¹ Cali ukweba ati ulo Apolosi ali mu Korinti, Paulo apitiile lwa pa mulu mu calo no kuya kufika mu musumnba uwa Efeso, elo asangene bamo abasambi kulya. ² Paulo alandile kuli bo ati, ''Bushe mwalipokelele Mupashi wa Mushilo uluntu mwasumine?'' Nabo balandile kuli ye ati, ''Iyo , tatwatala no kumfwapo palwa Mupashi wa Mushilo.'' .'' ³ Paulo alandile ati, ''Bushe ni mundo kanshi umo ba mibatishe? umo mwabatishiwilwemo?'' Nabo balandile ati, '' Mulubatisho lwakwa Yoani.'' ⁴ Eico Paulo alya sukile ati, '' Yoani ami batishe mulubatisho lwa kulapila . Aebele abantu ati bengasumina muli uyo uukoisa kumukonka panuma yakwe, noyo ni Yesu .'' ⁵ Uluntu abantu bakukutikile ifi, bali batishe mwishina lyakwa Shikulu Yesu. ⁶ Eluntu uluntu Paulo atambalikile amaboko pali bo, Mupashi wa Mushilo aishile pali bo elo batampile ukulanda mu ndimi shimbi elo no kusesema. ⁷ Bonse pamo i bali nalimo abaume ikumi limo na babili. ⁸ Paulo aile mu sinagogi elo alikulanda mukupama pa myeshi itatu, ukumfwana elo noku banakilisha pa lwa bufumu bwa kwa Lesa. ⁹ Lelo uluntu aba Yuda bamo bakosele imitima elo bakana no kumfwila, batampile ukulanda ifya bubi pa menso yaku cinkupiti. Eico Paulo ali bashile elo no kupiita abasambi pamo naye, ali kumfwana nabo cila bushiku mu ciyanda ica masambililo ica mu Tailanusi. ¹⁰ Neci casli twalilille pa myaka ibili, pakweba ati bonse abali kwikala mu Asia bali kutikile iishiwi ilyakwa Shikulu, bonse aba Yuda elo naba Griki. ¹¹ Lesa alikucitaifi sungusho ifya kuibelako mu maboko yakwa Paulo, ¹² ica kweba ati nangu fye ututambala na apuloni ayali kumukumya ku mubili wakwe bali kutwala ku balwele elo na malwele yabo yali kupola elo ne mipashi iya kukowela yali kufuma muli bo. ¹³ Lelo kwaliko naba Yuda bakasukula wa fibanda labali kupita kupita mu ncende. Bali kutiile pe shina ilyakwa Shikulu Yesu pakweba ati ''benga kwata amaka yaku tamfishamo imipashi ya kukowela uluntu ati, ''Ukupitila muli Yesu uo Paulo abilapo, nko kweba ati fuma'' ¹⁴ Umu Yuda umukulu uwaku bashi mapepo, uyo uo ishina lyakwe lyali ni Shefa, ali kwete abana abaume cine lubali abo abali kucita ifi fine. ¹⁵ Umupashi uwa kukowela walibasukile ati, ''Yesu ndi mwishibile, elo Paulo Ndi mwishibile;,lelo niwebo nani?'' ¹⁶ No umupashi waku kowela uwali muntu waile kuli ba kasukula wa fibanda elo wali bacimfishe noku bapuma. Eluntu bafulumukile ukufuma mu ng'anda umuneke elo aba kucenaulwa. ¹⁷ Neci cali shibikilwe kuli bonse, bonse aba Yuda elo naba Griki abo abali kwikala mu Efeso. Bali ketwe no mwenso, elo ne shina lyakwa Shikulu Yesu lyali cindamikilwe. ¹⁸ Ifyo fine, nabengi abasumine bali shile elo noku yebelela elo no kulumbula fyonse ifya bubi ifyo balikucita. ¹⁹ Abengi aba likucita amalele balitwele ifitabo fyabo elo noku fyoca pa menso ya bantu bonse. Eluntu bapendele umutengo wafiko, no kusangana ukweba ati ulupiya lwali amakana amakumi yasano. ²⁰ Eico ishiwi lyakwa Lesa lyali salanganine monse mu nshila ishamaka. ²¹ Nomba panuma iya kupwisha ifi fintu, Paulo apingile mu mupashi ukupitila mu Makedonia elo na Akaiya ukulola ku Yelusalemu, alandile ati, '' Panuma yakuba kulya mfwile naya