¹ De yahu bedaya ta injiil ta yesuah al mesih, Jena ta Allah. ² Ze ma katibu fi kitab ta nbi Isaiah, Ainu. ana gi rasulu marasula tai gedam au gubal inta, al howo bi jahizu sika taki. ³ Sut al gi nadi fi sahara. Jahizu sika ta rabuna,sala sika tuo adiil. ⁴ Yuhana ja, gi amidu fi sahara a gi bashiru mamudiya ta towba wa magfara katiya. ⁵ Kulu nas ta yahudiya a kulu nas al fi urshalim ja le howo. howo amidu homon fi nahar Jordan. homon gi eterif be katiya tomon. ⁶ Yuhana kan gi lebisu jelit ta jemel wa gi lebisu gash fi sulba, wa howo kan gi akulu jarat wa asiil. ⁷ Howo bashir, fi zol tani gi ja bad ana al howo aga min ana: ana ma bi agdiir ashan bi fiku hubal ta gesma tuo. ⁸ Ana amidu intum bi moya, lakin howo bi amidu intum bi roho al kudus. ⁹ Wa kan fi ayam dak, Yesu ja min Nazaretta le Galileya,wa kan amidu howo ma Yuhana a; mamadan fi nahar Jordan. ¹⁰ Wa baad ma amidu Yesuah, howo ainu samawat fata wa roho ja le howo fi shekil ta hamam. ¹¹ Wa sut ja min samawat, inta yahu jena tai al mahbub al ana muksut min inta. ¹² Biga roho kelimu le howo ashan bi ruwa fi sahara. ¹³ Wa howo kan fi sahara le mudat arbeyiin yom, jeribu howo ma shetan, wa howo kan ma hiwanat al mutawahish wa kan malaika akdim howo. ¹⁴ Wa baad ma kutu Yuhana fi sejiin, Yesuah ja fi Galilee wa gi bashiru injil ta Allah, ¹⁵ Wa gi kelimu inu," zaman ja kalas, wa malakut ta Allahbiga gerib. tubu wa aminu fi injil." ^{16 17} Fi zaman howo kan gi duwru fi taraf bahar ta Galilee, howo ainu Samaan wa Andariya al howoAku ta Samaan gi jada shabaka fi al bahar, le anu homon kan sayadiin ta samak. Yesuah kelim le homon, "taal atbani, wa ana bi amulu intum sayadiin ta nas. ¹⁸ Biga bisura homon sebu shabaka wa ja wara Yesuah. ¹⁹ Wa ze ma Yesuah ka gi duworu shuwia keda howo ainu Yakub jena ta Zebedee wa Yuhana aku tuo,homon kan fi murkab gi sala shabaka. ²⁰ Howo nadi homon wa homon sebu Abu tomon Zebedee fi murkab ma nas ta shukul, wa homon ja wara howo. ²¹ Wa biga homon ja fi Kafarnahum, wa fi yom al sebit, Yesuahruwa fi mujama wa alimu. ²² Homon kan istagarab min taalim bi tuo, le anu howo kan gi alimu ze zol al indu sultan wa ma ze kataba. ²³ Biga kan fi zol fi mujama howo indu roho al nejis howo kore bi sut alli. ²⁴ Kelimu gali, "inta deer keli nina amulu shunu le inta, Yesuah Al Nasiri? Hal inta ja ashan bi demiru nina? ana arufu inta munu. inta kudus Allah!" ²⁵ Yesuah intehir al shetan wa kelim, " kun hadi wa amruk min howo!" ²⁶ Wa al roho al njis jada howo tehet wa gi kore be sut kebiir. ²⁷ Kulu nas kan istagarab, biga homon asalu baad ta homon, " de shunu? De talim jedid ma sultan! Hata howo agdeer amiru arwah al nejis wa arwah de bi ihterim howo!" ²⁸ Wa akhbar an Yesuah asumau fi kulu mahal fi Gallee. ²⁹ Baad ma howo tala bara min mujama, homon ja fi bet ta nas Samaan wa Andariya, wa kan Yakub wa Yuhana ma homon. ³⁰ Nesiba ta Samaan kan ayan ma huma, biga homon wori le Yesuah an heya. ³¹ Biga howo ja, amsuku heya fi idda ta tuo, wa arufa heya fok; wa huma de fat, wa heya bada akhdim homon. ³² Fi mesa, baad magrib, jebu le howo nas kulu al kan ayaniin au al moskuniin bi arah al sherir. ³³ Nas ta medina kulu lemu ma bad fi bab. ³⁴ Howo aliju nas ketiir al kan ayaniin be amrad barau barau wa turuju arwah al sherira ketiir, lakin howo ma deeru( rudu) keli shyatiin del wonusu le anu homon arufu howo ³⁵ Howo gam bederi shedid ligu lesa wata duluma howo ruwa fi mahal kas wa seli henak. ³⁶ Samaan wa nas al kan ma howo fetesu howo. ³⁷ Homon ligu howo wa homon kelimu gali, " Ayi zol gi fetisu inta." ³⁸ How kelimu, " keli nina ruwa fi mahal tani hawli mudun al gerib, ashan ana bi agder basheru hinak kaman. de yahu sabab al ana ja fogo." ³⁹ Howo ruwa fi Galilee kulu, gi basheru fi mujamaat tomon, wa gi turuju shayatiin. ⁴⁰ Zol ta barus ja le howo, howo gi asalu; howo dengeri tehet wa kelimu le How, " iza kan inta bi rudu, aliju ana." ⁴¹ Howo hariku bi rahma, Yesuah medu idda tuo wa lemesu howo, kelimu le howo gali, "Ana rudu. keli inta tala nedef. ⁴² Bi sura keda judam biga aliju wa zol de biga tala kwes. ⁴³ Yesuah anziru howo shedid wa rasulu howo ashan bi ruwa. ⁴⁴ Wa kelimu le howo, " keli inta ma wori kalam al hasil de le ayi zol, lakin ruwa, wori nefsa taki le kahiin, wa Musa bi kelim shunu fi ilaj taki de, ze shuhuda le homon. ⁴⁵ Lakin howo ruwa wa bada wori le kulu zl wa waza kalam de shedid, biga Yesuah ma bi gder ruwa fi ayi medina, biga howo genifi .mahal kas wa nas gi ja le howo min kulu mahalat