¹ Shimapepo mukulu aishile kulanda ati, ''Bushe ifi fintu fya cine?'' Stefwano aishile kulanda ati, ² ''Ba munyinane na batata, kutikeni kuli nebo: Lesa wabukata aishile kubonekela kuli tata Ablamu uluntu ali ku Mesopotamia, ulo talati ekale mu Alani; ³ aishile kulanda kuli ye ati, 'Sha icalo cobe elo no lupwa lobe, elo ulekuya na kucalo ico nka kulanga.' ⁴ Eluntu aishile kufuma mu calo ca bena Chaludeya elo nokuya kwikala mu Alani; ukutula apo panuma ya kufwa kwakwa wishi. Lesa amuletele na muli cino calo, ico mukoikalamo pali ino nshita. ⁵ Tapelepo nangu umo ukuba icikwatwa cakwe, iyo, nangu fye apakunyanta ulukasa .Lelo alaile¬ nangu line Ablamu ninshi talakwatapo umwana¬ati ali no kupela icalo ukuba nga icikwatwa kuli ye elo naku bufyashi bwakwe ubo ubu kakonkapo panuma yakwe. ⁶ Lesa ali kulanda kuli ye ngefi, ubufyashi bwakwe bukekala pa nshita iya kulinga mu calo ica bene, elo na bekashi bamuli cilya calo bakabateka ubusha noku bacusha pa myaka imyanda ine. ⁷ 'Lelo nka pingula ico calo umo ba kalekutumika; uku ekulanda kwakwa Lesa, 'elo panuma ya ifyo bakafuma no kutampa ukumpepa muli iyi cende. ⁸ Eluntu Lesa apele Ablamu icipangano ica kusembululwa pa bushiku bwakulenga cine konsekonse, Ablamu aishile kuba wishi wakwa Isaki elo nokumusembulula pa bushiku bwakulenga cine konse konse; Isaki aishile kuba wishi wakwa Yakobo elo na Yakobo aishile kuba wishi wabana ikumi limo na babili ifikolwe ifyalikutungulula. ⁹ ''Pa mulandu uwa kweba ati ifikolwe fyali kwatile Yusefu ubufuba, ba mushitishe ku Egypto; lelo Lesa ali naye ¹⁰ elo no ku mupususha muli fyonse ifyali kumucusha. Alipele Yusufu ububile elo na mano yacifyalilwa ku cinso cakwa Falao, imfumu yamu Egypto, uyo uwa musontele ukuba umulashi mu Egypto elo na pali fyonse ifya mu ng'anda yakwe. ¹¹ ''Nomba icipowe elo no kucululuka ukukulu kwalishile mu calo conse ica Egypto elo na Kenani, elo na bashifwe tabali kusangana ifilyo. ¹² Lelo uluntu Yakobo aishile kumfwa ati kuli ing'ano ku Egypto, aishile kutuma ba shifwe pa bulwendo bwa kubalilapo. ¹³ Mubulwendo bwa cibili Yusufu aishile kuishibisha umwine eka kuli ba wabo, elo naba lupwa bakwa Yusufu baishibikilwe kuli Falao. ¹⁴ Yusufu abweleshemo bamunyina wakwe ukuya kweba Yakobo Wishi ukuya ku Egipito, pamo pene nabalupwa lwakwe bonse, pamo bali amakumi cine lubali nabasano. ¹⁵ Eico Yakobo aishile kuya Ku Egipito elo no kufwa, ye elo na bashifwe. ¹⁶ Baishile kusendwa ku Shekemu elo no kushikwa mu cilindi ico Abraham ashitile ne ndalama kuli bamwana Hamori mu Shekemu. ¹⁷ ''Ulo inshita ya cilayo yapalama ukufikilisha icilayo Lesa alaile kuli Abraham. Abantu baishile kusanduluka elo bafyalinkana mu Egipito . ¹⁸ ukushinta fye ulo kwaishile kwisa imfumu imbi, iyo itaishibile Yusufu. ¹⁹ Yalibepaikile abantu besu elo no kucusha ba shifwe, no kubapatikisha ukule kuposa utunya panse, pakweba ati twilakuba no bumi. ²⁰ Panshita ilya Mose alishile kufwalwa; ali uwakuyemba ku cinso cakwa Lesa ena asungilwe mu ng'anda pa myenshi