¹ "De yau kararat ta kalam ta Yahwa be kalam ta wata ta Hadrak wa Dimeshq, mahal ta akudu raha; ashan uyun ta insaniya wa kulu gabail ta Israel bi aynu le Yahwa. ² Kaman kararat de be kalam ta Hamat, al fi hudud ta Dimeshq, wa kaman be kalam ta Sur wa Sidon, ashan humon negitin kalis. ³ Sur abinu nefsa bito gowi wa tokomu fidda ze turab wa limu dahab ze tin fi sika. ⁴ Aynu! Rabuna bi berjilu wa bi karabu guwa bito de fi bahar, wa bi haragu huwo be nar. ⁵ Ashkelon bi aynuwa bi kafu! Gaza kaman bi kala shedid kalis! Ekron, raja bito bi karabu! Melik bi mutu min Gaza, wa ashkelon ma bi geni fogo tan mara! ⁶ Nas tanin yau bi ja amulu bet tomon fi Ashdod, wa Ana bi gata bara kibriya ta Phalastinin. ⁷ Ashan Ana bi talau dom tomon min kasuma tomon wa hajat tomon al batal min nus asnan tomon. Biga humon bi fadulu le Rabuna ta nina ze seid fi Yahuza, wa Ekron bi kun ze nas ta Yebusin. ⁸ Ana bi amulu muaskar hauli wata Tai did jes ta adu, ashan kede mafi wahid agder gata wole bi rija min fogo, ashan ma bi kun fi del al bi limu daraib bi douru le humon, ashan hasa Ana aynu be uyun Tai! ⁹ Kore shedid be mokosut, a biniya ta Sahyun! kore be farah, ya biniya ta Orshelim! Yau dak! Melik taki jai le inta be adala wa bi alagu inta. Huwo mutuwadi wa bi sugu himar, wa fi jena ta himar. ¹⁰ Yala biga Ana bi gata dababat min Ephraim wa husan min Orshelim, wa danga bi gatau bara min harb; ashan huwo bi wonusu salam le beled, wa sulta bito bikun min bahar le bahar, wa min Nahar le nihayat ta duniya! ¹¹ Wa biga intakum, ashan dom ta tifagiya Taima intakum, Ana bi fiku masajin takum min hufra al mafi fogo moyo. ¹² Rijatakum fi burj, ya masajin al indu raja! Sala kan alela Ana bi karir gali Ana bi rija itnin marat le inta, ¹³ ashan Ana kormosu Yahuza ze danga Tai. Ana malau sonduk ta nishabat Tai be Ephraim. Ana hariku iyat taki, ya Sahyun did iyal ta Yonanin, wa Ana salau intakum, ya Sahyun, ze sef ta nas ta harb!' ¹⁴ Yahwa bi zahir le humon, wa harba tomon bi kore shedid ze saga! Ashan Rabuna tai Yahwa bi afuku buruji wa bi gedimu be gubar min Teman. ¹⁵ Yahwa ta nas kulu yau bi dafi humon, wa humon bi demiru humon wa bi gilibu hujar al bi durubu. Biga humon bi ashurubu wa bi kore zenas sekeranin be merisa, wa bi malau humon be merisa ze kura, wa ze rukunat ta mazbah. ¹⁶ Biga Yahwa Allah tomon bi alagu humon fi yom dak, ze ganamayat ta nas Bito. Humon ze suksuk ta tegiya al bi lama fi wata Bito. ¹⁷ Godur sunu bi kun kuwes wa godur sunu humon bi kun giyafin! Shabab sukerin bi raba ze hinta wa azrawat fi merisa al hilu!"