¹ Homon gata bahar bi hinak, fi iklim ta Gerasenes. ² Zaman Yesuah nezil min murkab, bi sura keda fi zol muskun bi roho al sheriir ja le homon fi mahal ta turba. ³ Zol de gi geni fi magabir. mafi zol agder rubutu howo wele bi genzir. ⁴ Le anu rubutu howo ketiir marat bi genzir. howo gata genzirat de wa howo kasuru genzirat de kulu. mafi zol al bi agder wogifu howo. ⁵ Wa fi magabir wa jebal hinak, kulu yom bilel wa nahar, howo gi kore bi sut shedid wa gi gata nefsa tuo bi hujar al seniin. ⁶ Zaman howo ainu Yesuah min masafa beid, howo jere le Howo wa dengeri gedam tuo. ⁷ Howo kore bi sut shedid, "Inta deru keli ana amulu shunu le inta, ya Yesuah jena ta Allah al Aali al kebir? ana gi asalu inta bi isem ta Allah min fadlak mata azibu ana." ⁸ Wa howo kan gi l kelim le howo ya roho al sherir tala min zol de. ⁹ Howo asalu zol de, " Isem taki munu? " zol de juwabu howo, " isem tayi Legion, le anu nina ketiir." ¹⁰ Zol de asalu Howo ashan keli ma rasulu hoon bara min ikelim. ¹¹ Wa kan fi jebel fi adad kebiir ta kuduruf gi harasu, ¹² Wa biga homon asalu Yesuah gali, " rasulu nina le kuduruf dak; keli nina dakalu fi juwa homon." ¹³ Biga Yesuah sedeku le homon; al arwah al sherir ashan tala bara wa dakalu fi kuduruf wa homon bada jere min ras jebel le bahar, wa kan gerib alfen ras min kuduruf katis fi juwa bahar. ¹⁴ Wa nas al kan gi harasu kuduruf del jere ashan bi wori kabar ta haja al hasil de fi medina wa fi kulu beled. wa biga nas ashan bi ainu haja al hasil de. ¹⁵ Wa homon ja le Yesua wa homon ainu zol al kan muskun bi arwah al sherira, al kan howo muskun bi legion, howo lebisu wa gi geni wa kan mugkh tuo biga kwes, wa homon kan kafu. ¹⁶ Nas al ainu shunu hasil le zol al muskun bi arwah al sherira, wori le homon kalam de bi tafasil, wa nas kaman kelim le homon an haja la hasil le kuduruf. ¹⁷ Biga homon bada asalu howo ashan keli rowa mi beled ta homon. ¹⁸ Zaman howo kalas gi arkab fi murkab, zol al kan muskun bi arwah al sherira de asalu howo ashan howo bi rowa ma Yesuah. ¹⁹ Lakin Yesuah ma rudu le howo, lakin kelimu le howo, " Ruwa fi bet taki le usura taki wa wori le homon an haj al Rabuna amulu le inta, wa howo zahiru le inta rahma." ²⁰ Biga zol de ruwa wa bada bashiru an haja al kebiir al Rabuna Yesuah amulu le howo fi (decapolis) Ashara mudun, wa ayi zol kan mustagrab. ²¹ Wa tani mara zaman Yesuah arkab murkab wa gata bahar le hinak, nas kutar lemu jambu howo, wa ze ma howo kan fi taraf bahar. ²² Biga wahid min ruwasa ta majma ja isem tuo Jairus, wa zaman howo ainu Yesuah, howo dengir gedam Yesuah. ²³ Wa howo asalu Yesuah wa gi asalu, gali, " Ainu binya tai al sukir de gerib ashan bi mutu. Ana gi asalu inta, ashan, taal kutu ida fi ras ta hiya ashan hiya bi kun kwes wa bi ish." ²⁴ Biga Yesuah ruwa ma howo, wa nas ketir ruwa wara Howo wa kan mahal biga deyig le Howo. ²⁵ Kan fi mara hinak indu nezif ta domle fetera ta itnashar sena. ²⁶ Hiya kan taban min gabilu Dakatir ketiir wa kan hiya sarifu gurush kulu wa ayi haja ashan hiya bi tala kwes, lakin hala tuo gi zedu batal kalis. ²⁷ Zaman hiya asuma kabar ta Yesua, hiya ja wara Yesuah wa hiya lemesu gumas ta tuo. ²⁸ Biga hiya kelimu, " Iza kan ana lemesu sala gumas tuo, ana bi ligu ilaj." ²⁹ Zaman hiya lemesu Howo, nezif de wogif, wa hiya ashur inu jesim ta hiya ligu ilaj ta ayan al kan gi taabu hiya. ³⁰ Be sura keda Yesuah lahisu fi nefsa tuo inu guwa tala min jesim tuo. Howo bada lefit le nas wa kelimu, " De munu yahu lemesu umas tai?" ³¹ Talamiz tuo kelimu le Howo, " Inta ainu yahu nas ketiir hawili inta, wa inta gi kelim, ' Munu yahu lemesu inta?" ³² Lakin Yesuah kan gi fetisu zol al amulu kalam de. ³³ Wa mara de, gum ja fi gedam ta yesuah wa hiya kan gi kafu wa jesim tuo kan gi rugus le anu hiya kan arufu haj al hasil le hiya. hiya ja wa dengiri tehet gedam Yesuah wa kelim le Howo hagiga al hasil kulu. ³⁴ Yesuah kelimu le hiya, "Biniya tai, Imaan taki aliju inta. Amshi bi salam wa keli inta ligu ilaj min ayan taki. ³⁵ Wa zaman kan Howo gi kelim, fii baad min nas ja min bet ta reis ta mujama, kelim, " Biniya taki mutu alim?"kalas. malu inta gi taabu Mu  ³⁶ Lakin Yesuah asuma kalam al homon gi wonusu de, Howo kelim le reis ta mujama de, " mata kafu, bes amin." ³⁷ Howo ma shilu ayi zol ma howo ila Pitar, Jemis wa John, al howo aku ta Jemis. ³⁸ Homon ja fi bet ta reis ta mujama wa Howo ainu nas gi amulu izaaj shedid; homon kan gi kore wa bi asuwat fok shedid. 3 ³⁹ Zaman Howo dakalu fi bet de, Howokelim le homon, " Malu intum haznaniin wa intumgi kore? jena de ma mutu lakin hiya gi num." ⁴⁰ Homon bada ataku le Yesuah. Lakin Yesuah sibu homon bara wa sheliu ma Howo Abu ta jena de wa Uma ta jena de wa nas al kan ma Howo, wa howo ruwa fi mahal al kan jena de fogu. ⁴¹ Howo amsuku ida ta jena de wa kelim le hiya, " Talitha, Koum!" al mana tuo gal, " Ya Binya suker, ana kelimu le inta, Gum fok." ⁴² Wa be sura keda jena gum fok wa bada duwuru (wa hiya kan indu 12 itnashar sena). wa be sura keda homon kan istagarab shedid. ⁴³ Biga Howo anzeru homon shedid ashan keli homon .ma wori kalam de le nas taniin. yala Howo kelim le homon ashan bi wodi akil le hiya