¹ Kelimu le akwana takum shab tai!' wa ikwat takum, ' Intum zahiru hiniya,"' ² Jibu sokwa did uma taki, jibu sokwa, hiya ma mara tai, wa wele ana rajil tou. Kede hiya sibu sokol zina tou al min gidamu, wa amiliya ta zina min beinu sudur tou. ³ Kan mafi, Ana bi agilau hiya ariyan wa bi zahiru ariyan tou ze yom al hiya kan weledu. Ana bi kutu hiya ze beriya, ze ardi al atsan, wa ana bi sibu hiya mutu be ates. ⁴ Ana ma indu rahma le iyal tou, humon iyal ta zina. ⁵ Uma tomon kan ta zina, wa hiya al kan shilu humon fi batna amulu amiliya batal(ta fadiya). hiya gal, "Ana bi ruwa wara nas al ana bi hibu, humon bi wodi le ana rakif wa moya, gumas al suf wa gitan tai, zed wa shirab tai." ^{6 7} Ashan kida ana bi abinu hos ashan gofulu sika tou ma shok. Ana bi abinu heta did huwo ashan hiya ma bi ligo sika. Hiya bi rua wara nas al huwo bi hibu, lakin hiya ma bi agder alagu humon. Hiya bi fetisu humon, lakin hiya ma ligo humon. bad dak hiya bi gul, " Ana bi rija le rajil al awel, fa huwo bikun aksan le ana min al hasa." ⁸ Hiya ma rufu inu ana yau wodi le hiya dura, kamur jedid wa zed, wa al wodi le hiya fida wa dahab, al humon istakdimu le Baal. ⁹ Yala ana bi rijau dura tou fi wokit ta hasad, wa kamur tai fi musum tou. Ana bi rijau gumas al suf wa gitan al istakdimu ashan kahti ariyan tou. ¹⁰ Bad dak ana bi agilau hiya ariyan fi uyun ta nas al bi hibu huwo, wa mafi zol bi alagu huwo min idan tai. ¹¹ Ana bi wogifu ihtifalat tou kulu-iid tou, ihtifal ta shahar(gamar) tou al jedid, Yom sebit tou, wa kulu ayam tou ta Mahrajanat(ihtifalat). al sabit. ^{12 13} Ana bi demiru karma wa shejer tiin tou, al hiya kelimu, 'Del ajur al wodi le ana be nas al bi hibu ana.' Ana bi kutu humon ashan bikun ghaba, wa haiwanat ta ghaba bi akulu humon. Ana bi wodi le huwo ighab fi yom ta iid ta Baal, Zaman kan hiya haragu bohur le humon, zaman hiya kutu khatim wa juwahir fi nefsu ka zina, wa hiya rua wara nas al hiya bi hibu wa hiya nesitu ana-de karar min Yahweh." ¹⁴ Yala ana bi aksibu hiya wara Ana bi jibu hiya le beriya wa bi wonusu le hiya shedid. ¹⁵ Ana rijau jinena inab le hiya, wa wade ta Achor ashan yekun bab ta raja. Hiya bi juwabu ana hinak ze hiya amulu fi ayam ta shababia tou, ze fi ayam al hiya ja bara min ardi ta Masir. ¹⁶ Huwo bikun fi yom dak- de karar min Yahwa- al inta bi nadi ana, 'Rajil tai,' wa inta ma bi nadi ana tanimara, 'Baal tai.' ¹⁷ Ana bi talau asma ta Baal min kasuma tou; asma tomon ma bi zekiru tanimarami." ¹⁸ Fi yom dak ana amulu tifagiya le humon ma haiwan wais fi ghaba, ma tiyur fi jou, wa hajat al bi douru tehet be batna. Ana bi shilu danga beid, sef, wa harib min ard, wa ana bi khalik(sibu inta) ta num be salam. ¹⁹ Ana bi waadu ashan bikun rajil taki le abaad. Ana bi waadu ashan bikun rajil taki al saleh, adil, tifagiya be amana, wa rahma. ²⁰ Ana bi waadu nefsi le inta fi amana, wa inta bi arufu Yahwa. ²¹ Fi yom dak, Ana bi juwabu- de yau karar ta Yahwa- Ana bi juwabu samah, wa humon bi juwabu ard. ²² Ard bi juwabu dura, kamur al jedid wa zed, wa humon bi juwabu Jezreel. ²³ Ana bi zarau hiya fi ard le ana, wa ana bi amulu rahma le Lo-Ruhamah. Ana bi kelimu le Lo-Ammi, 'Intum shab tai,' wa humon bi kelimu le ana, "','Inta Allah tai