¹ Uluntu twa suminishenye ukweba ati tobe no kwabukila ku Itali, balipele Paulo elo na bafungwa bambi ku mukulu waba shilika uweshina lya Juliasi uwa mu mpuka yakwa Augustani. ² Twapateme mu combo ukutula ku Atalamamaitumu icali kusungamina ukuya ukumu lulamba lwa Asia. Eico twaile ku bemba. Alisitakusi ukutula ku Tesalonika mu Mesodonia aile pamo nafwe. ³ Ubushiku bwa konkelepo twafikile mu musumba wa Sidoni, umo umo Juliausi asungile Paulo bune bune elo nok umusuminisha ukuya kuba nakwe no kweba ati ba musungeko. ⁴ Pakufuma kulya twaile kuli cibemba elo twali kobela fye mu mbali yalulamba lwa Cyprus, mupepi naku cishi, pa mulandu wakweba ati twali kupansa umwela. ⁵ Uluntu twaile pa cishi no kucila Cicilia elo na Pafiliya, twafikile pa Mila, umusumba wamu Lisia. ⁶ Kulya kwine, umukulu waba shilika asangene icombo icatulile ku Alexandria ico ica likuya ku Itali. Atuninikishe muli ico cine. ⁷ Uluntu twali kuya buce buce pa nshiku ishingi elo na muli pelwe pelwe twalifikile mu kucucutika mupepi na Sidus elo umwela tawa tusuminishe ukukonkanyapo ukulola kulya, twalolele kulubali lwa Klete, uwa loshonya na Salimone. ⁸ Twaendele pa menshi muku cucutika, mpaka fye twasuka twafika napa ncende imo iyo bakuta ati Ifishobe fyabune, pepi no musumba wa Lasi. ⁹ No cali tupitiile inshita iitali, ne nshita iya ba Yuda iya kufunga ukulya ninshi nayo ya lipitile, elo calishile kuba ica kwafya ukwenda pali bemba. Eico Paulo ali basokeleko, ¹⁰ elo no kulanda ati, ''Mwe bantu, Nkobona ukweba ati ubu ubulwendo ubo twalabamo bwalaba bwakucena elo nokulofya uku kulu, tekwa fipe fye kweka elo ne combo,lelo nokwa myeo yesu kwine.'' ¹¹ Lelo umukulu wa bashilika aposele fye amano kuli katebebe elo naku mwine wa combo ukucila ku fintu ifyo ifya likulanda Paulo. ¹² Pa mulandu wakweba ati icabu tacali ica bune ukuwikalapo mu nshita ya mupepo, nabakensha abengi bapandile amano yakufumako kulya, elo nga cakweba ati mu nshila fye iili yonse iya kweba ati kuti twa fikilamo ku musumba wa Finikisi, nokuya kupwishisha umupepo kulya. Finikisi cali cabu camu Klete, ukuloshannya fye konse ukulola ku masamba elo nokulola ku kabanga. ¹³ Eluntu umwela waku masamba watampile ukupuupa mu buce buce, bakensha wa comba batontonkenye ukweba ati basangana ico ba likufwaya. Eico kanshi baabwile mushikita elo nokulola ku Klete, mupepi naku mulundu. ¹⁴ Lelo mu nshita fye iinono icipuupu icikulu calishile, cafuma lwakukabanga lubali lwakukapinda kaku kuso, catmpile ukupuupa ukutula pa cishi. ¹⁵ Uluntu icombo ba cisangene ku cipuupu elo cafilwa no kupansa umwela, twalekele ukutulosha uko walikulola elo twali kupiitwa fye no mwela. ¹⁶ Twaile ukulola kululamba lwa cishi icinono ico bakuta ati Kauda, elo mu kucucutika twalisukile twafunya aka bwange aka kupusukilamo pa mulu wa combo. ¹⁷ Uluntu bakakwile aka bwange kaku pusukilamo pa mulu, babomfeshe imyando yaka bwange ukukakilako mu shikita wa combo. Balikutina ati bepuma mu mipili iya mucanga iyali mu lulamba lwa Saitisi, eico laliponeshe mushikita nokuleka icombo cilekupiitwa fye no mwela. ¹⁸ Twaendele fwebo mubusanso ubwakulwisha icipuupu ica kweba ati ubushiku bwakonkelepo twatampile ukufunyamo ifipe fimo no kule kufiposa pa menshi. ¹⁹ Pa bushiku bwa kulenga shitatu bakensha wa combo baposele ne fipe ifya combo ukubomfya amaboko yabo. ²⁰ Uluntu akasuba elo no mweshi tafya tusanikile pa nshiku ishingi, elo ninshi ne cipuupu teca kunashako iyo, awe ne subilo lyonse ilyakupusuka lyalipwile. ²¹ Uluntu bapwile inshiku ishingi ukwakubula ifilyo, eluntu Paulo atalamene