¹ Paulo, umusole -tali fye musole uwa kutula ku bantu nangula uwa kutumwa ku bantu , lelo ukupitila muli Yesu Kristu na Lesa Tata, uwa mututubwishe ukufuma kuba kufwa- ² elo na bonse aba bwana nyina abo abali nandi , ku nkuta isha mu Galatia: ³ Ukusenaminwa kube kuli webo elo no mutende ukutula kuli Lesa Shifwe elo na Shikulu Yesu Kristu, ⁴ uwaipele umwine pa mulandu wa masambi yesu pakweba ati enga tulubulako ukutula kuli ino nshita iya bubi, ukulingana no kufwaya kwa kwa Lesa elo Shifwe, ⁵ kuli ye eko kube ubukata umuyayaya no muyayaya. Cilekuba ifyo fine. ⁶ Nebo ndipapile ukweba ati mwebo mukofumako ifi bwangu kuli ye uwamikutile mukusenamina kwa kwa Kristu. Nebo ndipapile ukweba ati muko alulukila kumbila iya kuibelako, ⁷ te kweba ati kwaliba imbila naimbi,lelo abantu bamo aba milufyanya elo no kufwaya ukonaula imbila ya bune iyakwa Kristu. ⁸ Lelo nangu fye ni muli fwebo nangu ni malaika ukutula ku mulu eukesa kuli mwebo no kubila imbila iya kuibelako ukcila payo twabilile kuli mwebo , mulekeni abe uwa kutipwa. ⁹ Ukubati ni filya ifyo twalandile kunuma , eico nomba nkolanda na kabili ati, ''Nga cakweba ati umo akobila kuli mwebo imbila iyo iitali ni yo mwapokelele, mulekeni abe uwaku tipwa.'' ¹⁰ Pantu bushe nebo nomba nkofwaya ububile bwa bantu nangu ubwakwa Lesa? Bushe nkofwaya ukusekesha abantu,? Nga cakweba ati na nomba nko esha ukusekesha abantu, ntali mubomfi wakwa Kristu. ¹¹ Pantu nebo nkofwaya mwebo mwishibe, mweba ba munyina, ukweba ati imbila iya bune iyo nabilile taili mbila ya muntu. ¹² Ntaipokele ukutula ku muntu uuli onse, nangula uku insambilisha. Lelo, yakusokololwa na Shikulu Yesu Kristu kuli nebo. ¹³ Mwali kutika pa lwa bwikashi bwandi ubwa kale mu bu Yuda, nefyo nali kupakasa ulukuta lwakwa Lesa muku cishamo elo nali kwesha uku conaula. ¹⁴ Nali pitilile mu bu Yuda ukucila abengi abo twali kulingana nabo imyaka, ukutula mu bantu bandi fye. Ifyo efyo nali uwa kupikintika ukucilapo pa ntambi sha ku bashifwe. ¹⁵ Lelo uluntu Lesa, uyo uwa mpatwileko ukutula mwifumo muli mayo, elo uwa nkutile ukupitila mu kusenamina kwakwe, nali temenwe ¹⁶ pa kusokolola umwana wakwe muli nebo, pakweba ati ninga mushimika mukati ka bena fyalo, tali ulo lwine fye . ¹⁷ Ntaile ku Yerusalemu kuli abo abatampilepopo ukuba abasole ulo nebo nta latampako. Lelo, naile ku Arabia eloeluntu nabwelele ku Damasiko. ¹⁸ Eluntu panuma ya myaka itatu nalile ku Yelusalemu mukwishiba Kefa elo na ikele naye inshiku ikumi limo na shisano. ¹⁹ Lelo ntabwenepo bambi aba mubasole kano fye Yakobo, wabo wakwa Shikulu Yesu . ²⁰ Mufyo nebo nalemba kuli mwebo , nko shininkisha pa cinso cakwa Lesa ukweba ati ntakobepa. ²¹ Eluntu naile ku fitungu fya ku Silia elo naku Sisilya. ²² Ntaishibikilwe nalo lwine pa cinso ku nkuta shaku Yudeya isho ishaba muli Kristu. ²³ Ba kutikile fye uko cikolandwapo ati, ''Umuntu ulya pa nshita imo uwali kutupaka eo nomba akobila ukubati ni mbila iya bune icisumino ye pa nshita imo ali kwesha ukonaula. ²⁴ Eico bali pele ubukata kuli Lesa pa mulandu wandi.