¹ Yaude! yom ta Yahwa bi ja, bi ja gesimu hajat al intakum seregu de fi nus takum. ² Ashan ana bi limu nas kulu did Orshelim be kalam ta harb. Wa beled bi gobudu, wa biyut kulu bi seregu, wa nusuwan bi nyakamu. Nus ta nas ta beled kulu bi ruwa istamiru, lakin bagi nas al bi fadulu del ma bi turuju bara min medina. ³ Lakin Yahwa bi tala ashan bi goumu harb did duwal del ze al kan Huwo goumu fi yom ta harb. ⁴ Fi yom dak kureinat Bito bi wogif fi Jebel ta Olives, al gerib minOrshelim fi safa ta sheriq. Jebel ta Olives de bi gesimu fi nus beina sheriq wa garib be wadi kebir kalis, wa nus ta Jebel de bi rija wara le shimal wa nus tani le junub. ⁵ Yala biga intum bi jere jere tehet hinak beina jibal ta Yahwa, ashan wadi al fi nus jibal del bi wosulu lahadi Azel. Intum bi jere bes ze al intum jere min zalzal fi zaman ta Uzziah, melik ta Yahuza. Biga Yahwa Allah tai bi ja sawa ma kulu kedisin Bito. ⁶ Fi yom dak ma bi kun fi nur, ma bi kun fi berid wole fi haja bi jemid. ⁷ Fi yom dak, yom al bes Yahwa yau aruf, tani ma bi kun fi nahar wole bilel. Fi misa bi kun zaman ta nur. ⁸ Fi yom dak moyo ta haya bi jere min Orshelim, nus ta moyo de bi jere fi bahar al fi safa ta sheriq, wa nus tani de bi jere fi bahar ta garib, fi zaman ta karanga wa zaman motoro. ⁹ Yshwa bi kun melik le duniya kulu. Fi yom dak Yahwa bes barau yau bi kun. Allah al wahid, wa isim Bito bes barau. ¹⁰ Wata kulu bi kun ze Arabah, min Geba lahadi fi Rimmon junub ta Orshelim. Orshelim bi istemir arfau fok wa bi fadulu fi mahal bito, min bab ta Benjamin lahadi fi mahal al kan bab al awel dak kan fogo, lahadi bab al fi rukun, wa min burj ta Hananel lahadi mahal al bi asuru fogo merisa ta melik fogo. ¹¹ Nas bi geni fi Orshelim, wa ma bi kun fi karaba tani mara min Allah le humon. Orshelim bi kun fi aman. ¹² De bi kun waba al Yahwa bi hajimu did kulu nas al bi dafa harb did Orshelim: Laham tomon bi afin sala kan humon bi wogif fok be kureinat tomon. Uyun tomon bi afin fi juwa ufura ta ena tomon, wa lisanat tomon bi afin fi juwa kasmat tomon. ¹³ Fi yom dak kafu tomon al shedid min Yahwa de bi dakalu le humon. Ai wahid min humon bi amsuku idan ta aku tani, wa idan ta wahid bi arfau fok did idan ta aku tani. ¹⁴ Yahuza kaman bi gum shakil did Orshelim. Humon bi limu kulu sorwa ta mahalat al jeran tomon - dahab, fidda, malabis al kuwes be kimiyat kebir kalis. ¹⁵ Waba kaman bi kun fi le husanat, jena husan, jemel, himar, wa fi haywanat kulu al fi muaskarat del bi taban be nefsu waba dak ¹⁶ Biga bi hasil gali kulu del al fadulu min bilad del al ja did Orshelim bi agder ruwa sena le sena ashan bi abidu melik, Yahwa ta nas kulu. wa bi hafizu ied ta mizal. ¹⁷ Wa bi hasil kaman kan gali ai wahid ma ruwa fi Orshelim ashan bi abidu, Yahwa ta nas kulu de, biga Yahwa ma bi jibu motoro le humon. ¹⁸ Kan beled ta Masir ma ruwa fok: biga humon ma bi ligo motoro, Karisa min Yahwa bi ja ligo beled dak al ma hafizu ied ta mizal de. ¹⁹ De bi kun ikab ta Masir wa ikab le ai beled al ma ruwa ashan bi hafizu ied ta mizal ²⁰ Lain fi yom dak, jeres ta husanat bi kelim, "Ferigu takum le Yahwa ," wa hod ta moyo al fi bet ta Yahwa de bi kun ze biir gidam ta mazbah. ²¹ Ashan ai gurma fi Orshelim wa Yahuza kede kasisu bes le Yahwa ta nas kulu, ashan ai wahid al bi jibu zebiha bi akulu min fogo. Fi yom dak tujar ma bi kun fi tani mara fi juwa ta Yahwa ta nas kulu.