pakati kakubakensha ba combo elo no kulanda ati, ''Mwe bantu, nga cakweba ati mwali kutikile kuli nebo, elo nga tatwafumine ku Klete, nga taku bwenekeleko ubu ubusanso elo noku ukulufya. ²² Nomba nko mipapata ukweba ati mushipe fye, pantu takwabe ukulofya kwa myeo pali mwebo, lelo ku koba fye ukulofya kwa combo. ²³ Pantu mailo ubushiku malaika wakwa Lesa Lesa uo nebo na suminamo, uo nebo kabili mpepa¬malaika wakwe ali talamene pambali nandi ²⁴ elo nokulanda ati, 'Witina, Paulo. Uli nokuya ku talamana pa cinso cakwa Kaisale, elo bona, Lesa mu luse lwakwe alipele kuli webo bonse abo muli nabo pa bulwendo. ²⁵ Eico kanshi shipikisheni, mwe bantu! Pantu Nebo ndi Lesa cetekele ukweba ati ciko citika umo mwine umo acinjebela. ²⁶ Lelo tukoposwa pa cishi cimo ifi.'' ²⁷ Uluntu bwailile ubushiku ubwakulenga ikumi limo na shine, ulo twalikupitwa uku noku elo mucimana ica Adriatic, ukulosha fye ubushiku pakati bakensha wa combo bali kutontonkanya ukweba ati balafika ku mulundu umo. ²⁸ Baposele umwando uo bakakileko icela icakulema basangene ukweba ati pali shikile uku shinta na kumakumi yabili; panshta fye iinono, baliposele nakabili elo basangene ukweba ati pa shikile ikumi limo na fisano. ²⁹ Bali tinine ati limbi kuti twapuma mu mabwe, eico kanshi ba liponeshe ba mushikita bane elo bali kupepelela fye buce bwangu. ³⁰ Abali kwensha bali kufwailisha inshila iya kweba ati bashilemo icombo elo bakakwile ubwange ubwa kupusukilamo elo nokububika pali cibemba, elo noku ipanga ukubati bakofwaya fye ukuposa ba mushikita pa menshi. ³¹ Lelo Paulo alandile ku mukulu elo naku bashilika ati, ''Kano fye nga cakweba ati aba bantu bekale muno mwine mu combo, mwebo twamwapusuke.'' ³² Eluntu abashilika baputwile intambo shaku bwange nokubuleka bwakunguluka. ³³ Uluntu cali ku macaca, Paulo ali koseleshe bo bonse ukweba ati balyeko ifilyo. Alandile ati, ''Buno bushiku e bwakulenga ikumi limo na shine mawikala aba kwibukila fye elo ukwakubula ifilyo¬tamwabala ukulyapo nangu kamo. ³⁴ Eico kanshi nko mipapata ukweba ati mwabane ifilyo, pantu ici e cili ica bune pa kweba ati mupusuke. Pantu pali mwebo tapabe nangu umo uuko lufyapo nangu mushishi waku mutwe wakwe.'' ³⁵ Uluntu apwile ukulanda ifi, abulile umukate elo nokutotela Lesa pa menso ya bantu bonse. Eluntu asunawile umukate elo no kutampako ukulya. ³⁶ Eluntu bonse bakoselele elo nabo bene balilile ifilyo. ³⁷ Twali abantu bonse 276 mu combo. ³⁸ Uluntu baikutile, balya ngwisheko icombo pantu balibulile ing'anu shimo nokushiposa pali cibemba. ³⁹ Uluntu bwacile, bacoba balifililwe ukwishiba umulundu, nombo balimwene ululamba ulwali no mucanga, elo bali kulabishanya nga cakweba ati kuti baenshya icombo nokucitwala kulya. ⁴⁰ Eico kanshi baputwile intambo shakuli mushikita no kwibisha muli cibemba elo baimya necisalu ica kwensesha icombo kuntanshi, elo eico ba lilungeme naku mucanga. ⁴¹ Lelo icomba cali kakete mu cilundulu camucanga elo no kutalamana. Neca kuntanshi calikete palya pene elo nokufilwa ukusela, elo icanuma cali lepukile pa mulandu na kuluma kwa maba. ⁴² Amapange ya bashilika yali ya kwipaya abafungwa pakweba ati peba nangu umo uwa kusamba elo no kubutuka. ⁴³ Lelo umukulu wa bashilika ali kufwaya ukupususha Paulo, eico kanshi ali bakenye amapange yabo; elo aebele abo bonse abe ngasamba ukutampilapo ukutoloka elo nokuya ku mulundu. ⁴⁴ Eluntu na bonse abantu abashala bafwile ukukonkapo, bambi pa mapulanga, elo bambi nabo pa fya sunaikile ku combo. Muli uyu musango ifya citikile fya kweba ati bonse balifikile ku mulundu ukwakubula ubusanso.