¹ Biga al malayika al kan bi wonusu ma ana gilibu wa gowomu ana ze zol gowomu min num tao. ² Uwo kelim le ana, ''Ita bi ayinu sunu?'' Ana kelim, ''Ana ayinu seyala ta lamba salau kulu min dahab, ma buksa fok ras tao. Indu saba labat fogo uwo wa saba gitanat be al fok ta lamba. ³ Itniin sejera ta zeyitun fi jabu tao, wahid fogo al tija yomin ta al buksa wa al tani fogo al tija samal. ⁴ Kida Ana wonusu le al malayika al kan kelim ma ana. Ana kelim, ''Hajat delin bi wori sunu, said tai?'' ⁵ Al malayika al kan wonusu ma ana juabu wa kelim le ana, ''' Ita ma bi aruf mana ta hajat de sunu?'' Ana kelim, La, ya said tai.'' ⁶ Kida uwo kelim le ana, ''De yau al kalam ta Yahuah le Zerubbabel: Ma be gudura wele be guwa, lakin be Roho tai, Yahuah ta junud bi kelim. ⁷ Sunu yau ita, jebel al azim/kebir? Gidam Zerubbabel ita bi tala wady/musata, wa uwo bi jibu bara al hujar fok le hutafat ta 'Neyima! Naeyima le uwo!''' ⁸ Al kilma ta Yahuah ja le ana, kelim, ⁹ ''Al idenat ta Zerubbabel kalas kutu al assas ta bet de wa idenat tao bi jibu uwo le tekmil.'' ¹⁰ Biga ita bi aruf gali Yahuah ta junud yau rasulu ana le ita. Munu kan alisu al yom ta hajat suker? Nas delin bi afrah wa ayinu mizan hajer fi ida ta Zeurbbabel ¹¹ .)Saba lambat delin yau uyuun ta Yahuah al bi mururu/ragibu fogo al kulu al ard.( Biga Ana asalu al malayika, ''Sunu yau itniin asjar ta zeyitun al wagif fogo al samal wa al yomin ta al sayal ta lambat?'' ¹² Tani mara Ana asalu uwo, ''Sunu yau itniin fereh ta zeyitun fi tija ta al itniin karatus dahab al indu zed zahabi kubu bara min umon?'' ¹³ Biga uwo kelim le ana, ''Ita ma aruf delin yau sunu?'' Ana kelim, ''La, ya saigd tai. ¹⁴ Kida uwo kelim, ''Delin yau al awulat ta zed jedid ta zeyitun al wagif gidam Rabuana ta kulu al ard.