ Eluntu Hagai aebele ti, "Nga nomba umuntu uwakowela pa mulandu wa mfwa akumyako kuli cimo pali ifi fintu, bushe kuti fyaba ifyakowela?" Bashimapepo balyasukile no kweba ati, "Ee, fyakowela." ¹⁴ Elo Hagai aasukile no kweba ati, "Efyo caba na ku bantu aba ne calo cino pa cinso candi!- uku ekulanda kwa kwa Yawe -kabili efyo caba nakumulimo wa mabokoyobe ifyo batuula kuli nebo fya ku kowela! ¹⁵ Eco nomba, tontonkanyeni ukutula akale ukufika kuli buno buhiku. Ulo takwali ilibwe ilyabikilwe pe libwe libiye mwi tempelelya ku Yawe, ¹⁶ bushe cali shani? uluntu mwaishile ku mwiinaa wa fipimo amakumi yabili aya ngano kwalifye ikumi kabili uluntu mwaishile ku cakukaminamo umwangashi ku kukutapulamo ifipimo amakumi yasano, mwalifye amakumi yabili. ¹⁷ Nali mucushishe no mulimo onse uwaku maboko yenu ku kukankantanika no kufufufumya, lelo mwebo tamwabwelele kuli nebo-uku ekulanda kwa ku Yawe. ¹⁸ Tontonkanyani ukufuma buno bushikuukuya kuntanshi, ukufuma pa bushiku bwakulenga amakumi yabili na shine ubwa mweshi wakulenga pabula, ukufuma ubushiku ulo umufula we tempele lyaku Yawe wabikilwe. Tontonkanyeni ici! ¹⁹ Bushe mucili imbuto mu matala? imyangashi, imiti ya mikunyu, imi pamegranati, ne miolifi tafya twala! Lelo ukufuma buno bushiku nka mipala!" ²⁰ ELuntu icebo caku Yawe caishile umuku wakulenga ibili kuli Hagai pa bushiku bwakulenga amakumi yabili na shine ubwa mweshi no kweba ati, ²¹ "Landa ku mulashi wakwa Yuda, Serubabele, no kweba ati 'Nkatensha imyulu ne sonde. Nkawisha icipuna ca bufumu no ku nonaula ubukose bwa ma bufumu ya nko! ²² Nka wisha amaceleta na bendelapo; bakabalwena bendelapo ba kawa panshi, umo umo ku lupanga lwa kwa wabo. ²³ Pali bulya bushiku- uku ekulanda kwa ku Yawe uwa milalo- nkakubuula, we Serubabele umwana mwaume wakwa Shealitiele, ngo mubomfi wandi- uku kulanda kw akwa Yawe. Nka kucita ukubati ni ninda minwe yakufwatikilako , pantu nebo ndikusalile! -uku e kulanda kwa ku Yawe uwa milalo.