¹ Tani Ana arfa fok uyuun tai wa ayinu zol ma habil mitir fi ida tao. ² Ana kelim, ''Ita bi rua wen?'' Biga uwo kelim lw ana, ''Le gisu/jeribu Arselim, le hadidu urdwa tul tao.'' ³ Biga al malayika al kan wonusu ma ana rua bara wa malayika tani rua bara le limu ma uwo. ⁴ Al malayika nimra itniin kelim le uwo, ''Jere wa wonusu le rajil suker dak; kelim, 'Arselim bi geni fi al daula moftu ashan be al rujal al ketir wa al bahayim al fogo hia. ⁵ Lianu Ana_de Yahuah yau alinu_biga bi geni le hia heta ta nar hawuli hia, wa Ana bigeni al mejid fi wasat hia. ⁶ Fok!Fok! Jere min al ard ta al samal_de Yahuah yau alinu_lianu Ana kalas setetu itakum ze al arba arkan ta sama!_De Yahuah yau alinu. ⁷ Fok! Tefes le Zion, ita al bi geni ma biniya ta Babylon!''' ⁸ Lianu bat Yahuah ta junud karimu ana wa rasulu ana dit al ummam al karabu ita_lianu uwo al lemsu ita, lemsu al tufah ta ena ta Allah!_bat Yahuah amulu de, uwo kelim, ⁹ ''Ana nefsatai bi hizu ida tai fogo umon, wa umon biga bi karabu be abid tomon.'' Biga itakum bi aruf gali Yahuah ta junud kan rasulu ana. ¹⁰ ''Guna be farah, biniya ta Zion, lianu Ana nefsatai ana gerib le ja wa geni wasat itakum!_de Yahuah yau alinu.'' ¹¹ Biga ummam kubar bi limu nefsa tomon le Yahuah fi yom dak. Uwo kelim, ''Biga itakum bi geni nas tai; lianu Ana bi geni fi nus takum,'' wa itakum bi aruf gali Yahuah ta junud yau rasulu ana le itakum. ¹² Lianu Yahuah bi worisu Yahuzah ze milkiya hagiga tao fi al ardi mukadas wa biga tani mara iktar Arselim le nefsatao. ¹³ Geni askut, kulu gisim, gidam Yahuah, lianu uwo kalas biga gowomu bara min makan tao kudus!