¹ Yesua dakau min ruwa min Ariha. ² Kan fi rajil inak isimu Zakayo. Huwo kan rais ta daayib wa kan ghani. ³ Huo kan hawil ashan ayenu Yesua, lakin huwo ma agder min jumhuur al ketir la anu huwo kan soker fi tul. ⁴ Fa huwo jere gidam ta nas wa nutu fi shejera jemeza ashan bi ayenu huwo, lakin Yesua kan bi ga der ruwa. ⁵ Zaman Yesua ja le mahal, huwo ayenu fok wa kelimu lee huwo, ''Zakayo, nezil tihit sere, la anu alela Ana der ruwa fi bet taki. ⁶ ''Fa huwo sere nezil tihit wa rahibu huwo ma fara. ⁷ Zaman kulu zol ayenu kede, huwomon kulu neng neng, kelimu, ''Huwo ruwa ziyara le zol al huwo katti.'' ⁸ Zakayo wogif wa kelimu le Rabuna, ''Ayenu, Rabuna, nus ta hajat tai Ana bi wodi le meskin, wa iza ana zulumu aye zol fi aye haja, Ana bi rija arba marat.'' ⁹ Yesua kelimu le huwo, ''Alela kulasa ja fi bet de, la anu huwo kaman jena ta Abraham. ¹⁰ La anu jena ta insan ja ashan bi fitisu wa kalisu nas al wodoro,'' ¹¹ Ze ma huwomon asuma hajat del, huwo istemir onusu wa wori misal, la anu huwo kan gerib ma Uruselim, wa huwomon fekeri inu malakuut ta Allah kan bi beinu tuwali. ¹² Ashan kede huwo kelimu, ''Zol tani muhim ruwa le mahal beid ashan bi shilu le nefsa tuo malakuut wa bi rija. ¹³ Huwo nadi ashara min kadamin tuo wa wodi le huwomon, ashara amanat ishtakal lahadi kan ana rija wara. ¹⁴ Lakin moatinin akra huwo wa rasulu mojomu ta nas wara huwo, kelimu, 'Anina ma der rajil de bi hukumu anina, ¹⁵ huwo hasil wokit huwo rija wara tani, bad ma huwo shilu malakuut, huwoamiru al kadamin al huwo wodi gurush le huwomon ashan bi nadi le huwo, inu huwo bi arufu yatu maksab huwomon ma amulu tijara. ¹⁶ Al awel ja gidam tuo, kelimu, 'Rabuna amana taki bi ga tala ashara tanin. ¹⁷ Al zol mohim kelimu le huwo, ''Tamum kadam al kwes. La anu inta kan amin fi soker, inta bi indu sulta fi ashara modun. ¹⁸ Al tani ja, kelimu 'Amna taki Rabuna, tala kamsa amanat. ¹⁹ Zol l mohim kelimu, 'Inta shilu mo sulia ta kamsa modun. ²⁰ Tani ja, kelimu, 'Rabuna amana taki yau de ini, al ana afizu kwes fi gumash, ²¹ la anu ana kan kayif min inat, la anu inta zol saab. inta bi shilu haja al inta ma kutu, wa inta bi gata haja al inta ma zara. ²² Zol al mohim kelimu le huwo, Ma kelimat taki Ana bi hukumu inta, inta kadim al sherir. Inta arufu ana zol al der, bi shilu haja al ana ma kutu wa gata haja al ana ma zara ²³ Yala lei inta ma kutu gurush tai fi benki, ashan kan ana rija ana bi limu huwomon ma ribeh?' ²⁴ Zol al mohim kelimu le huwomon al wogif, Shilu bara min huwo al amana, wa wodi le huwo al indu ashara. ²⁵ Huwomon kelimu, Rabuna huwo indu ashara. ²⁶ Ana kelimu le intakum, inukulu wahid al indu bi wodi ketir, lakin min huwo al ma indu, hata al huwo indu bi shilu bara. ²⁷ Lakin adu tai al huwomon ma der ana bi hukumu huwomon, jibu huwomon ni wa katulu gidam tai.'' ²⁸ Zaman huwo kelimu hajat del, huwo ruwa gidam, le Uruselim. ²⁹ Zaman huwo ja gerib le Bethphage wa Bet ania, le jebel zeitun, huwo rasulu etnin min al talamiz, ³⁰ kelimu, ''Ruwa fi beled tani. kan inta dakalu inta bi ligo humar soker ma geni fogo. Fiku wa jibu le ana. ³¹ Kan aye zol asalu inta, 'lei intakum bi fiku? kelimu, Rabuna muhtaj. ³² Del al kan rasulu wa ligo al humar ze ma Yesua wori le huwomon. ³³ Ze mayadum huwomon kan bi fiku humar, siyadum kelimu le huwomon, Lei intakum bi fiku humar? ³⁴ Huwomon kelimu, ''Rabuna muhtaj. ³⁵ Huwomon jibu le Yesua, wa huwomon jada gumash tuomon fi humar wa Yesua aekab fogo. ³⁶ Ze ma huwo ruwa, huwomon ferisu gumash tuomon fi sika. ³⁷ Ze ma huwo bi wosulu le mahal al jebel a zeitun, nas ketir min talamiz bada afra wa mejdo Allah ma sout kebir le amayiel al kebir al huwomon ayenu. ³⁸ kelimu, ''Baraka huwo melek al ja fi isim ta Rabuna! fok Salam fi sama wa mejid!'' ³⁹ Bad min al Firiseen fi nas al ketir de kelimu le huwo, ''Mo alim, sakitu talamiz taki. ⁴⁰ Yesua juabu wa kelimu, '' Ana wori le itakum, kan huwomon asukut, al hijar bi kore.'' ⁴¹ Zaman Yesua wosulu fi medina, huwo kore, ⁴² kelimu. ''Kan ita kan arufu yom de, hata inta, al hajat jibu salam le inta! Lakin huwomon dusu min ena taki. ⁴³ La anu al ayam bi ja fogo inta wokit adu bi abinu hosh hawoli inta wa huwomon bi asuru inta min kulu tija. ⁴⁴ Huwomon bi kasuru inta tihit fi hufura, wa iyal taki, Huwomon ma bi sibu hajer fi ras hajer la anu inta ma arufu zaman al kan Allah bi hawil kalisu inta.'' ⁴⁵ Yesua dakalu fi kenisa wa bada turuju del al kan bi beau hajat, ⁴⁶ kelimu le huwomon, ''Huwo muktub, 'Bet tai bi kun bet ta salawat, lakin inta amulu huwo mahal ta haramia,'' ⁴⁷ Fa Yesua kan bi derisu kulu yom fi kenisa. Rais ta kahna wa kataba wa mo sulin ta nas der katulu huwo, ⁴⁸ lakin huwomon ma ligo teriga la .anu kulu nas kan bi kutu bala wa bi asuma le huwo