itatu mu ng'anda yakwa wishi. ²¹ uluntu aishile kuposwa kunse, umwana wakwa Farao umwanakashi aishile kumubula nokumucita ngo mwana wakwe. ²² Mose alisambilile mu mano yonse ayacifyalilwa aya bena Egipito, elo ali uwamaka mu mashiwi yakwe elo na mu milimo. ²³ ''Lelo uluntu akwete imyaka amakumi yane, caishile mu mutima wakwe ukuya kutandalilako ba munyina, elo na bana bakwa Israeli. ²⁴ Pa kubona uko umwina Israeli bako mucusha, Mose ali mupokolweleko noku mulandwilako no kwipaya umwina Egipito: ²⁵ aishile kutontokanya ati limbi kuti ba munyina bakwe kuti bailuka ukweba ati Lesa, ni kukuboko kwakwe ali kubapusushisha, lelo tabailukile. ²⁶ Ubushiku bwakonkelepo abonekele kuli bo uluntu balikulwa, elo aeseshe uku babweshanya pamo bonse pakati kabo , no kulanda ati, 'Mwebaume, muli ba munyina; bushe cindo ico mu koilufyanishisha?' ²⁷ ''Lelo uyo uwalikuma umunakwe amusunkile, elo no kulanda ati, 'Bushe ninani uwa kusonta ukuba ka katungulula elo no kupingula pali fwebo? ²⁸ Bushe ukofwaya unjipaye, uku bati ni filya ifyo waipeye umwina Egipito mailo?' ²⁹ Mose abutukile no kufumapo panuma iya ku kutika ayo amashiwi; aile kuba umweni calo ca Midiani, uko uko aile kuba wishi wa bana baume babili. ³⁰ Uluntu imyaka amakumi yane yapitile, malaika aishile ku bonekela kuli ye mu mawanga ya Lupili lwa Sinai, mu lubingu lwa mulilo mu cimpusa. ³¹ Uluntu Mose abwene umulilo, alisungukile pa lwa ncende; elo umo ali akopalamina mu kucibwenekesha, ishiwi lya kwa Shikulu lya lishile, elo no kulanda aliti ³² 'Ninebo Lesa wakuba wiso, Lesa wakwa Ablamu, elo uwakwa Isaki, elo uwakwa Yakobo.' Mose ali kututuma fye elo tali kufwaya naku loleshako. ³³ Shikulu alandile kuli ye ati, 'Fuula indyato ku makasa yobe pantu incende iyo utalamenepo ni ncende iya mushilo. ³⁴ Ndi sukile nabubona ubucushi bwa bantu bandi abali mu Egipito; ndi mfwile ukulilishika kwabo, elo kabili nditentemukile panshi kukubapususha; nomba isa, nko kutuma ku Egipito.' ³⁵ Uyu Mose uo bakene, uluntu balandile ati, 'Bushe ninani uwa kusalile ukuba katungulula elo kabili kapingula?'¬ ali e umo uo Lesa atumine ukuba fyonse fibili nga katungulula elo na kalubula. Lesa amutumine ku kuboko kwakwa malaika uwa bonekele kuli Mose mu mpanga. ³⁶ Mose abafunishe mu Egipito, panuma ya kucita ifisungusho elo ne filangililo mu Egipito elo na pali cibemba ca ku kashika elo na mu mawanga pa myaka amakumi yane. ³⁷ ''Ni Mose umo wine uwa landile kubana ba Israeli ati, 'Lesa aka mimisha kasesema muli ba munyinenwe, ukubati ninebo' ³⁸ Uyu e oyu muntu uwali mulukuta mu mawanga pamo na malaika uwa ishile kulanda naye pa lupili lwa Sinai, uwali na bashifwe elo uwapokelele ifyebo fya mweo ku kutupela. ³⁹ ''Lelo ba shifwe balikene uku mumfwila; bali mutamfishe ukufuma kuli bo, elo mu mitima yabo ba lyalukile ku Egipito. ⁴⁰ Pa nshita ilya baishile kulanda kuli Aaron ati, 'Tupangile tu lesa utwalekutungulula fwebo. Lelo pali uyu Mose, uwa tufunishe mu calo ca Egipito, tatwishibile ici citikile kuli ye.' ⁴¹ Eico balipangile ici ponti ca ng'ombe muli shilya inshiku elo no kuleta ilambo ku kalubi, elo no kusangalala pa mulandu wa mulimo waku minwe yabo. ⁴² Lelo Lesa aalukile elo no kubaleka uku lekupepa intanda isha mu mulu, ukubati ni filya ifyo calembwa mu citabo ica kuba kasesema ati, Bushe mwali ndetele ifya bupe elo ne fya malambo pa nshita iya myaka amakumi yane iya mu mawanga, mweba ng'anda yakwa Israeli? ⁴³ Mwali suminishe iema lyakwa Moleki no lutanda lwa ka lesa Refani, elo ne fimpashanya ifyo mwapangile pa kweba ati mulekufipepa: elo nka mitamfisha ukutali ukucila na Babiloni.' ⁴⁴ ''Bashifwe bali ne ema lya bunte mu mawanga, ukuba ati ni filya fine Lesa akonkomeshe uluntu alandile kuli Mose ati, alingile ukucipanga ukubati ni mu musango uo abwene. ⁴⁵ Pa numa, ifikolwe fyesu, ifyali kutungululwa na Yoshua, bapokelele iema elo no kwisa nalyo uluntu bapokele icikwatwa muli cilya calo. Lesa apokolwele icalo kunko elo no ku batamfya pa menso yakuba shifwe. I ema epa kwikala mu calo ukushinta fye na pa nshita yakwa Dabidi, ⁴⁶ uwasangene ububile mu menso yakwa Lesa, elo alipwishe nga cakweba ati kuti afwaya incende iya ba ng'anda yakwa Yakobo. ⁴⁷ Lelo ali ni Solomoni ewa kulile ing'anda yakwa Lesa . ⁴⁸ ''Nalo line, Uwapulamo tekala mu mayanda ayakukulwa ne minwe ya bantu, ukubati ni filya ifyalanda kasesema ati, ⁴⁹ 'Umulu e cipuna candi ne calo e ca kunyantapo amakasa yandi. Bushe ni ng'nda ndo iyo mwebo mwinga nkulila? e fya landa Shikulu, nangu bushe ni ncende ndo iyo ninga tushishapo? ⁵⁰ Bushe tali kuboko kwandi ekwa citile fyonse ifi fintu?' ⁵¹ ''Mwebatalama-ku mikoshi, abatasembululwa imitima na matwi, lyonse mukana Umupashi wa Mushilo, mucita ukubati ni filya ifyo ba shinwe bali kucita. ⁵² Bushe ni niba kasesema ndo abo ba shinwe ba tapakese? Balikwipaya ba kasesema abatampilepo ukuboneka ku kwisa ukwa mulungami; elo namwe nomba muli shile kuba bakasenuka elo ba kepaya bakwe naye wine, ⁵³ mwebo mwe bantu abapokelele amafunde ayo ba malaika ba pampamikile, lelo tamwayakonkele.'' ⁵⁴ Nomba uluntu bashicilye baishile kumfwa ifi fintu, calibapitile kumitima, balasumanya na meno pali Stefwano. ⁵⁵ Nomba ye, pakwiulwamo no Mupashi wa Mushilo, atontele amenso ku mulu no kubona ubukata bwakwa Lesa; elo na Yesu alitalamene ku kulyo kwa kwa Lesa. ⁵⁶ Stefwano atile, ''Boneni, ndibwene umulu ulisukile, no mwana wa muntu alitalemene kukuboko kwa kulyo kwa kwa Lesa.'' ⁵⁷ Pali ici bashi cilye baishile kwisala amatwi yabo, elo nokulasowesha namashiwi mukupangalika, no kumufutukila capamo. ⁵⁸ Baishile kumutintanya bamufumisha na kunse ya musumba elo batampa no kumupola amabwe. Bakambone baishile kwansa ififwalo fyabo ifya kunse pankasa ya mulumendo uweshina lya Sauli. ⁵⁹ Umo bali bakomupola Stefwana amabwe , alikukuta kuli Lesa elo nokulanda ati, ''We mfumu Yesu, pokeleleni umupashi wandi.'' ⁶⁰ Elo iashile kufukama panshi elo kubilikisha ishiwi ilikulu ati, ''Shikulu, mwibika ili isambi pali bo.'' Uluntu aishile kulanda if, alifwile.