¹ De kalam ta Yahwa al ja le Hosea weled ta Beeri fi ayam ta Uzziah, Jothan, Ahaz wa Hezekiah, melik ta Judah, wa fi ayam ta Jeroboam weled ta Joash, melik ta Israel. ² Zaman Yahwa wonusu fi awel be wasat Hosea, huwo kelimu le huwo, "Rua, Shilu ma inta mara al zani. Hiya bi weledu iyal al bikun netija ta zina tou. Ardi de sibu Yahwa be amulu zina ³ Biga Hosea rua wa zouju Gomer biniya ta Diblaim, wa hiya hamil wa weledu le huwo weled. ⁴ Yahwa kelimu le Hosea, "Kutu isim tou Jezreel. Fi zaman besit ana bi wodi ikhab le bet(usura) ta Jehu ashan dom al kubu fi Jezreel, wa ana bi kutu nihaya le mamlaka ta shab ta Israel. ⁵ Huwo bi hasil fi yom al ana bi kasuru danga ta Israel fi wade ta Jezreel" ⁶ Gomer hamil tanimara wa weledu biniya. Bad dak Yahwa kelimu le Hosea, "Kutu isim tou Lo-Ruhamah, Ana ma indu rahma tanimara le shab ta Israel, Inu ana bi afi humon kulu. ⁷ Lisa ana bi indu rahma le shab ta Judah, wa ana ankizu humon be nefsi, Yahwa Allah tomon. Ana bi ankizu humon be danga, harib, hasin, au nas al bi douru be hasin." ⁸ Hasa baad Gomer gatau Lo-Ruhamah min sudur, hiya hamil wa weledu weled tani. ⁹ Bad dak Yahwa kelimu, "kutu isim tou Lo-Ammi, Fa ma nas tai, wa ana ma Allah takum. ¹⁰ Lisa adad ta shab ta Israel bikun ze rumula al fi tarab bahar, al ma agderu wozinu au idu. Huwo bikun ze al wori le humon, 'Intum ma shab tai,' bi kelimu le humon, Intum shab ta Allah al hai.' ¹¹ Shab ta Judah wa shab ta Israel bi limu sawa. Humon bi azilu wahid khaid le nufusum, wa humon bi ruwa bara min .(ard, yom ta Jezreel bikun azim(kebir