¹ Zaman yom al kamsin ja, umon kan sawa fi nefsu mahal. ² Fajatan sot ja min samawat ze habub shedid, wa mala bet al umon kan bi geni fogo de kulu. ³ Wa zahir le umon alsina ze nar al gesimu, wa geni fi ras ta kulu zol. ⁴ Umon kulu kan malau ma Roho al Kudus wa bada wonusu be lugat tanin, ze ma Roho wedi le umon ashan bi wonusu. ⁵ Kan fi Yahudin al bi geni fi Urshelim, Nas ta din, min kulu daula tehet sama. ⁶ Zaman sot de asmau, Jumhur ketir ja sawa wa kan biga fi toswish ashan ayi zol asuma umun gi wonusu be luga tuo. ⁷ Umun kan mutajibin wa mustagrabin; umun kelim, ''Hagigatan, hal nas de al gi wunuso del ma Jelilien? ^{10 8} Malu nina bi asuma umun, ayi zol bi wunusu be luga tuo al weledu uwo fugu? ⁹ Barasien, wa Medenien, wa Ilamien, wa nas al bi geni bain Naharen, wa Yahudia, wa Kabudukiya, fi Buntus, wa Asiya , safa Brigiya, wa Bamifiliya , wa Masir wa safa ta Libiya al be safa ta Gairauan, wa zawar min Rome, ¹¹ Yahudin wa nas al ja min bara, Keriyiun, wa Arab, nina gi asuma umun gi wunuso azaim ta Allah be lugat ta nina.'' ¹² Umun kulu tala muhtarin wa mustagrabin; umun wunuso le madun, ''De mana tuo shunu?'' ¹³ Lakin tanin alisu wa wunuso, Umun sakranin.'' ¹⁴ Lakin Buturus wegif ma hidashar, arafa sout tuo, wa wunuso le umun , Ya rujal al Yahudin wa itakum kulu al bi geni fi Urshelim, kede kalam de kun maruf le itakum; kutu takum bala le kelimat tai. ¹⁵ Ashan nas de ma sakranin ze ma itakum bi fekir, lanu de lisa sa talata ta nahar ta alela. ¹⁶ Lakin de haja al kan wunuso bewasat ta Nebi Yuiel; ¹⁷ Uwu bi hasil fi ayamat al akir, 'Allah kelimu, ' Ana bi kubu Roho tai le nas kulu. Awlad wa Banat takum bi itnaba, wa shabab takum bi ayinu ruyat, wa shiuk takum bi hilimu ahlam. ¹⁸ Bardu le abeed tai wa abeed al nusuwan fi ayamat dat Ana bi kubu Roho tai, wa umun bi it-naba. ¹⁹ Ana bi weri ajaib fi sama min fuk wa mujizat fi wata tihid, dom, nar, wa bukhar ta dukhan. ²⁰ Shemis bi gairu le duluma wa gamara le dom, gubal yam ta Rabana al azim wa maruf bija. ²¹ Wa bikun inu ayi zol al bi nadi be isim ta Rabana bi kalisu.' ²² Ya rujal al Israelin, asuma takum kelimat de: Yesua al Nasiri, Zol al akidu le itakum be Allah be Gowat wa Ajaib wa Mujizat al Allah amulu bewasat ta tuo fi nus takum, ze itakum ma badun takum arufu. ²³ Rajil de kan selimu le itakum be Irada ta Allah wa marifa tuo min bediri; wa bewasat iden ta nas ta katiya itakum selibu wa katulu uwu. ²⁴ Lakin Allah guomu uwu, hariru uwu min waja ta mutu, ashan uww kan mustehil ashan bi amsuku uwu be mutu. ²⁵ Ashan Dauod wunuso an uwu, ' Ana ayinu Rabana daimen gidam usa tai, ashan uwu fi yemin tai ashan ma bi hivu ana. ²⁶ Ashan kida geliba ti kan murtah wa lisan tai farhan. Bardu, gisim tai bi kun fi sikha. ²⁸ Ashan itta ma sibu nefsa tai fi Hawiya, wele ita bi sibu kudus taki bi ayinu fasad. ²⁷ Ita weri le ana sikat ta haya; ita bi kutu ana maliyan be farah ma usa taki.' ²⁹ Ikwa, Ana bi agder wunuso be sikha an Rais ta Abba Dauod: uwumutu wa dufunu uwu, wa gubur tuo fi ma inna lakadi yom a alela. ³⁰ Ashan, kida uwu kan nebi wa arufu inu Allah halifu le uwu be gasam, inu uwu be wedi wahid min samar ta gisim tuo fi arsh ta tuo. ³¹ Uwu ayinu min bediri wa wunuso an giyama ta Messih, 'Uwu ma kan sibu fi Hawiya, wele gisim tuo ayinu fasad.' ³² Yesua de Allah Guwumu uwu, wa inna kulu shuhud. ³³ Ze ma Arafu uwu fuk fi yemin ta Allahwa akudu waad ta Roho al Kudus min al Ab, uwu kubu de, al itakum gi ayinu wa gi asuma. ³⁴ Lanu Dauod ma ruwa fi samawat, lakin uwu kelim 'Rabuna wunuso le Rabuna tai, ''Geni safa Ida tai al yemin, ³⁵ lakadi Ana bi kutu adu taki mahal ta dusu kura taki,'' ³⁶ Ashan kida, kede bate ta Israel kulu arufu inu Allah amulu uwu Rabana wa Messih, Yesua de al itakum selibu.'' ³⁷ Zaman umun asuma kalam de, atanu umun fi gulub tumun, wa asalu Buturus wa bagi Rusul, ''Ikewa, kede inna amulu shunu? ³⁸ Baad kida Buturus kelim le umun, ''Tuob takum wa kede amido ayi zol min itakum be isim ta Yesua al Messih le gufran ta kataya takum, wa itakum be ligu hadia ta Roho al Kudus. ³⁹ Lanu waad de le itakum wa le Eyal takum wa le delin al min baid, le nas ketirin ze ma Allah bi nadi.'' ⁴⁰ Be kelimat tanin ketir uwu shahidu wa bi beshiru umun; uwu kelim, ''Kalisu nufus takum min Jil al sherir de.'' ⁴¹ Baad kida umu rudu kalam tuo wa amidu umun, wa nas al dumu fi yom dak kan Talat Alif nefs. ⁴² Umun istemir fi talim ta Rusul wa sherika, fi kasuru ta aesh wa salawat. ⁴³ Kuf takau fi kulu nefs, wa Ajaieb wa Ayat kan hasil bewasat Rusul. ⁴⁴ Wa delin kulu al amin kan sawa wa kulu hajad tumun kan umun bi sharika, ⁴⁵ wa umun tebiyu mumtalakat wa amlak tumun wa wazau le kulu nas, be hasab ihtiyaj ta ayi zol. ⁴⁶ Yom baad yom umun istemir be hadaf wahid fi haikal, wa umun kasuru agubz fi buyut, wa umun shariku akil be farah wa dawadu ta geliba; ⁴⁷ umun sabihu Allah wa ligu naima ma nas kulu. Kulu yom Rabana bi zidu fi adad tumun delin al kalisu.