kubona naku Roma.'' ²² Paulo alituminek u Makedonia babili pali abo ali ku mu pyungila, Timoti elo na Elastusi. Lelo ye umwine aikele mu Asia pa nshita fye inono. ²³ Panuma fye ya ifyo kwalipo icimfulunganya icikulu mu Efeso ukulosha palwa nshila. ²⁴ Pantu kafula wafyela umo inshina lyakwe ni Temetalayasi, uwali kupanga utulubi twa silifa utwa ku Atemisi aletele amakwebo ayengi kuli bakafula. ²⁵ Eico ali longenye pamo ababomfi abali kubombauyu wine umulimo elo alandile ati, '' Mwe baume, muli shibile ukweba ati muli ubu bukwebo tulapanga indalama ishingi. ²⁶ Muli bwene elo noku kuutika ukweba ati, ta muli fye mu Efeso mweka, lelo nicikanga fye ni monse mu Asia, uyu Paulo ali belelekele elo no kwalula abantu abengi. Akolanda ati imilungu ya pangwa neminwe tali milungu iyo. ²⁷ Tali cintinya ceka ica kweba ati ubu kwebo bwesu bukosulwa, lelo kabili icikotinya nici ica kweba ati ne tempele lya mulungu wesu umwanakashi Atemisi, bakausuula, elo nobu cindami bwakwe ta bwakabe ne cimo. ye uo bonse abena Asia ne sonde lyonse bapepa.'' ²⁸ Uluntu bakutikile ifi, baliwilwemo ubukali, elo balapunda, no kulanda ati, '' Atemi mukulu wabena Efeso.'' ²⁹ Umusumba onse waliwilwemo icimfulunganya, elo na bantu bonse babutukile netontonkanyo ku ng'anda ya fyangalo. Baikata abo abali kwenda pamo na Paulo, abana kwe Gaiyasi elo na Alisitakusi, abaishile ukutula ku Makedonia. ³⁰ Paulo alikufwaya ukwingila muli cinkupiti wa bantu, lelo abasambi bali mukenye. ³¹ Kabili, bamo bashi mu cindikwa aba mu citungu ica Asia abo abali banakwe bali mutumiine akasebo kaku mupapata ukweba ati eya kwingila mu ng'anda ya fyangalo. ³² Bamo abantu balikupunda icintu cimo , elo bambi nabo fimbi, cinkupiti yali fye mucimfulumfulu. Abengi bo tabaishibile nefyo basanganinwe pamo. ³³ Bamo aba muli cinkupiti, bali pandile Alekisanda amano, uo aba Yuda bali kubika pantanshi. Eico naye Alekisanda all kubatalalika ku kuboko, alikufwaya ukuipokolola kuba longene. ³⁴ Lelo uluntu baaishibile ukweba ati mu Yuda, bonse balikupunda ukulosha fye na pansa shibili neshiwi limo, no kulanda ati, ''Uwacilapo ubukulu ni Atemisi uwa mu Efeso.'' ³⁵ Eluntu kalemba wa mushi atalalikile iibumba ap kulanda ati, '' Mwebo mwe bena Efeso, bushe umuntu ndo uyo uutaishiba ukweba ati umusumba wa bena Efeso eekalinda wa ng'anda yakwa Atemisi mukulu elo ebalinda icimpasho ca ponene ukutula mumulu? ³⁶ Pa kubona kanshi ukweba ati ifi fintu tafili fya kutwishika iyo, muli fye no kwikala shilili elo mwicitapo nangu cimo ukwa kubula ukutontankanya bwino. ³⁷ Pantu muli aba bantu kuli cino cilye abali fipindo fye tempele nangu ukupontela lesa mwanakashi wesu. ³⁸ Eico kanshi, Dimetile elo naba kafula wa fyela abo abali naye nga bakopela mulandu ku uli onse, ifilye fya milandu eko fili na bakapingula eko bali. Balekeni baipele imilandu abene beka. . ³⁹ Lelo nga cakweba ati mukofwaya ifya cila pali ifi, kuti fyaya kupingwilwa mu kumana ukwa bantu bonse . ⁴⁰ Pantu tuli mu bwafya ubwakupelwa imilandu iya kuleta icimfulunganya buno bushiku, elo tapali umulandu uo twingalondolola pali ici congo.'' Uluntu alandile ifi, alisalangenye na balongene.